Сунтаарга ытык кырдьаҕастары үүммүт саҥа дьылынан эҕэрдэлээтилэр

Сылын аайы үтүө үгэс быһыытынан Сунтаар улууһун Аҕа баһылыга Анатолий Григорьев, баһылыгы социальнай уонна имиджевэй бэлиитикэҕэ солбуйааччы Гаврил Еремеев уонна нэһилиэнньэ социальнай харыстабылын управлениетын салайааччыта Георгий Фролов Сунтаар улууһун дьонун-сэргэтин ааттарыттан, көмүс саастаах ытык кырдьаҕастарбытын үүммүт  саҥа дьылынан итиитик-истиҥник эҕэрдэлээтилэр.

Ньурба улууһун Аҕа баһылыгар Алексей Иннокентьевка уонна ДИПИ дириэктэригэр Валентина Котоконоваҕа, тэрилтэ коллективыгар дьоммут олоҕо тупсарыгар, киэркэйэригэр сүрэхтэрин сылааһын иҥэрэн уонна күүстэрин-уохтарын уурбут сыралаах үлэлэригэр махтал тыллары анаатылар.

Элгээйиттэн төрүттээх 90 саастаах дьон-сэргэ ытыктабылын ылбыт ытык-мааны кырдьаҕаспыт Мария Чикидова, ахтылҕаннаах төрөөбүт дойдуларын дьоно эҕэрдэлии кэлэллэрин сылын аайы  долгуйа-кэтэһэ күүтэллэрин биллэрдэ. Үөрүүлээх күҥҥэ биир дойдулаахтарбытын ылбаҕай ырыаннан, кылыһахтаах тойугунан уонна сэмэй бэлэхтэринэн үөртүбүт.

***

«Сунтаар улууһа (оройуона)» муниципальнай оройуон дьаһалтатын пресс-сулууспата