Сунтаарга СӨ Судаарыстыбаннаһын күнүгэр оскуола үөрэнээччилэригэр өрөспүүбүлүкэ уонна улуус историятын билиһиннэрдилэр

Бүгүн Саха Өрөспүүбүлүкэтин Судаарыстыбаннаһа бигэргэммит үөрүүлээх кэрэ-бэлиэ күнүгэр «Сунтаар улууһа» муниципальнай оройуон дьаһалтататын актовай саалатыгар сүдү суолталаах тэрээhин ааста.

Баһылыгы социальнай, имиджевэй бэлиитикэҕэ солбуйааччы Гаврил Еремеев Сунтаардааҕы гимназия уонна А.П. Павлов аатынан1-кы №-дээх орто уопсай үөрэхтээһин оскуолатын 10 кылаас үөрэнээччилэрин кытта көрсөн, кэлэр кэнчээри ыччаппыт, үүнэн иһэр көлүөнэбит өрөспүүбүлүкэбит уонна улууспут историятын, олоҕун-дьаһаҕын сайдыытыгар үтүө сыраларын уурбут сүдү дьоммутун өйдүү-саныы, ытыктыы сылдьарыгар туһаайан кылаас чаас ыытта.

Үөрэнээччилэр өр сылларга олорон үлэлээн ааспыт, Сунтаарбыт улууһун социально-экономическэй сайдыытын төрүттэспит улуус кулубаларын мэтириэттэрин галереятын сөҕө-махтайа көрдүлэр.

***

“Сунтаар улууһа (оройуона)” муниципальнай оройуон дьаһалтатын пресс-сулууспата