Курс валют
$
88.69
1.02
96.3
0.79
Курс валют
Курс валют
$
88.69
1.02
96.3
0.79
Меню
Поиск по сайту

«Ойуун түүлэ» испэктээк премьератыгар ыҥырабыт!

31.01.2020 15:47 0
«Ойуун түүлэ» испэктээк премьератыгар ыҥырабыт!

Олунньу 7, 8, 9 күннэригэр Олоҥхо тыйаатыра А.Е. Кулаковскай-Өксөкүлээх Өлөксөй «Ойуун түүлэ» поэматынан испэктээгин премьератыгар бар дьонун ыҥырар!


Айар тыл аҕата А.Е. Кулаковскай-Өксөкүлээх Өлөксөй поэзиятын чулуу көстүүтүнэн уонна чыпчаалынан «Ойуун түүлэ» поэма буолар. Улуу бөлүһүөк-поэт сүҥкэн суолталаах айымньытыгар ХХ үйэҕэ эрэ буолбакка,  биһиги үйэбитигэр эмиэ киһи-аймахха суоһуур алдьархайдары өтөкөрбүтэ. Ааптар экология алларыйыытын, техническэй сайдыы сири-дойдуну кээрэтиитин, киһи ахсаана элбээһинин, улуу көһүүнү, кылаастар охсуһууларын, сэрии төрүөттэрин, судаарыстыбалар сыһыаннара уустугуруутун, кыра норуоттар эстэр дьылҕаларын уонна онтон быыһаныы, сайдыы суолларын ойуун түүлүн нөҥүө иччилээх-илбистээх тылларынан этитэн көрдөрбүтэ.

​Быйыл «Ойуун түүлэ» поэма сурукка-бичиккэ түспүтэ 110 сыла. Бэлиэ датаҕа тирэҕирэн, Олоҥхо тыйаатыра «Ойуунтүүлэ» поэманан испэктээги адьас сонуннук туруорда. Онон сахалыы тыллаах бар дьоммутун Өксөкүлээх Өлөксөй үйэлээх үтүө аатын өрө тутан, кини аатын сүгэр Норуоттар доҕордоһууларын Дьиэтигэр олунньу 7 күнүгэр киэһэ 18.30 чааска, олунньу 8, 9 күннэригэр киэһэ 17.00 чааска «Ойуун түүлэ» испэктээк премьератыгар ыҥырабыт.

​Туруорааччы режиссер: РФ ускуустубатын үтүөлээх диэйэтэлэ, РФ народнай артыыһа, А. Е. Кулаковскайаатынан Судаарыстыбаннай бириэмийэ лауреата Андрей Борисов;

Режиссер ассистена: Гаврил Менкяров;

Сценаристар: Майя Власьева, Дмитрий Хоютанов;

Худуоһунньуктар: Михаил Егоров, Сардаана Федотова;

Тыыннаах доҕуһуолга: Руслан Габышев, ИванидаАлексеева, Вероника Лыткина, Прокопий Сыроватский.

​Биэнсийэлээхтэр, II, III группалаах инбэлииттэр, устудьуоннар, оскуола үөрэнээччилэрэ, элбэх оҕолоох дьиэкэргэн туоһулуур докумуоҥҥутун кассаҕа көрдөрөн, 50% чэпчэтиилээх  билиэти атыылаһыаххытын сөп.

Билсиһэр төлөпүөннэргит: 34-03-19, 8964-422-60-22

Билиэти tesserus.com кассаларыгар уонна интернет касса нөҥүө атыылаһыаххытын сөп.

***
Норуоттар доҕордоһууларын Дьиэтин пресс-слууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»