Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

⠀Мэҥэ Хаҥаласка улуустааҕы “Эдэр ыал – 2022” куонкурус

20.06.2022 21:39 0
⠀Мэҥэ Хаҥаласка улуустааҕы “Эдэр ыал – 2022” куонкурус

Куонкуруска Майаттан, Тиэлигиттэн, Чүүйэттэн, Төхтүртэн, Төҥүлүттэн алта дьиэ кэргэн кырачаан оҕолорун кытта көхтөөхтүк кытыннылар. Дьоро киэһэни Петр Кулаковскай иилээн-саҕалаан ыытта, ол туhунан улуус дьаhалтата суруйар.

⠀⠀ЭДЭР ЫАЛ бэйэни билиһиннэрииттэн саҕалаан, дьоҕурдарын көрдөрдүлэр, дьиэ кэргэн гиэрбэтин көмүскээтилэр, итиэннэ дьоҕурдарын көрдөрөр стендэнэн бэйэлэрин билиһиннэрдилэр уонна ыйытыктарга хоруйдаатылар.

⠀⠀ТҮМҮККЭ “Сайдам-сайаҕас ыал” анал ааты Төхтүртэн Ульяна, Александр Соловьевтар ыллылар. Онтон “Кэскиллээх ыал” ‒ Төҥүлүттэн Юлия, Василий Слепцовтар буоллулар. “Дьоһун-мааны ыал” ааты Тиэлигиттэн кэлбит Валерия, Мичил Гаврильевтар ыллылар. Кыттааччыларга урбаанньыт Руслан Федотовтан уоннуу тыһыынчалаах сэртипикээттэри туттардылар.

⠀⠀Майа сэлиэнньэтиттэн Сахаяна, Дьулустан Ивановтар үһүс миэстэ буоланнар убаһа ылары ситистилэр. Чүүйэттэн Туяра, Николай Игнатьетар иккис миэстэ буоланнар 75 тыһыынчалаах сертификаты ыллылар. Онтон Майаттан Юлия, Александр Васильевтар инники күөҥҥэ тахсан, 100 тыһыынчалаах сертификатынан наҕараадаланнылар. 

 ⠀⠀Мэҥэ Хаҥалас улууһун бастыҥ эдэр ыалынан Юлия, Александр Васильевтар дьиэ кэргэн ааттаннылар уонна от ыйыгар Бүлүүгэ ыытыллар ыччат бэстибээлигэр кыттан, улууспут чиэһин көмүскүүр буоллулар. ⠀

⠀⠀Улуус баһылыгын бастакы солбуйааччы Семен Потапов эҕэрдэ тыл эттэ уонна сыаналаах бириистэри туттарда. Нэһилиэктэр дьаһалталара эдэр ыалларыгар өйдөбүнньүк бэлэхтэри биэрдилэр.

***
Aartyk.Ru

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»