Курс валют
$
73.02
0.12
86.77
0.22
Курс валют
Курс валют
$
73.02
0.12
86.77
0.22
Меню
Поиск по сайту

Аҕа баһылык Айсен Николаевка уонна телевидение тойоно Олег Марковка бар-дьон хаһыата «Туймаада» нөҥүө аһаҕас сурук

12.01.2021 14:37 21
Аҕа баһылык Айсен Николаевка уонна телевидение тойоно Олег Марковка бар-дьон хаһыата «Туймаада» нөҥүө аһаҕас сурук

Айсен Сергеевич,  Олег  Олегович !

Сакаасчыт уонна ону толорооччу ааттарыгар  үгүс түгэнтэн үс суолга эһиги болҕомтоҕутун тардарга холонобун.

БАСТАКЫТА.  Телевизорга “АЛРОСА” хампаанньа айылҕаны “харыстыырын” туһунан үүнэ-тэһиинэ суох нүдьү — балай салгымтыалаах арбааһыны хаһыс да ыйын ыыта олороҕут. Бүлүүгэ балык ыаматын ыытар, өрүһү киртиппэт үһү. Тоҕо балык ыаматын ыытарый, онно балык эһиннэ дуо?  Соторутааҕыта соҕус Бүлүүгэ балык дэлэйин дакаастыыр курдук этигит. Ууну ыраастатыҥ, оччоҕо  Улуу Өлүөнэ, эһигинэ да суох, маанылаах балтыгар — Бүлүүгэ балык арааһын өрө таһааран үөскэтиэ. Билигин Өлүөнэттэн Бүлүүгэ тахса сатыыр балык уутун сирэн төннө турар, ону өйдүүр улахан уустуга суох. Ууга куска маарыҥнаабат икки эрэһиинэ манчыыгы олорпуккут, илимтэн биир киһи быччыка (собо да буолбатах) араара турара көстөр. Айдаарымаҥ, кус, балык күөллэргитигэр, өрүстэргитигэр дэлэй диир быһыылара буоллаҕа. Саханы мантан ордук атаҕастыахха сөп дуо?

ИККИҺЭ.   Бастыҥ ханаалбытыгар ас арааһын астыыры салгыбакка көрдөрөҕүт, түмүгэр “минньиэстик аһааҥ” диэн буолар.  Бу көрдөрөн туран дьону күлүү-элэк гыныы. Биирдэ эмэ маҕаһыыҥҥа, рынокка сылдьыҥ эрэ. Саҥа дьыл иннигэр чыыр балык киилэтэ 1200 солкуобайга тиийэ сырытта, 25 тыһыынча сыаналаах соҕотох тууччах өрө анньыллан турар, ону биир ыйдаах пенсиянан кыайан ылбаккын.  Убаһа быара, харта, хаан биир оннук. Эт, арыы сыаната төһө үрдээбитин, муҥ саатар, чаҕардаргытын ыытан билиһиннэриҥ, кэпсээннэрин истиҥ, ол эрэ кэнниттэн “минньигэстик аһыырга”  ыҥырыҥ.

ҮСҮҺЭ.   Син киһи көрүөх айылаах сорох биэриилэри көрө олордоххуна  “Үтээн кэпсээнэ” быһан кэбиһэрэ ыраатта. Булчуттар биир сайын устата 47 тайаҕы, 6 эһэни бултаабыттарын кэпсииллэр. Сайын. Саатар күһүн, эбэтэр кыһын да буолбатах. Итини итэҕэйэр киһи баара буолуо дуо?  Орто холуочук, чанчарык тас таҥас, бэргэһэ, сирэй-харах. Биир бөтөстөрө этэрбэһин астаах остуолларын үрдүгэр тутар-хабар. Үүтээни бырылаччы оттон баран суунан-тараанан, тас таҥаһы устан дьоһуннук олорон аһыыр үгэс баара, урукку булчуттарга. Ити – үүтээҥҥэ, аһыыр остуолга туспа ытыктабыл, сиэр-туом бэлиэтэ буолара урут. Этэрбэһи ас үрдүгэр салыбыраппаттара, чэнчистэрэ.

ТҮМҮККЭ

Маннык биэриилэр кимиэхэ аналлаахтара, тугу туһалыыллара буолла? Маны биирдэ эрэ элэс көрдөрөн ааһыы буолбатах, бу — сыҥалыы-сыҥалыы, атын биэриилэри быһан, күүһүлээн туран дьоҥҥо тиэрдэ сатааһын, бэйэ дьонун сэнээһин, туохха да уурбат буолуу муҥутуур  кстүүтэ. Маннык быһыы бары араҥаҕа, ол иһигэр былааска, кулуттуйуу (нууччалыыта – холуйства) көрүҥүн быһыытынан дириҥник киирбитин туоһута буолбатах дуо?  Манна сакааһы биэрээччи уонна ону толорооччу норуот иннигэр эппиэтинэскитин умнуо суохтааххыт. Омсолоох быһыы наһаа элбээтэ, олортон муҥ саатар бу үс ахтыллыбыты дьон туһугар туоратаргытыгар этии киллэрэбин. Норуот эһиэхэ туох да куһаҕаны оҥорбот, төттөрүтүн моонньугар сүгэр, тус дохуоккутун үрдэтэр, ол иһин эһиги өттүгүтүттэн үтүө харда баар буолуохтаах.

