Сунтаардааҕы оҕо уһуйаанын сэбиэдиссэйдэрэ Санкт-Петербург куоракка кууруска сылдьан үөрэх таһымын үрдэтэллэр

Тохсунньу  17-21 күннэригэр  Санкт-Петербург куоракка “Инники олох учуутала” диэн национальнай бырайыак чэрчитинэн, Сунтаар улууһун Аҕа баһылыга Анатолий Григорьев салайааччылаах улуус үөрэҕириитин  управлениятын салайааччыта Альберт Иванов уонна оҕо уһуйаанын сэбиэдиссэйдэрэ “О5о уhуйаанын тэрилтэтин сайдыытын салайыы” кууруска сылдьан үөрэх таһымын үрдэтэллэр.

Бу куурустарга биһиги улуустан уопсайа 37 киһилээх делегация кыттыыны ылыа. Үөрэтии бэрээдэгинэн оҕону сааһынан аттаран сайыннарыы, иитии-үөрэтии уратыларыгар дириҥ ис хоһоонноох маастар-кылаастар, хорутуулаах бэсиэдэлэр ыытыллыахтара.

***

«Сунтаар улууһа (оройуона)» муниципальнай оройуон дьаһалтатын пресс-сулууспата