Курс валют
$
90.25
0.06
97.88
Курс валют
Курс валют
$
90.25
0.06
97.88
Меню
Поиск по сайту

Култуура+Үөрэх Уус-Алдаҥҥа тиийдэ

26.02.2019 16:02 0
Култуура+Үөрэх Уус-Алдаҥҥа тиийдэ

Бүгүн Тыа хаһаайыстыбатын Саха сиринээҕи судаарыстыбаннай академията, Чурапчытааҕы физкультура уонна спорт института, Арктикатааҕы культура института Уус-Алдан улууһугар “Култуура уонна Үөрэҕирии” бырайыагы салгыы тиийдилэр.

Эйгэни тэрийиигэ бу үөрэх тэрилтэлэрэ былырыыҥҥыттан биир ситимҥэ үлэлииллэр. Идэни таба талыы уонна оҕоҕо кыра сааһыттан үөрүйэҕи, киэҥ билиини иҥэрии үрдүк үөрэх тэрилтэлэрин уонна оскуола хардарыта өйдөһүүлэригэр олоҕуруохтаах. Оччоҕо эрэ бу хайысхаҕа государственнай политика күүһүрүөн, тыа сиригэр олохсуйуу оруннаах буолуон сөп. Олох сайдыытын тэҥэ идэни талыыга көҕүлээһин хайысхалара эмиэ уларыйан иһиэхтээхтэр. Оҕо интэриэһиттэн көрөн инновационнай, технологическай сабыдыаллары туттуу күүһүрүөхтээх. Россия сайдыытын стратегиятыгар киһи потенциалын хаачыстыбата чаҕылхай буолуохтаах диэн суруллар. Ол аата киһи сайдыыта, үлэ хайысхалара уонна миэстэлэрэ үөрэхтээһини кытта дьүөрэлии буолуохтаахтар. Үөрэнэн баран идэтинэн үлэ булбакка сылдьар киһи аҕыйаан, сыыйа суох буолуохтаах. Онон бу ВУЗтар көҕүлүүр бырайыактара социальнай партнерство принциптээхтэр.

Тыа хаһаайыстыбатын академиятын ректора Иван Слепцов этэринэн, академия тиһигин быспат солбуйсууну хааччыйаары үөрэх саҥа хайысхаларын арыйар. Тыа хаһаайыстыбатыгар эрэ буолбакка, тыа сирин производственнай кыаҕын сайыннарар кыахтаах идэлэргэ үөрэтиини саҕалаата. Ол иһин оскуола үөрэнээччилэригэр, учууталларга, төрөппүттэргэ сырдатыыны, ыйыыны-кэрдиини, сүбэлээн биэриини тэрийэллэр. Преподователлэр – наука кандидаттара, доктордара оскуола оҕолорун кытта алтыһыылара элбээтэҕинэ өй-санаа кэмигэр ситэн, быһаарыыны ылыныы системнэй буолуон сөп. Маныаха эбии учууталлары кытта методическэй сатабыллары хардарыта үллэстии студеннар үөрэххэ киириэхтэрин иннинээҕи компетенцияларын сөптөөхтүк аттаран сайыннарыыны төһүүлүөҕэ.

Үс ВУЗ бүгүҥҥү сырыытыгар Уус-Алдан улууһун үрдүкү кылааһын үөрэнээччилэрин мунньан маастар кылаастары, бизнес оонньуулары толкуйдаан студеннар бэйэлэрэ ыыталлар. Онтон идэтийбит (профильнай) ЕГЭ сүрүн уратыларын преподвателлэр ырытан биэрэллэр. Күн иккис анарыгар үөрэх тэрилтэлэрин бөлөҕө улуус биир улахан Балыктаах нэһилиэгэр, Найахыга тиийиэҕэ. Былырыыҥҥы сырыыларга оҕолор сэҥээрэннэр үөрэххэ киирии куонкурса биллэ үрдээбитэ. Быйыл өссө кэҥээн далааһыннанан биэрдэ. Аныгыскы нэдиэлэттэн Тыа хаһаайыстыбатын Саха сиринээҕи судаарыстыбаннай академията, Чурапчытааҕы физкультура уонна спорт института, Арктикатааҕы культура института Мэҥэ-Хаҥалас, Амма, Өймөкөөн, Уус-Майа, Кэбээйи улуустарыгар айанныахтара.

***

Тыа хаһаайыстыбатын академиятын

общественноһы кытта үлэҕэ салаата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»