***

Дьокуускай куорат кырдьаҕас олохтооҕо Иван Бурцев,

Тохсунньу тоҕус күнэ, 2021 сыл.   

Обсуждение • 21

Добавить комментарий
  1. кырдьа5ас учуутал

    1. хампаанньа улэлии сатыырын кердердун, сеп хайысха, балык ыаматын ыыттыннар!
    2. минньигэстик аһыырга ыҥырыҥ, кердерун! ХааЬыны эрэ кердеруеххут да?
    3. Үутээн кэпсээнэ сал5аннын, бэрт!
    ТҮМҮККЭ
    Оннук-маннык кириитикилээн сатааЬыны истимэн

  2. Крестяхпын

    АЛРОСА Бүлүүнү киртиппитэ биллэр.
    Оттон ону восстановление ради галочки ыытыллар. Ахсынньы 12-26 күннэригэр Крестях уонна Устье анныларынан кугас өҥнөөх уу халыйан киһини тобугунан буолбута ватсаапка баар.
    Малай Ботобуйа үрэх өлбүт үрэх. Сымыйаччылар ону зарыблениелаабыттар курдук арбаммыттара.
    Уубутун сиэтилэр. Ынах ииһин курдук. Станциялара кыаммат.
    Дьэ эрэй.

    • 4291

      Ити ууну ыраастыыр станция диэннэрэ таах сибиэ. Ууну улахан эттиктэртэн эрэ ыраастыыр, өлбөөркөй эрэ буолбататын туһугар. Ыарахан металлар атомнарын фильтрдара кыайан туппат, олоруҥ кыралара бэрт буоллаҕа. Ол кэриэтэ ыраах сытар үчүгэй уулаах сирдэргэ диэри суол тутан биэриэ этилэр буо, киһи бэйэтэ да бастан иһэрин курдук. Ууну таһар массыына да син баар курдук телевизорга көрдөххө.

  3. Хадаар

    Сымыйанан кырдьагас учууталбын дэнимэ. Былаас дьонноруттан уос-тиис салаьар эбэтэр бэйэн ньудьу-балай киьигин быьыылаах. Буурсап Уйбаан сепке этэр. Кини олого ону барытын кэрэьэлиир.

    • Кэлэйэбин

      Буурсап Уйбаан,һынтаар тойон-бюрократтара мирнэй алмазниктарын иннигэр ньылаҥнаан сыыла хаптаҥныы сылдьар кэмнэригэр, дьон хараҕын экологическай ыарахан буруйу арыйбыта. Һынтаардар дьэ һонно уһуктубуттара ньыымыргаан ньааҕыргаан Бүлүү Эбэлэрин сиэппиттэрин өйдөөбүттэрэ. Ол иннигэр һынтаардар кинилэргэ туох да туһата суох мирнэй алмазниктарыгар тойук туойа туойа сыыла сылдьыбыттара. Бүтүн Бүлүү Эбэ Хотун өлбүтүгэр кымаардаабатахтара даҕаны сорох баҕайылар.

  4. 4785

    Сыалай булуу эбэни киртитэн, эстэр суолга киллэрэн баран баара суога 50 тыыьынча ыстарааптанна баай алроса! Онтон теье даганы сыаналаагын иьин, агыйах кээчэрэни бултаабыт харабылынан улэлиир, уус алдан киьитин 10 тахса мелуйуеннэ ыстарааптанна, дьэ улахан берестуупунньугу кэьэттибит диэн кыбыстыбакка тэлэбиисэринэн, интернетинэн кэпсээн бегелер! Бу аата норуоту сэнээьин буолбат дуо?!

  5. Мэнэ киьитэ

    Олег Олегович кэлиэ5иттэн телевидение улэтэ лаппа тубуста, Сана дьыл туун биьи семья НВК САХА эрэ кердубут, о5олорбут (диктордар) талааннарын сехтубут. Но Талбан наьаа элбээтэ. Уутээн кэпсээнэ булчуттарга интириэьинэй дьексе сайдыахтара, билигин реклама биэрэри ким кыайан боппот, ону ылын ылыныма бэйэн дьыалан. Сылгы этэ, урун балык сыаната рынок закона ылар буоллахарына сыана урдээн иьиэ, сыаната хааччахтаммат.

  6. Бэрт

    Ытык кырдьа5ас сепке суруйбут , НКИК салалтата бол5омто5о ылыан наада.

  7. Булчут

    Улахан браконьер сахатеатр директора эбит кербутун бары елере сылдьар

  8. кырдьагас

    уутээн кэпсээнэ браконьердар кисиргэниилэрэ курдук сорогор. 45 тайагы олорбутум диэн туох аатай…Хата саха киситэ кыылы суолу асынар харыстыыр курдук араас тугэннэри кэпсэтиилэрэ буоллар бэрт этэ.

