Сунтаарга Нина Герасимова «Дойдум ахтылҕана» диэн үhүc кинигэтэ сүрэхтэннэ

Атырдьах ыйын 27 күнүгэр, Сунтаар улууһун биир үтүө үлэһит, дьон-сэргэ холобур оҥостор Далбар Хотуна Нина Афанасьевна Герасимова «Дойдум ахтылҕана» диэн 3 кинигэтэ сүрэхтэннэ.

Саҥа кинигэҕэ олоҕун кэрчиктэрин, өр сыллаах таһаарыылах үлэтин түмүктэрэ, бииргэ алтыһан үлэлээбит дьонун, үтүөҕэ-сырдыкка угуйан, араас хайысхаҕа уһуйан таһаарбыт үгүс иитиллээччилэрин истиҥ-иһирэх ахтыылара тиһиллэн киирдилэр.

Нина Афанасьевна Сунтаар Улууһун киэнтуттар – ытыктыыр дьоммутуттан биирдэстэрэ.СӨ үөрэҕириитин үтүөлээх үлэһитэ, СӨ «Учууталлар учууталлара», «За доблестный труд. В ознаменовании 100-летия со дня рождения В.И. Ленина» үбүлүөйүнэй мэтээл, «Материнство 1 степени» бэлиэ,  «Почетный старейшина Республики Саха (Якутия)» Бочуотунай бэлиэ хаһаайына, тыыл, үлэбэтэрээнэ, СӨ Норуодунай маастара.

«Сунтаар улууһа (оройуона)» муниципальнай оройуон салалтатын аатыттан улууспут Аҕа баһылыга Анатолий Григорьев Нина Афанасьевна улууспут чэчирии сайдарыгар инники кэскиллэри, үгүс үтүө ыччаттары иитэн, үөрэтэн таһаарбыт сүҥкэн кылаатын иһин махтал тыллары анаата.

***

«Сунтаар улууhа (оройуона)» муниципальнай оройуон дьаһалтатын пресс – сулууспата