ТЭҤНЭЭҔИҤ КУРДУК КӨР
Сунтаардааҕы кииннэммит библиотекаҕа “ТЭҤНЭЭҔИҤ КУРДУК КӨР”- диэн төрүөҕүттэн инбэлиит, Сунтаардааҕы гимназия 5 кылааһын үөрэнээччитэ, Кириэстээх нэһилиэгиттэн төрүттээх Вася Контогоров айар быыстапката тэрилиннэ.
Васяны бары өттүнэн дэгиттэр талааннаах, киэҥ билиилээх – көрүүлээх, ылсыбыт дьыалатыгар ис сүрэҕиттэн умсугуйан туран кыһаллар оҕо диэн учууталлара, чугас доҕотторо хайгыы кэпсииллэр. Кини оскуола кэннэ уруһуй, ырыа, уус – уран айымньылары, хоһооннору ааҕыытын таһынан компьютернай моделирования куруһуогар дьарыктанар. Үөрүүлээх тэрээһиҥҥэ Вася эбээтэ Светлана Егоровна Улуу Кыайыы 75 Сылыгар анаан, сэриигэ өлбүт икки убайын уҥуоҕар Калининград куоракка сырыытын кэпсээтэ уонна эбээлээх сиэн бэйэ оҥорбут быыстапкалара тэрилиннэ.
Бүгүҥҥү дьикти, интэриэһинэй, киһи сүрэҕин долгутар көрсүһүүгэ Васяны эҕэрдэлии Сунтаар улууһун Аҕа баһылыга Анатолий Григорьев, Кириэстээх нэһилиэгиттэн дьоно, чугас аймахтара, уонна кини учууталлара бииргэ үөрэнэр оҕолоро кэлэн, дойдубут киэн туттар киһитэ буола улаат диэн алгыс тылларын анаатылар.
***
“Сунтаар улууһа (оройуона)” муниципальнай оройуон дьаһалтатын пресс-сулууспата
Шиномонтаж Левша
Cтоматология 32
Оставить комментарий