Сериал кастиҥыгар 300-тэн тахса сайаапка киирбит. Бу эдэр дьон киинэ искусствотыгар интэриэһэ улаханын, кинилэр айар талааннарынан сайыннарар баҕалаахтарын көрдөрөр.
Саҥа хартыына сценарийын Октябрина Шестакова суруйда («Быстыбат ситим», «Олох оҥочото», «Омоон суоллар» ааптара). Сериал хас биирдии киһиэхэ чугас тиэмэлэри таарыйыаҕа. Көрөөччүлэри көрдөөх түгэннэрдээх, драманан уонна романтиканан туолбут умсугутуулаах сюжет күүтэр.
Режиссерунан Ярослав Касьянов буолла. Бу кини режиссура эйгэтигэр бастакы холонуута.
Сериалга Дьокуускай куорат үөрэҕин кыһата көстүөҕэ, онно күн аайы олох күөстүү оргуйар: лекциялар, доҕордоһуу уонна таптал, дьоруойдар араас ыарахаттары, олохторугар бастакы улахан быһаарыыларын, хардыыларын оҥоруохтара.
Саҥа хартыына аралдьытар эрэ буолбакка, аныгы ыччат дьиҥнээх олоҕун, кини ыратын, эрэлин көрдөрүөҕэ.
«Айкуо» сериал быйыл алтынньыга сүрэхтэнэрэ былааннанар.
***
НВК сайт ситимиттэн Сардана Лыткина
Оставить комментарий