Сунтаар улууһугар Саха сирин күнүн бэлиэтээтилэр.

Бүгүн муус устар 27 күнүгэр, Урааҥхай улууһа уһуннук дьулуспут, ырата туолбут ытык күнүн С.А.Зверев Кыыл-Уола аатынан ”Олонхо” дьиэтигэр, Сахабыт сирин Судаарыстыбаннаһын тэрээһинэ үрдүк таһымҥа ыыттылынна.

Кыратык историяттан ахтан ааһар буоллахха 1922 сыллаахха Саха сирин Автономиятын туруорсубут чулуу уолаттарбытынан буолаллар Былатыан Ойуунускай, Максим Аммосов уонна Исидор Барахов. Мантан ыла биһиги автономнай өрөспүүбүлүкэ статустанан, Сэбиэскэй кэм саҥа олоҕун тутуһан үөрэхтээһин, култуура, медицина, промышленность балысханнык сайдарын ситиспиппит.

Билигин биһиги өрөспүүбүлүкэбит Дойду үрдүнэн тэтимнээхтик сайдан иһэр региоҥҥа кубулуйда. Биһиги Сунтаарбыт улууһа өрөспүүбүлүкэ уопсай сайдыытыгар бэйэтин кылаатын киллэрэ олорор диэн бэлиэтиибит.
Улуусупут дьоно-сэргэтэ кыратыттан улаханыгар диэри Сахабыт сирин күнүн бэлиэтии кэлбиттэрэ киһини үөрдэр.
Саха норуотун өрөгөйдөөх бырааһынньыгын аан тылын алгыс тылынан арыйда Сунтаар улууһа МО Баһылыга Анатолий Григорьев дьэ ол кэнниттэн биир дойдулаахтарбыт Саха-омук өрөгөй талаан ырыатын, сүһүөхтэригэр туран доргуччу ыллаатылар.

Олохтоох бэйэни салайыныы уорганнарын институтун 15 сыла туолар күнүн бэлиэтээн, Улуус Сэбиэтин бастакы Созывын депутаттарын, СР Судаарыстыбаннаһын бөҕөргөтүүгэ тус кылааттарын, Сунтаар улууһун социально-экономическай сайдыытыгар өҥөлөрүн иһин, улууспут, өрөспүүбүлүкэ саргыта салалларын туһугар өр сыллаах сыралаах үлэлэрин бэлиэтээн туран «Сунтаар сонуннара» улуустааҕы хаһыат төрүттэммитэ 80 сылынан улууспут баһылыга Анатолий Григорьев чиэстээн туран эҕэрдэлээтэ уонна наҕараада туттартаата.

***

МТ «Сунтаар улууha»  пресс-сулууспата,

Тимур ИВАНОВ баһылык көмөлөһөөччүтэ