  9. Мин

    Талбан НВК Саха биэриитин 50 % ылар бу тугуй? Ол аата биир авторскай передачанан бутэбит дуо? Атын улэhиттэр туохха наадаларый оччо5о?

  10. 2196

    Сайа, Георгий Белоусов передачалара олус учугэйдэр, Сардаана ханна барда, мин ийэм 90 саастаах Эдуард Рудых тылын эрэ чуолкайдык истэбин диир, то5о кини передачата суо5уй, Талбан фокуснигы киьи ылыммат, нуччалыы ужас говорит.

  11. олохтоох

    кырдьык талбан аьары элбээтэ, хомойуох иьин дьо5ура тиийбэт, кыргыттартан алена антонова тембрдаах куоластаах, туох эмэ авторскай биэриинэн тахсыа этэ, биир киьи эфиры аьары элбэ5и ылара себе суох быьыы

  12. Саха

    Сопко бэлиэтэммит сурук, ити 3 суол баара НВК Сахаттан саханы тэйитэр, биир бэйэм итини корумээри саба тутабын. Алроса сымыйа рекламатын устаргытыгар модьуйабыт.

  13. Ааҕааччы

    Телеведения үлэтэ олох мөлтөх.Ыраастык сахалыы саҥарар диэн суох.Сайа эрэ передачата үчүгэй.Итиоҕонньор сөпкө этэр .туруорсар.

  14. Коннору

    Сахалыы политика боппуруосугар асагастык кэпсэтэр передачаны хайдах онорботторун сатаан санаабаппын. Хасаанна дылы дьон санаатыгар наадыйбат, дьон санаатын суруннуургэ кысаммат буола сылдьыахпыт дииллэрэ буолла.. Ити тумугэр араас буккуур, тун тан соц. Ситимнэринэн асара элбээтэ. Араас Саха дьонун федеральнай былааска, Президент Путинна утары туруоран сатыыр интернет матырыйаал тастан симиллэ сытар

  15. Аагааччы

    Нвк диктордар тас коруннэригэр, тылларыгар-осторугэр, дикцияларыгар опус улахан болгомтону ууруон наада! Сорох биэриилэри ыытар дьон (Сергеев уо д а) булдьугурээн санаралларын ойдоон да истиллибэт. Талбан биэриилэригэр кэлин аьары баран дуоьунастаах дьону, улус баьылыктарын правительство дуу , ил дархан дуу курдук сэмэлиирэ, сыанабыл биэрэрэ олуонатык костор. Аны улуустаьыы олус харахха бырагыллар, холобур Сайа уксун сунтаардары, Сардаана-Уус Алданнары, Белоусов-Намнары таьаараллар. Буду тугуй?! Уопсайынан нвк бэйэтин улэтин ырытан корор кэмэ уолдьаста! Автор сопко эппит !

  16. һааска

    Һынтаардар һыылан бүтүөххэ эрэ һаллыы баайы дии.
    Һааттым. Һаллан хааллым. Гордость баар дуо?

  17. Кугдаров

    Уйбаан Буурцев кырдьа5ас саамай сепке, баары суруйбут. Кырдьа5ас учуутал — бу холуйство, кулуттуйуу ча5ылхай холобура. Уйбаацца ессе биири эбэбин : Барыыьап са5ана учугэй кэрэ барыта Чурапчыга эрэ баара, сонун-нуомас, куммут кытта Чурапчыга эрэ тыгара, онтукайбыт билигин буус бутуннуу Уеьээ Булуугэ кеспут. Мантан ордук хайдах кулуттуйуохха себуй, тойон Марков. Син эдэр со5ус, кецул уйэ киьитэ буолуо дии санаабытым, Африка 17 -с уйэтинээ5и кулут негринээ5эр мелтех ис туруктаах киьи ал5ас былааска тахсан хаалбыккын, айма5ынан эцин буолуо. Онон, кеннербет буоллаххына, эрэй а5ыйах эрдэ5инэ, туораан биэр.

    • Боотулуу

      Кугдаров сымыйалаама баҕайы!
      Үөһээ-Бүлүү букатын сайдыыта суох. Наар Саха сирин баайын мэҥиэстибит Чрапчаны кытары тэҥниигин дуо?!
      Тугу ылаахтаатылар үөһээ-бүтүүлэр? Суоллара мөлтөх, хаҥас биэрэк былыргылыы олорор, Эбэ хаайдаҕына хаайтарыы, уоттара мөлтөх.
      Айсены тыытымаҥ! Үлэлээтин! Оттон эн Кугдаарап аатынан киирээччи сотору биллиэҥ баҕайы!

  18. Кугдаров

    Боотулу маладьыас, чиэьинэй киьи эбиккин. Туга да суоххун билинэ5ин. Онтон НВК-быт, тойон Мааркап Саха сирин сурун ситиьиитэ Уеьээ Булуугэ эрэ баарын курдук, кун ахсын лэбэйдиир дии, онон, эн Мааркаптыын сууттас, миигиннэн кииримэ.

Оставить комментарий    

Россельхозбанк
АЯМ