Курс валют
$
64.3
0.56
69.42
0.65
Курс валют
Курс валют
$
64.3
0.56
69.42
0.65
Меню
Поиск по сайту

Сунтаарга Ийэ тыл уонна сурук-бичик күнүгэр үөрэҕирии үлэһиттэрин олунньу ыйдааҕы сүбэ мунньаҕа буолла

14.02.2020 11:06 0
Сунтаарга Ийэ тыл уонна сурук-бичик күнүгэр үөрэҕирии үлэһиттэрин  олунньу ыйдааҕы сүбэ мунньаҕа буолла
Ийэ тыл уонна сурук-бичик күнүгэр үгэскэ кубулуйбут Сунтаар улууһун  үөрэҕириитин үлэһиттэрин олунньу ыйдааҕы сүбэ мунньаҕа «Повыщение эффективности деятельности образовательных организаций в условиях реализации национальных проектов» диэн тиэмэннэн ыытылынна. 

Сарсыарда өттүгэр секцияларга арахсан учууталларга семинар, онтон эбиэт кэннэ сүбэ мунньах, ол кэннэ А.П. Павлов аатын сүгэр Сунтаардааҕы 1 №-дээх орто уопсай үөрэхтээһин оскуолатыгар уонна Сунтаардааҕы политехническай лицей-интернатка «Билиҥҥи кэм оскуолата» национальнай бырайыак  иһинэн тэриллибит «Точка роста» диэн аныгы оборудование көмөтүнэн информатика, технология уонна ОБЖ предметтарыгар анаммыт толору хааччыллыылаах кабинеттарынан экскурсия буолла.

Сүбэ мунньахха Сунтаар улууһун Аҕа баһылыга Анатолий Григорьев, баһылыгы социальнай уонна имиджевай бэлиитикэҕэ солбуйааччы Гаврил Еремеев, үөрэх управлениятын салайааччыта Альберт Иванов, үөрэх кыһаларын дириэктэрдэрэ уонна оҕо уһуйааннарын салайааччылара кыттыыны ыллылар. Улуус Аҕа баһылыга – өй-санаа сыаннастарыгар олоҕуран бары өттүнэн сайдыылаах, конкурентоспособнай, төрөөбүт дойдуларын сайыннарар ыччаты иитэн таһаарарбыт улахан суолталааҕын бэлиэтээн, кэнчээри ыччаппыт кэскилин түстээччилэри аныгы олох тэтимин, ирдэбилин кытары тэҥҥэ хаамсан үөрэхтэрин таһымын үрдэтэллэрин кэскиллээх суол диэн туһаайан эттэ.

Сүбэ мунньах түмүгэр өр сылларга таһаарыылаахтык үлэлээбит учууталлары чиэстээтибит. Сунтаар улууһун Аҕа баһылыга Анатолий Григорьев бүтүн Арассыыйа, СӨ, Сунтаар улууһун үөрэҕириитин сайдыытыгар тус кылааттарын, өр сыллаах үрдүк таһаарыылаах үлэлэрин иһин Күүкэй орто оскуолатын учууталыгар Мария Николаеваҕа, Күндэйэ орто оскуолатын иитэр уонна үөрэтэр үлэҕэ дириэктэри солбуйааччытыгар Таисия Андрееваҕа, Күндэйэ орто оскуолатын научно-методическай үлэҕэ дириэктэри солбуйааччытыгар Снежана Саввиноваҕа – “РФ иитиигэ уонна үөрэхтээһиҥҥэ Бочуоттаах үлэһит” ааттары туттарда.

Сунтаардааҕы коррекционнай оскуола иитэр уонна үөрэтэр үлэҕэ дириэктэри солбуйааччытыгар Светлана Ивановаҕа, Арыылаах агропрофилированной орто оскуолатын учууталыгар Розалия Ивановаҕа, Сунтаар нэһилиэгин «Кыталык» оҕо сайдар киинин сэбиэдиссэйин солбуйааччытыгар Светлана Григорьеваҕа, 1№-дээх орто оскуолатын учууталыгар Марианна Семеноваҕа,  Күүкэй орто оскуолатын учууталыгар Олимпиада Федороваҕа, Сунтаар нэһилиэгин «Чебурашка» о5о сайдар киинин иитээччитигэр Александра Николаеваҕа, Маар-Күөл орто оскуолатын учууталыгар Саргылана Дорофееваҕа – РФ Үөрэҕириитин министерствотын Бочуотунай грамоталарынан наҕараадаланнылар.

Оҕону иитиигэ, үөрэтиигэ сүдү кылаатын, өр сылларга сыралаах үлэтин иһин  Хадаҥ орто оскуолатын учууталыгар Тамара Николаеваҕа СӨ «ГРАЖДАНСКАЙ КИЛБИЭН» бэлиэ туттарылынна.

Наахара алын сүүһүөх оскуолатын учууталыгар Октябрина Захароваҕа уонна Тойбохой оскуолатын социальнай педагогар Зинаида Павловаҕа “Сунтаар улууһун үөрэҕириитин сайдыытыгар кылаатын иһин”  Бочуотунай бэлиэнэн наҕараадаланнылар.

