Гидрометеорология киинин синоптиктара кэпсииллэринэн, өрөспүүбүлүкэ улуустарын үксүгэр кыралаан, сорох сиринэн кыралаан хаар түһэрэ сабаҕаланар. Өлүөнэ өрүс алын тардыытынан уонна Дьааҥы диэки күүстээх хаар түһүөҕэ. Оттон арҕаа улуустарга инчэҕэй хаар, күнүһүн инчэҕэй хаары кытта ардахтыыра күүтүллэр.
Тыал орто күүстээх, сорох сиринэн сөкүүндэҕэ 9-14 миэтэрэ түргэннээхтик түһүөҕэ. Оттон Арктика улуустарыгар тыал күүһэ сөкүүндэҕэ 15-20 миэтэрэҕэ тиийэр, буурҕа түһэрэ сабаҕаланар, инньэ гынан айанньыттар сэрэхтээх буолалларыгар сүбэлииллэр.
Салгын температурата күнүһүн -1…-6°С кыраадыс буолуоҕа. Соҕуруулуу-арҕаа +1…+6°С сылыйар, оттон хотугулуу-илиҥҥи улуустарга -6…-11°С тымныы буолара күүтүллэр.
Дьокуускай куоракка сарсыарда уонна күнүһүн хаар түһүөҕэ. Соҕуруулуу-арҕааттан сөкүүндэҕэ 3-8 миэтэрэ түргэннээх тыалырар. Күнүһүн салгын температурата -2…-4°С кыраадыс буолуоҕа.
Оставить комментарий