Курс валют
$
64.35
0.09
71.05
0.2
Курс валют
Курс валют
$
64.35
0.09
71.05
0.2
Меню
Поиск по сайту

Атырдьах ыйын 5 күнүгэр, Владимир Солодов Сунтаар улууһун Хочо нэһилиэктэригэр Тойбохойго уонна Кириэстээххэ үлэлээтэ

06.08.2019 07:38 0
Атырдьах ыйын 5 күнүгэр, Владимир Солодов Сунтаар улууһун Хочо нэһилиэктэригэр Тойбохойго уонна Кириэстээххэ үлэлээтэ

Сунтаар улууһун Аҕа баһылыга Анатолий Григорьев, СӨ Үөрэҕирии миниистирин солбуйааччы Владимир Тихонов, АЛРОСА генеральнай дириэктэрин солбуйааччы Алексей Дьячковскай Тойбохой нэһилиэгэр сырыттылар. Нэһилиэк баһылыга Иван Попов Тойбохой нэһилиэгин олоҕун сырдатта, участоктааҕы балыыһаны көрдөрдө.


С.Г. Кривошапкин аатынан тулаайах уонна көрүүтэ-истиитэ суох хаалбыт оҕолор дьиэлэригэр сырыттылар. Дириэктэр Станислав Егоров оҕолор олорор усулуобуйаларын, сайыҥҥы сынньалаҥнарын төһө туһалаахтык атааралларын билиһиннэрдэ.

Салгыы Г.Е. Бессонов аатынан Республикатааҕы историко-краеведческай музей үлэтин-хамнаһын билистилэр. Музейга оскуола оҕолоругар араас куруоһуктар ыытыллаллар, олортон токсидермия (айылҕа кыылларынан чуучала оҥорооһун), ботаническай садка саас арассаада олордооһунуттан саҕалаан араас үүнээйилэри көрүү-харайыы, музыкальнай инструменнарга дьарыктаныы буолар. Владимир Солодов, Анатолий Григорьев, Владимир Тихонов өйдөбүл хааларыгар ботаническай садка мас олортулар.

Арассыыйаҕа алмаас бастакы көстүбүт сиригэр Кириэстээххэ сылдьыы буолла.

Кэлбит ыалдьыттары киирэр аартыкка нэһилиэк эбээлэр «Кустук» түмсүүлэрэ сахалыы арыылаах алаадьыннан айах тутан көрүстүлэр.

Кириэстээх нэһилиэгин баһылыга Александр Григорьев нэһилиэгин олоҕун, саҥа тутууларын билиһиннэрдэ. Атырдьах ыйын 7 күнүгэр алмаас көстүбүтэ 70 сылын туоларыгар, алмаасчыттарга аналлаах саҥа тутулла турар сквер тутуута саҕаламмытын көрдүлэр. Тутуу комплексын управлениетын начаальнньыга Иван Егоров, «Фонд содействия социально-экономическому развитию Муниципального района «Сунтарский улус (район)» дириэктэрэ Прокопий Иванов тутуу үлэтэ саҕаламмытын билиһиннэрдилэр.

 

Олохтоох культура киинин үлэтин-хамнаһын Августина Платонова көрдөрдө.

Саҥа тутуллар 120 миэстэлээх скуола объегын көрдүлэр, салайааччы Альберт Иванов үлэ хаамыытын сырдатта.

СӨ бырабыытылыстыбатын бэрэсэдээтэлэ Владимир Солодов Халаабыс аартыгынан алмаастаах Мииринэнй улууһугар үлэтин салгыы айаннаата.

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий    

!