Аҕа дойду көмүскээччилэрин күнүнэн!
Эркин курдук эрэнэр, дурда-хахха буолар, киэҥ көҕүстээх, уһун-киэҥ санаалаах, сатабыллаах, дьаһаныылаах, симик майгылаах, күүстээх санаалаах, Орто дойду олоҕун уһанар аналлаах ытык эһэлэрбитин, амарах аҕаларбытын, тойон эрдэрбитин, уолаттарбытын-кынаттарбытын бүгүҥҥү дьоро күнүнэн эҕэрдэлиибит! Туруук таас хайа курдук чиҥ, сымара таас курдук бөҕө санаалаах, аламай маҥан күн курдук төлөннөөх сүрэхтээх, добун халлаан курдук үрдүк, ыраас ыралаах, айыы аймаҕын араҥаччыта, күн өркөн улууһун көмүскэлэ, омук төлкөтө, норуот хаххата буола туруҥ!
***
Aartyk.ru
Ийэ Сири, Аҕаларбыт Дойдутун саа-саадах эрэ тутан буолбакка, атын алдьатар, дьону-дойдуну эмсэҕэлэтэр дьайыылартан өйүнэн-санаанан, күннээҕи олохпут сиэринэн көмүскүөххэ эмиэ сөп.
Онон Аҕаларбыт Дойдутун, Ийэ Сирбитин, оҕолорбутун харыстыыр-хараанныыр өйбүтүнэн-санаабытынан, күннээҕи тус олохпут сиэринэн холобур буолан көмүскүүр буоллахпытына, омук быһыытынан үүнэн-сайдан уһуур-тэнийэр кэскиллэниэ этибит.
Сүрдээх, сахалыы санаалаах, Дойдулаах, дьонноох буолаҥҥыт дьоллоох буолуҥ өрүүтүн.
Харыйалаах кыыһа. 2005 с.