Улуус, нэһилиэктэр салалталара өрөгөйдөөн, махтанан туран, Никита Андреев Аан дойду чемпионугар 500 тыһ. солк., тренеригэр 250 тыһ.солк. наҕараадалаата.
Бэрдьигэстээх нэһилиэгин баһылыга Алексей Аргунов100 уонна 50 тыһ.солк. Нэһилиэк дьаһалталарын аатыттан Солоҕон нэһилиэгин баһылыга Александра Александрова 400 тыһ.солк. анаатылар. Алексей Аргунов кэскиллээх ыччаппыт Бэрдьигэстээх нэһилиэгин «Бочуоттаах олохтооҕо» буолбутун бигэргэтэр дастабырыанньаны туттарда.
Мас тардыһыытын улуустааҕы федерациятын, «Горнай-Ас» ТХПК бэрэссэдээтэл Николай Ефремовмадьынылар, урбаанньыттар ааттарыттан, Александр Агеев аатынан оҕо спортивный оскуолатын дириэктэрэ Егор Захаров, мас тардыһыытыгар өрөспүүбүлүкэ сэттэ, Россия түөрт төгүллээх чемпионката Айталина Колодезникова,Василий Филиппов аатынан улуустааҕы гимназияттан Анжелика Петрова, учуутала Иван Дьяконов сэмэй бэлэхтэрин уунан туран, итиитик-истиҥник эҕэрдэлээтилэр.
Семен Борисов тапталлаах эбэтэ, Россия үтүөлээх учуутала Александра Саввична, аҕата Савва Николаевич оҕолорун ситиһиииинэн киэн туттан туран, тренеригэр Александр Павловичка махтал үтүө тылларын анаатылар.
Бииргэ дьарыктанар эдэр мадьыныларбыт Сеня ситиһиитэ кинилэргэ холобур буоларын эттилэр. Спорт үрдүкү Чыпчаалын дабайарга дьулуһуохпут диэн эрэннэрдилэр.
Бүгүҥҥү күн буруйдаахтара биир дойдулаахтарын, чугас дьоннорун өйөбүлэ суох ситиһии кэлбэт диэн чопчулаан бэлиэтээн тураннар махталларын тириэртилэр.
***
Вячеслав Алексеев
Улахан уол эбит, маладьыас.
Ханна, хаhан, хас ыйааhынна бастакы миэстэ буолбутун то5о сиhилии суруллубата5ый.