Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

АММАҔА ИДЭҺЭ БЫРААҺЫННЬЫГА БУОЛАН ААСТА

20.11.2018 11:55 1
АММАҔА ИДЭҺЭ БЫРААҺЫННЬЫГА БУОЛАН ААСТА

Ааспыт субуотаҕа Амма элбэх ыалыгар эмис эт быргыччы буспут буолуохтаах. Аммалар хас күһүн ахсын сыл тахсар эттэрин, астарын биир сиртэн кэлэн ылар үтүө үгэстээхтэр. Маннык тэриммиттэрэ 22 сыл буолла.

Аммаҕа атыыны-тутууну сэргэ нэһилиэктэр икки ардыларыгар “Идэһэ күнүгэр саха ыалын сандалы остуола“, спортивнай күрэхтэр элбэх көрөөччүнү үмүрү тартылар, үлэ бастыҥнара наҕараадалары туттулар.

Кыһыҥҥы хаһаас астарын атыылаһа анаан-минээн кэлбит дьон бородууксуйаны өр гымматылар, уталыппакка хото ылан күн үөһэ ойуута, атыы-эргиэн сүрүнэ түмүктэннэ. Ону кытта бу күн былааннаммыт күрэхтэһиилэр эмиэ бүтэр уһуктара көһүннэ, уопсай түмүгү дьүүллүүр сүбэ таһаарарга тиэтэйдэ.

Бу күн „сулустарынан“ буоллулар – улахан нэһилиэктэргэ маҥнайгы миэстэҕэ Амма тахсан кыайыы өрөгөйүн биллэ. Иккис миэстэлээх Абаҕа, үһүс бочуоттаах миэстэлээҕинэн Соморсун ааттанна. Иккис бөлөххө нэһилиэктэргэ Мээндиги кыайыылааҕынан таҕыста. Иккис миэстэлээх Майскай, үһүс миэстэлээх Алтан бу күн кыайыы кыбыныылаах айан суолун туттулар.

Бырааһынньык киэһэ Ил Түмэн депутата Р.Е. Федотов түөрт нэһилиэк оскуолатыгар УАЗ массыыналар фондаларын туттарда. Инньэ гынан Соморсун, Эмис, Амма Наахара, Болугур оскуолаларын дириэктэрдэрэ коллективтарын кытта кэлэн, саҥа массыыналар күлүүстэрин ыллылар. Тимир көлөлөр оҕолор сайдалларын, үөрэххэ, олоххо көхтөөх дьон буола улааталларын туһугар өр сыл туһалаатыннар.

***

Источник: „Амма олоҕо“ хаһыат.

Обсуждение • 1

Добавить комментарий
  1. Степан

    фото с ценниками нужно было выложить, для сравнения

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»