Курс валют
$
70.38
0.34
76.73
Курс валют
Курс валют
$
70.38
0.34
76.73
Меню
Поиск по сайту

Сунтаар улууһугар эдэр ыччакка аналлаах тэрээһиннэр

16.12.2019 08:54 0
Сунтаар  улууһугар эдэр ыччакка аналлаах тэрээһиннэр

Сунтаар улууһун үрдүнэн барыта 5370 кэриҥэ эдэр ыччат олорор, үөрэнэр, үлэлиир-хамныыр, айар-тутар. 24 нэһилиэккэ ыччаты кытары үлэлэһэр специалист баар, ону таһынан, улуус таһымнаах 4 ыччат хамсааһына улууспут сайдарын туһугар күннэтэ туруулаһан үлэлиир.


Ахсынньы 14 күнүгэр, улуус киинигэр Сунтаарга араас нэһилиэктэртэн ыччаттар түмсэн «Мин – ыччат бэлиитикэтин исписэлииһэбин» диэн семинар – практикум ыыттылынна. Манна Сунтаар улууһун  баһылыга Анатолий Григорьев эдэр ыччаттарбытын төрөөбүт дойдуларын үрдүктүк тутан, улууспут социальнай-экономическай сайдыытын сайыннара туралларын биһирии бэлиэтээтэ.

Семинарга биэс хайысханнан араҕыстылар, ол курдук ыччат бэлиитикэтин Сунтаардааҕы салаатын салайааччыта Евгений Данилов экспертаах «Гражданско-патриотическое воспитание молодежи», ыччат бэлиитикэтин сүрүн исписэлииһэ Егор Андреев экспертаах «Внедрение проектной деятельности», сокуоннай саастарын ситэ илик оҕолор хамыыһыйаларын сүрүн исписэлииһэ Екатерина Чойнова экспертаах «Профилактика правонарушений среди несовершеннолетних», оҕо дьоҕурун сайыннарар киин үлэһитэ Айна Яковлева экспертаах «Добровольческая (волонтерская деятельность) и социальная активность», ыччат бэлиитикэтин исписэлииһэ Саргылаана Ефимова экспертаах «Организация занятости и досуга молодежи» үлэлээтилэр. Хас биирдии тыын хайысхалаах социальнай кыһалҕалары быһаарыыга ыччаттар  алта киһилээх хамаанда тэриннилэр.

Дьон олоҕун тупсарыыга уонна судаарыстыбаннай салайыы көдьүүһүн үрдэтэргэ туһуламмыт бырайыактарга олоҕуран саҥа этиилэр, баҕа санаалар киирдилэр. Семинар кыттыылаахтара бииргэ үлэлииргэ санааларын этэн, санаа атастаһыыларын түмүгэр өрө көтөҕүллэн тарҕастылар.

Ол кэнниттэн,  сылы түмүктүүр ыччат баала ыытылынна.  Куруук инники күөҥҥэ сылдьар, сырдыкка-кэрэҕэ дьулуһар улууспут актыбыыстарын, араас таһымнаах күрэхтэр кыайыылаахтарын Сунтаар улууһун Аҕа баһылыга Анатолий Григорьев, баһылыгы экономическай сайдыыга уонна стратегическай былааннааһыҥҥа солбуйааччы Борис Васильев, баһылыгы социальнай уонна имеджевай политикаҕа солбуйааччы Гаврил Еремеев эҕэрдэлээтилэр.

Үөрүүлээх тэрээһиҥҥэ актыбыыстарга анал  наҕараадалар, махтал суруктар туттарылыннылар. 2019 сыл түмүгүнэн «Сыл бастыҥ лидера» Сунтаардааҕы технологическай колледж 2-с куурсун устудьуоҥката Дарья Краскова, «Сыл бастыҥ ыччаты кытта үлэҕэ специалист» Элгээйи нэһилиэгин дьаһалтатын ыччаты кытта үлэҕэ специалист Мария Яковлева, «Ыччат үлэтин көҕүлээһиҥҥэ сыл бастыҥ муниципальнай тэриллиитэ» Наахара нэһилиэгэ, «Сыл бастыҥ ыччат общественнай түмсүүтэ» «Сунамп» эдэр педагогтар түмсүүлэрэ буоллулар.

Сунтаарбыт улууһун ыччата! Үүнэр сылга өссө күүскэ түмсэн, биир санааннан салайтаран, нэһилиэкпит, тапталлаах улууспут сайдарын туһугар үлэлиэххэ-хамсыахха!

***

«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»