Сунтаарга көҥүл тустууга аан дойдутааҕы кылаастаах спорт маастарын Николай Охлопкову кытта көрүстүлэр

Үөрүүлээх көрсүһүүнү С.А. Зверев Алгыс бэлиэтин тиспит тоҕус мэҥэ хамсаныыларын толорон арыйдыбыт, элбэҕи эрэннэрэр, кэскиллээх спортсмеммытын Николай Охлопковы Сунтаар улууһугар тустуу Федерациятын бэрэсэдээтэлэ, улуус Аҕа баһылыга Анатолий Григорьев, спорт салаатын управлениетын салайааччыта Семен Павлов, А.И. Иванов аатынан Сунтаардааҕы олимпийскай эрэллэри бэлэмниир спортивнай оскуола дириэктэрэ Денис Данилов, улуус көҥүл тустууга кылаабынай тренерэ Николай Данилов, улуустааҕы үөрэҕирии управлениетын салайааччытын солбуйааччы Борис Васильев, төрөөбүт дойдутуттан Кириэстээх нэһилиэгин баһылыга Александр Григорьев, СХПК “Крестях» тэрилтэ бэрэсэдээтэлэ Владимир Егоров, үөрэммит үһүс нүөмэрдээх оскуолатыттан учууталлара, Хордогой нэһилиэгин баһылыга Геннадий Васильев, чугас доҕотторо, тренердар уонна эдэр кэскиллээх спортсменнарбыт, кырачаан оҕолорбут алгыстаах тылларынан кыайыыга кынаттыы итиитик-истинник эҕэрдэлээн баҕа санаа бастыҥын анаатылар.