СУНТААРГА РОССИЯ ФЕДЕРАЦИЯТЫН СУДААРЫСТЫБАННАЙ БЫЛААҔЫН КҮНҮН БЭЛИЭТЭЭТИЛЭР

Бэҕэһээ, атырдьах ыйын 22 күнүгэр Сунтаар нэһилиэгин Ленин болуоссатыгар Россия Федерациятын Судаарыстыбаннай былааҕын күнүн бэлиэтээтилэр. Улуус дьаһалтатын аатыттан  баһылык эбээһинэһин толорооччу Николай Егоров, Сунтаар улууһун дьаһалтатын куратора Егор Егоров, Сунтаар нэһилиэгин баһылыга  Эдуард Филиппов, депутаттар сэбиэттэрин бэрэссэдээтэлэ Ульяна Попова, Ис дьыала министиэристибэтин бэтэрээнэ Афанасй Васильев уо.д.а. эҕэрдэ тылларын эттилэр. Арассыыйа ону тэҥэ Өрөспүүбүлүкэ уонна Улуус былаахтарын былаахтарын эйэлээх уонна сырдык олоххо тардыһыы символын быһыытынан ыраас күннээх халааҥҥа тэлээрэрин бэлиэтээн көүрэччи көтөхтүлэр.

Арассыыйа судаарыстыбаннай былааҕын күнэ – судаарыстыбабыт бэлиэлэрэ дойду уонна уопсастыба олоҕор ылар миэстэлэрин уонна суолталарын кэрэһэлиир бырааһынньык быһыытынан история тулхадыйбат үгэстэрин уонна көлүөнэлэр быстыспат ситимнэрин бигэргэтэр, патриотическай өйү-санааны бөҕөргөтөр, Россияны кыахтаах, тэтимнээхтик сайдар судаарыстыба оҥорорго  элбэх араас омуктаах норуоту сомоҕолооһун, дойдуга тапталы уонна ытыктабылы иҥэрэрин бэлиэтээтилэр.

Түгэнинэн туһанан 14 саастарын туолбут эдэр ыччакка РФ гражданинын паспорын туттардылар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата