Курс валют
$
63.83
0.64
70.67
0.86
Курс валют
Курс валют
$
63.83
0.64
70.67
0.86
Меню
Поиск по сайту

СУНТААР УЛУУҺУН ОЛОХТООҔОР «БОЧУОТТААХ БЭТЭРЭЭН» БЭЛИЭНИ ТУТТАРДЫЛАР

11.02.2019 10:53 0
СУНТААР УЛУУҺУН ОЛОХТООҔОР «БОЧУОТТААХ БЭТЭРЭЭН» БЭЛИЭНИ ТУТТАРДЫЛАР

Сунтаар улууһугар өр кэмҥэ тыа хаһаайыстыбатын сайдыытыгар үлэлээбит Василий Софронов 80 сааһын туолла. Кинини улуус салалтата эҕэрдэлээтэ, Бочуоттаах бэлиэни туттарда.

Сунтаар улууһун баһылыгын социальнай уонна имиджевэй бэлиитикэҕэ солбуйааччы Гаврил Еремеев, улуустааҕы тыа хаһаайыстыбатын управлениетын начаалынньыга Иван Тихонов уонна улуус бэтэрээннэрин сэбиэтин бэрэссэдээтэлэ Афанасий Васильев  өр сылларга тыа хаһаайыстыбатыгар үтүө суобастаахтык үлэлээбит Василий Софроновы 80 сааһын туолар өрөгөйдөөх үбүлүөйүнэн эҕэрдэлээтилэр.

Василий Егоровичка СӨ тыа хаһаайыстыбатын миниистирэ Александр Атласов үбүлүөйүнэн эҕэрдэтин, махтал суругун, Сунтаар улууһун баһылыга Анатолий Григорьев эҕэрдэ суругун уонна Сунтаар улууһун Бочуоттаах бэтэрээнэ бэлиэни туттардылар.

Василий Егорович үлэтин Ленин уордьаннаах «Элгээйи» сопхуоска оробуочайынан саҕалаабыта. Онтон улуус араас нэһилиэктэринэн кылаабынай зоотехнигынан, дириэктэринэн, Сэбиэт бэрэссэдээтэлинэн, нэһилиэк баһылыгынан бэриниилээхтик үлэлээбитэ. Өрөспүүбүлүкэ тыатын хаһаайыстыбатын эргимтэтигэр 46 сыл устата эҥкилэ суох үлэлээбит ытык кырдьаҕас Василий Софронов билигин даҕаны улуус, өрөспүүбүлүкэ тыатын хаһаайыстыбатын үлэтин-хамнаһын, сонунун истэ-билэ олорор. Улуус салалтатыгар тыа сирин сайдыытыгар бэйэтин санатын тириэртэ.

***

Ааптар: СТАНИСЛАВ НОГОВИЦЫН, Сунтаар.

Оставить комментарий    

!