Доруобуйа, үөрэҕирии, ыччат бэлиитикэтин хамыыһыйатын бэрэсэдээтэлэ Александр Михайлов өр сыллаах таһаарыылаах үлэлэрин уонна үөрэҕирии сайдыытыгар улахан кылааттарын иһин Сунтаар 2№-дээх оскуолатын учууталларыгар Мария Васильева уонна Саргылана Андрееваҕа СӨ Ил-Тумэн государственнай мунньаҕын Бочуотунай грамотатынан наҕараадаланнылар.

Сунтаар улууһун үөрэҕириитин управлениятын салайааччыта Альберт Иванов үөрэтиигэ уонна иитиигэ улахан кылааттарын  иһин Тэҥкэ алын сүһүөх оскуола дириэктэригэр Светлана Лукинаҕа уонна Сунтаар 1№-дээх оскуолатын кыраайы үөрэтэр музейын салайааччытыгар Фекла Андрееваҕа «Саха Өрөспүүбүлүкэтин үөрэҕириитин туйгуна» бэлиэлэри туттарда.

Үөрэҕирии эйгэтигэр өр сыллаах таһаарыылаах үлэтин иһин Тойбохой оскуолатын педагогическай үлэ ветерана Яков Васильев «Учууталлар учууталлара» бэлиэннэн наҕараадаланна.

Сунтаар улууһун үөрэҕириитин сайдыытыгар таһаарыылаах үлэтин иһин Сунтаар 3№-дээх оскуола дириэктэригэр Андрей Николаевка «Надежда Якутии» бэлиэ туттарылынна.

Өр сыллаах таһаарыылаах үлэтин уонна үөрэҕирии сайдыытыгар улахан кылаатын иьин Сунтаар нэһилиэгин «Ньургуһун» оҕо сайдар киинин педагогическай үлэ ветерана Светлана Руфоваҕа«Оскуола иннинээҕи үөрэхтээһин сайдыытыгар кылаатын иһин» бэлиэннэн наҕараадаланна.

Үүнэр көлүөнэни иитэр уонна үөрэтэр үлэҕэ бэриниилээхтэрин иһин Сунтаардааҕы политехническай лицей – интернат маастарыгар Станислав Тихоновка уонна Түбэй оскуолатын педагог-организаторыгар Анастасия Винокурова «Эбии үөрэхтээһин сайдыытыгар кылаатын иһин» бэлиэннэн наҕараадаланнылар

Үүнэр көлүөнэни үөрэтэр уонна иитэр үлэҕэ бэриниилээх, өр кэмҥэ үөрэхтээһин сайдыытыгар үтүө суобастаах үлэлэрин иһин Кириэстээх нэһилиэгин Солнышко оҕо уһуйаанын музыкаҕа салайааччытыгар Анна Васильеваҕа, Хоро нэһилиэгин «Хаарчаана» оҕо уһуйаанын иитээччитигэр Сардана Павловаҕа, Бордоҥ оскуолатын иитэр үлэҕэ солбуйааччытыгар Любовь Петроваҕа, Кэмпэнээйи оскуолатын социальнай педагогар Нюргуяна Федороваҕа, Күндэйэ орто оскуолатын учууталыгар Мария Васильеваҕа уонна Күүкэй оскуолатын учууталыгар Ариана Николаеваҕа СӨ үөрэҕин уонна наукатын министиэристибэтин Бочуотунай грамотатынан наҕараадаланнылар.

Сунтаар нэһилиэгин Ньургуһун оҕо сайдар киинин иитээччи-көмөлөһөөччүтүгэр Варвара Доктороваҕа, Сунтаардааҕы политехническай лицей – интернат учууталыгар Наталья Ивановаҕа уонна Күүкэй оскуолатын педагог-библиотекарыгар Ксения Саввиноваҕа СӨ  үөрэҕин уонна наукатын министиэристибэтин махтал суруктара тутарылыннылар.

Түгэнинэн туһанан, РФ үөрэҕириитин бочуоттаах үлэһитэ, СӨ үөрэҕириитин туйгуна, Валерий Егоровка өр сыллаах таһаарыылаах үлэтин уонна үөрэҕирии сайдыытыгар улахан кылаатын иһин «Сунтаар улууһун үөрэҕириитин сайдыытыгар кылаатын иһин» Бочуотунай наҕараада туттарылынна

Валерий Иннокентьевыһы 48 сыл үөрэҕирии систиэмэтигэр уһулуччу талааннаах, актыбыыс, бар дьонугар күүс-көмө, улууһун сайдыытыгар туох баар күүһүн, билиитин, сатабылын анаан дойдутун дьонун туһугар күүскэ үлэлии сылдьар киһиннэн билинэбит. Үөрүүлээх тэрээһиҥҥэ Сунтаар улууһун Аҕа баһылыга Анатолий Григорьев, үөрэх управлениятын салайааччыта Альберт Иванов уонна өр сылга бииргэ алтыһан үлэлээбит коллегалара эҕэрдэлээтилэр.

***
«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

!