Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

НЬУРБАҔА 280 МИЭСТЭЛЭЭХ ОҔО УҺУЙААНА ТУТУЛЛА ТУРАР

04.04.2020 07:18 0
НЬУРБАҔА 280 МИЭСТЭЛЭЭХ ОҔО УҺУЙААНА ТУТУЛЛА ТУРАР

Ньурба куоракка “Демография” национальнай бырайыак чэрчитинэн 280 миэстэлээх баараҕай оҕо уһуйаана тутулла турар. Ааспыт сыл сэтинньи ыйыгар Дьокуускайдааҕы “Ярус” ХЭТ эбийиэк бастакы сыбаайатын түһэрбитэ.


Быйыл бэдэрээтчит олунньуттан үлэтин салгыы ыытан, ааспыт ыйга сыбаайатын хонуутун бүтэрдэ. Билигин опалубкатыгар уонна фундаменын арматуратын баайыыга үлэ барар. Манна 20 киһи үлэлии сылдьар.
Таджикистан олохтооҕо биригэдьиир Махмадшо Ибодов кэпсииринэн, кини 1995 сылтан Саха сиригэр кэлэн араас тутууларга үлэлиир. Дьокуускайга уонна өрөспүүбүлүкэ улуустарынан элбэх эбийиэги туппуттар.
“Манна кэлэрбитигэр федеральнай миграционнай сулууспа хонтуруолун барытын ааспыппыт, – диир кини. – Үлэ былаан быһыытынан барар. Гостехнадзортан бэрэбиэркэлээччи кэлэ сылдьыбыта, билиҥҥитэ үлэҕэ претензия суох. Сотору халлаан сылыйдаҕына, технадзор көҥүллээтэҕинэ бетонун кутуохпут. Төһөнөн эрдэ көҥүл биэрэллэрэ буоллар, түргэнник бүтэрэрбитигэр үчүгэй буолуо этэ.


Олохтоохтор сыһыаннара үчүгэй. Ахсынньыга үлэбитин бүтэрэрдии соруктанабыт. Хаачыстыбатыгар ханнык да итэҕэс суох буоларын курдук, ис дууһабытыттан кыһаллан үлэлиибит. Эбии дьон кэлиэхтээҕин, коронавирустан сылтаан Арассыыйа кыраныыссатын саптылар. Билигин Ньурба куорат Лермонтов уулуссаҕа баар аадырыска олоробут. Тутуубут таһыгар уопсайбыт бэлэм буоллаҕына (сылытыыта холбоно илик) онно көһүөхпүт. Оччоҕо үрдүттэн буоллаҕына, үлэбит өссө түргэтиэ этэ”.

***

Ааптар: Геннадий АНТОНОВ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»