Сунтаарга доруобуйаларынан хааччахтаммыт дьон декадата ааста

Сунтаарбыт улууһугар доруобуйаларынан хааччахтаммыт дьон декадатын чэрчитинэн араас хабааннаах сэргэх тэрээһиннэр тэриллэн ыытылыннылар. Ол курдук спорт араас көрүҥнэригэр спортивнай күрэхтэр, интеллектуальнай оонньуулар, кииннэммит балыыһаҕа «Аһаҕас аан күнэ», ону сэргэ уопсастыбаннай организацияларга социальнай көмө оҥоруутугар күрэх ыытыллыбыта.

Ахсынньы 11 күнүгэр, Олоҥхо дьиэтигэр декаданы түмүктүүр үөрүүлээх тэрээһиҥҥэ актыбыыстары чиэстэээһин, тэрилтэлэр тутаах салайааччылара кэлэн дьон-сэргэ тустаах боппуруостарыгар сүбэ-ама биэрдилэр, уран тарбахтаахтар выставка уонна маастар кылаастары ыыттылар, ону сэргэ мобильнай киин тэриллэн үлэлээтэ.

Бүгүн, олорон эрэ волейбол күрэҕэр миэстэлэспит I Сунтаар, II Элгээйи, III Устье нэһилиэктэрин хамаандаларыгар мэдээлинэн наҕараадалаатылар. Улуус Аҕа баһылыгын экономическай сайдыыга уонна стратегическай былааннааһыҥҥа солбуйааччы Борис Васильев араас күрэхтэһиилэргэ кыттан, утумнаахтык дьарыктанан үгүс ситиһиилэммит дьоҥҥо анал наҕараадалары туттарда.

***

“Сунтаар улууhа (оройуона)” муниципальнай оройуон дьаһалтатын пресс – сулууспата