Албан Аат болуоссатыгар хорсун буойуттар ааттарыгар сүгүрүйдүлэр

Олунньу 23 күнүгэр, бүтүн Арассыыйа үрдүнэн «Защитим память героев» акцияҕа кыттыһан Сунтаарга Албан Аат болуоссатыгар умуллубат кутаа уот иннигэр сэрии толоонугар охтубут буойуттарга уонна Аҕа дойду сэриититтэн кыайыы көтөллөнөн кэлбит хорсун буойуттар үтүө ааттарыгар сүгүрүйэн сибэкки дьөрбөтүн уурдулар.

Долгутуулаах тэрээһиҥҥэ улуус Аҕа баһылыга Анатолий Григорьев, улуус бэтэрээннэрин Сэбиэтин бэрэссэдээтэлэ Афанасий Васильев эйэлээх халлаан анныгар олорорбутун иһин Кыайыыны уһансыбыттарга махтал тыллары анаатылар, үүнэн иһэр эдэр ыччаттарга бу ытыктабыл күнүн мэлдьи өйдүү-саныы сылдьалларыгар баҕардылар. «Матери России» Сунтаардааҕы салаатын салайааччыта Дария Григорьева биһиги улуустан Афганистан, Чечня уонна Сирия сэриитин кыттыылаахтарыгар Аҕа дойдуну көмүскээччилэр күннэринэн эҕэрдэлээн туран өйөбүнньүк бэлэхтэри туттарда.

***