Курс валют
$
70.38
0.34
76.73
Курс валют
Курс валют
$
70.38
0.34
76.73
Меню
Поиск по сайту

ХОМУҺУННААХ ХОМУСЧУТУ ӨЙҮӨХХЭ!

13.12.2022 16:46 0
ХОМУҺУННААХ  ХОМУСЧУТУ  ӨЙҮӨХХЭ!

Аатырбыт “Алгыс” ансаамбылбыт тэриллэн аан дойдуга аатын ааттаппыта 60 сылын туолла. Итини көрсө Иван Егорович Алексеев – Хомус Уйбаан үтүөкэннээх кинигэтэ таҕыста. Аҥаардас аатын да ылан көрүҥ  – “Куйаартан кутуллар дорҕооннор”.  Хомус барахсан уһун сылларга тимирэ-тимирэ күөрэйэн, умулла-умулла уһуктан билигин Аан дойду шедеврин быһыытынан билиниллэн эрэллээх илиилэргэ тиксибит курдук. Итиннэ саамай үтүө өҥөлөөх Хомус Уйбаан буоларын Саха сиригэр бары билэлэр.
     

   Ансаамбыл 60 сыллаах үбүлүөйүгэр бэлэмнэнии тэрээһиннээхтик бара турарын истибитим, онтон бэлиэтээһинин көрдүм-иһиттим. Ол да буоллар туох эрэ итэҕэс курдуга, сэмээр тугу эрэ кэтэһэр курдугум. Ансаамбыл туһунан үгүс үтүө тыллар этилиннилэр, ахтан-санаан аастылар. Син биир туох эрэ тиийбэт. Тугу чуолаан баҕарарбын бэйэм да дьиҥин өйдөөбөт курдугум, кэлин эрэ торумнанан, чуолкай өйдөбүлгэ кэллим.

Күүппүтүм диэн – Хомус Уйбааны Үрдүк аакка-суолга, холобур Саха республикатын бочуоттаах олохтооҕормэктиэйээллэр диэн. Наһаа улаханы, тосту-туораны, туолбаты баҕарбыт диэмэҥ, маны толорорго баара-суоҕа биир киһи илии баттааһына наада. Оттон ону баттатарга хамсатыы наада эбит, мин ону күүппүппүн, этэр итэҕэһим ити эбит.                                                                                                                         


Мин Иван Егорович үтүөтүн, үлэтин эридьиэстии барбаппын, итини саха саҥалаах барыта билэр. Куйаартан кутуллар дорҕоон алыптааҕын билэбит, оттон эмтээҕин билэр наһаа элбэҕэ суох буолуохтаах. Миигин хомус эмтээбит киһитэ олоробун, итиннэ тыыннаах туоһубун. Мин эрэ эмтэммэтэх буолуохтаахпын уонна эмтэммиттэр бары Иван Егоровичка муҥура суох махтаналларыгар бүк эрэнэбин.                                                                                                                                         Саха сирин саамай үрдүк аатыгар тиксэргэ Иван Егорович толору бырааптаах. Үрдүк наҕарааданы, Ааты-суолу иҥэрэргэ кытаанах ирдэбил баар дииллэр.

Киниэхэ ити ирдэбилгэ эппиэттиир барыта баарын билэбин, туоһулуубун даҕаны: Үрдүк аакка тиксэргэ “үктэл” диэххэ дуу, урут ылбыт бэлиэлэрэ, сэмэй наҕараадалара киниэхэ сөптөөх баар;  киһи быһыытын тургутан көрө буоллахтарына майгы мааныта, үрдүк култуура, үтүө санаа, дьоҥҥо-олоххо таптал баар;патриот диир буоллахха киниттэн ордук дойдутун-дьонун таптыыры булуоҥ суоҕа, үлэһитин, дьулуурун туоһута – наука доктора, профессор, Академик. Кини “Саха республикатын бочуоттаах олохтооҕо” ааты сүгэр толору үтүөлээх! – диибин.

Сахам сирин дьоно, мин этиибин иилэ хабыҥ эрэ, ити этиибин өйөөҥ, оччоҕо хомуспут өссө эрчимириэ, кэрэ-дьикти тыаһа дойдубут аатын кэҥэтиэ, Аан дойдуга айаатыа, кэнэҕэски кэлэр көлүөнэҕэ бэриллиэ, ааппытын өссө киэҥник ааттатыа.

***

Иван  БУРЦЕВ
12.12.2022 с.
     

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»