Сунтаар улууһугар киберспорт сайдыыта

Улуус баһылыгын бастакы солбуйааччыта Николай Александров уонна IT – центр салайааччыта Егор Иванов бу сылга Сунтаар улууһугар киберспорт Федерациятын тэрийэн араас хабааннаах тэрээһиннэри ыыттылар.

Ол курдук, ааспыт ыйга Ыччат дьиэтигэр аһаҕас кибертурнир күрэҕэр, уопсайа 20 кыттааччы кэлэн икки дисциплинаҕа, ол эбэтэр “UFC” уонна “FIFA” оонньууга күөн көрсүбүтэ.

Онтон бэҕэһээ IT-центрга “Dota 2” дисциплинаҕа оскуола үөрэнээччилэрэ уопсайа 15 оҕо 3 хамаанда тэринэн кыттыыны ылла.

Турнир кыайыылаахтара:

1 миэстэ – “Deat inside” Сунтаардааҕы политехническай лицей-интернат хамаандата.

2 миэстэ – “МЫ НУБЫ?” Сунтаардааҕы 1 №-дээх оскуола хамаандата

3 миэстэ – Туойдах оскуолатын хамаандата.

Оҕолорго өссө үрдүк ситиһиилэри баҕарабыт!

***

«Сунтаар улууһа (оройуона)» муниципальнай оройуон дьаһалтатын пресс-сулууспата