Курс валют
$
87.3
0.48
95.46
0.3
Курс валют
Курс валют
$
87.3
0.48
95.46
0.3
Меню
Поиск по сайту

Айсен Николаев Дьахталлар аан дойдутааҕы күннэринэн итиитик-истиҥник эҕэрдэлиир

08.03.2019 11:42 0
Айсен Николаев Дьахталлар аан дойдутааҕы күннэринэн итиитик-истиҥник эҕэрдэлиир

Сахабыт сирин күндү Далбар хотуттара!

Өрөспүүбүлүкэ салалтатын уонна тус бэйэм ааппыттан эһигини сандал саас бырааһынньыгынан – Дьахталлар аан дойдутааҕы күннэринэн итиитик-истиҥник эҕэрдэлиибин!

Кулун тутар 8 күнэ тапталы, ыра санааны, кэрэҕэ дьулуһууну, айылҕа уһуктуутун кытта быстыбат ситимнээх. Бу күн биһиги саамай муударай уонна тулуурдаах, амарах сүрэхтээх уонна эйэҕэс дьоммутугар – ийэбитигэр, эбээбитигэр, эдьиийдэрбитигэр, балтыларбытыгар, кыргыттарбытыгар истиҥ махталбытын тиэрдэбит.

Аныгы дьахтар оҕолорун иитэр, көрөр-истэр, алаһа дьиэтигэр эрэллээх, сылаас, сырдык сыһыаны олохтуур, чугас дьонун уостубат тапталынан угуттуур далбар хотун эрэ буолбатах, кини дьыалабыай хаачыстыбатынан уонна талаанынан, дьоҕурунан биһирэнэр идэлээх үлэһит.

Бүгүҥҥү күҥҥэ эһиги – кэрэ аҥаардарбыт – өрөспүүбүлүкэ уопсастыбаннай уонна бэлитиичэскэй олоҕор көхтөөхтүк кыттаҕыт. Эһиги үлэҕититтэн, ис кыаххытыттан, ийэлии кыһамньылаах сыһыаҥҥытыттан өрөспүүбүлүкэбит, дойдубут инникитэ быһаччы тутулуктаах.

Күндү дьахталлар! Эһиэхэ чэгиэн доруобуйаны, сарсыҥҥыга эрэли, уһун дьоллоох олоҕу, дьиэ кэргэҥҥитигэр этэҥҥэ буолууну баҕарабын!

***

Саха Өрөспүүбүлүкэтин Ил Дархана                                                Айсен Николаев

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»