НЬУРБАҔА КИРИЭС САЙЫЛЫГАР ӨРӨСПҮҮБҮЛҮКЭ ЫАННЬЫКСЫТТАРА КҮРЭХТЭСТИЛЭР

Ньурбаҕа «Күндээдэ» сопхуос тэриллибитэ 35 сылын туолла. Ол чэрчитинэн  «Кириэс» сайылыгар XII өрөспүүбүлүкэ таһымнаах ыанньыксыттар күрэхтэрэ буолла.

«Кириэс» сайылыгар Саха сирин араас муннуктарыттан тоҕуоруһан муһуннулар, өрөспүүбүлүкэҕэ убаастанар дьон ыҥырыылаах ыалдьыт быһыытынан кэллилэр.
Күн бастакы аҥарыгар Кириэс сайылыкка XII өрөспүүбүлүкэтээҕи ыанньыксыттар күрэхтэрин кыттыылаахтара, СӨ 2019 с. тыа хаһаайыстыбатын үп салаатыгар чэбдигирдии семинар-мунньаҕын дэлэгээттэрэ тэрээһиннэри үөрүүлээхтик арыйдылар.

С.Н.Эверстова аатынан «Туску» норуот айымньытын дьиэтигэр тыа хаһаайыстыбатын семинар-мунньаҕа тэриллиннэ. Семинар-мунньахха СӨ тыатын хаһаайыстыбатын исписэлиистэрэ, тыа хаһаайыстыбатын управлениетын салайааччылара кыттыннылар. Семинары СӨ Тыа хаһаайыстыбатын миниистирэ Александр Павлович Атласовкиирии тылынан аста. СӨ т/х миниистирин солбуйааччы Татьяна Матвеевна Осипова, улуус баһылыга Алексей Михайлович Иннокентьев, тыа хаһаайыстыбатын исписэлиистэрэ тыл эттилэр.
«Кириэс» сайылыкка киэһээҥҥи ыам күрэҕэ, саҥа сайылык дьиэтин аһыллар дьоро түгэнэ буолла.

***

Источник: «Ньурба» хаһыат