Курс валют
$
88.02
0.15
96.04
Курс валют
Курс валют
$
88.02
0.15
96.04
Меню
Поиск по сайту

Сунтаар дьаһалтатын дьиэтигэр баһылыктар мэтириэттэрин хартыынатын галереята аһылынна

27.04.2019 10:28 0
Сунтаар  дьаһалтатын дьиэтигэр баһылыктар мэтириэттэрин хартыынатын галереята аһылынна

Муус устар 26 күнүгэр Сунтаар улууһугар Саха Республикатын өрөгөй күнүн көрсө биир бэлиэ тэрээһин буолан ааста. Улуус дьаһалтатын дьиэтин үһүс этээһигэр баһылыктар мэтириэттэрин (художник Михаил Местников) хартыынатын галереята аһылынна.

Биһиги улууспут 1801 с. тэриллибитэ. Бу сыллар тухары элбэх баһылык улууһу салайбыта. Судаарыстыбаннаспыт тутулун төрүттэспит бас-көс дьоннорбут мөссүөннэрэ үйэтитиллибитэ улахан махталлаах дьыала.

 

 

Сунтаар улууһа төһө да киин сиртэн ыраах сыттар, олох сайдыытын кытта тэҥҥэ хардыылаан иһэригэр баһылык дьон оруола улахан, кинилэр саха киһитин мындыр толкуйунан, ырааҕы анаарар, инникини өтө көрөр, кэскили түстүүр өйдөөх-санаалаах, салайар дьоҕурдаах буолан дьон-сэргэ дьылҕатын быһаарсан, сайдыыга сирдээбиттэрэ. Историяҕа бэйэлэрин ааттарын-суолларын умнуллубаттык хаалларбыт баһылыктар ортолоругар тыа сиригэр бастакы оскуоланы астарбыт кулуба Семен Саввин, сахалартан бастакы аан дойдутааҕы Париж быыстапкатыгар тиийбит Георгий Терешкин, Сибиир Дууматыгар делегатынан талыллыбыт Михаил Тимофеев-Терешкин уо.д.а бааллар. История араас кэрчик кэмигэр улууспутун салайан олорбут баһылыктар бэйэлэрин үрдүк аналларын табатык өйдөөн сайдыы бигэ олугун түстээбиттэрэ.

Улуус бүтэһик кулубата М.Н. Тимофеев-Терешкин: «Как проводники, как лучшие силы страны, мы должны посвятить себя народу», — диэн этэн хаалларбыт кэс тылларынан салайтаран, кэнники көлүөнэ салайааччылар улуус сайдыытыгар бэйэлэрин тус кылааттарын киллэрсибиттэрэ.


Бүгүҥҥү үөрүүлээх түгэҥҥэ кыттыыны ыллылар: улууспут аҕа баһылыга А.В.Григорьев, улуус депутаттарын Сэбиэтин председателэ У.Д. Попова.
Историческай кэрчиктэринэн араартаан, баһылыктар мэтириэттэрин билиһиннэрдилэр: А.Е. Яковлев, Н.Н.Спиридонов, К.П.Семенова.

Чэлгийэ-сайда тур, күндү Республикабыт, төрөөбүт улууспут!

***

Л.А.Попов аатынан Сунтаар киин бибилэтиэкэтин пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»