Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

МЭҤЭ ХАҤАЛАСТАН САХА СИРИН НОРУОТТАРЫН ООННЬУУЛАРЫГАР КЫТТЫБЫТ СПОРТСМЕННАРЫ ЧИЭСТЭЭТИЛЭР

17.07.2019 07:49 0
МЭҤЭ ХАҤАЛАСТАН САХА СИРИН НОРУОТТАРЫН ООННЬУУЛАРЫГАР КЫТТЫБЫТ СПОРТСМЕННАРЫ ЧИЭСТЭЭТИЛЭР

От ыйын 16 күнүгэр Майаҕа Д.Ф.Ходулов аатынан норуодунай тыйаатыр дьиэтигэр Аммаҕа Саха сирин норуоттарын VII спортивнай Оонньууларыгар Мэҥэ Хаҥалас улууһун ситиһиилээхтик көмүскээбит спортсменнары үөрүүлээх быһыыга-майгыга чиэстээһин ыытылынна.


Мэҥэ Хаҥалас улууһун баһылыгын социальнай боппуруостарга солбуйааччы Николай Цыпандин Аммаҕа ыытыллыбыт Оонньууларга оройуон сүүмэрдэммит хамаандатын биирдиилээн көрүҥнэргэ кыттыытын туһунан сиһилии ырытан билиһиннэрдэ. Салгыы мустубут дьону улуус баһылыга Николай Старостин эҕэрдэлээтэ.

 

— Биһиги бу тэрээһиҥҥэ хас эмэ сыллаах үлэбит түмүгэ тахсар, — диэн бэлиэтээтэ Николай Прокопьевич. — Спортсменнарбыт, тириэньэрдэрбит, төрөппүттэрбит бары көмөлөөн ис санааҕытын ууран, тус бэйэҕитигэр эрэ буолбакка, улууспут чиэһин көмүскүүбүт диэн турукка киирэн туран, күрэхтэстигит. Эһиги ситиһиилэргитинэн бары киэн туттабыт. Ханнык да көрүҥ буоллун, биһиги спортсменнарбыт төрөөбүт оройуоннарын чиэһин көмүскүүллэригэр өйдөрүн-санааларын, дьаныардарын бүүс-бүтүннүү ууран туран киирсибиттэрин бэлиэтиэм этэ. Инникитин манна ситиһиллибит көрдөрүүлэрбитин, түмүктэрбитин хайаан да тупсарыахпыт диэн эрэнэбин.

Үс сылынан ыаллыы сытар Уус Алдан улууһугар VIII спортивнай Оонньууларга өссө күүскэ түмсэммит тэрээһиннээхтик кыттыахпыт. Онуоха билиҥҥиттэн хас биирдии спортсмен, тириэньэр сыал-сорук туруорунан үлэлиирэ-хамсыыра эрэйиллэр. Онно эбии улуус салалтатын өттүттэн спортсменнарбытыгар дьарыктарыгар сөптөөх усулуобуйаны тэрийдэхпитинэ, ситиһиилэр да баар буолуохтара. 

  

Улуус баһылыга VII спортивнай Оонньуулар кыайыылаахтарыгар уонна призердарыгар харчынан бириэмийэлэри олохтоото. Кыһыл көмүс мэтээллээхтэргэ 50, үрүҥ көмүс мэтээллээхтэргэ 30, боруонса мэтээллээхтэргэ 20 тыһыынча солкуобайдаах харчынан бириэмийэлэр сэртипикээттэрэ туттарылынна. Маннык кээмэйдээх бириэмийэлэр VII спортивнай Оонньуулар суоттарыгар киллэриллибит оҕолорго биирдиилээн көрүҥнэргэ квалификацияны ааһар күрэхтэһиилэр кыайыылаахтарыгар уонна бириистээх миэстэни ылбыттарга эмиэ олохтоннулар. Итини таһынан бириистээх миэстэлэри ылбыт спортсменнары бэлэмнээбит тириэньэрдэр баһылык харчынан бириэмийэтинэн бэлиэтэннилэр.

Спортсменнары успуорт улахан түһүлгэтигэр ситиһиилэммиттэринэн оройуон Сэбиэтин бэрэссэдээтэлэ Павел Сазонов, улуус дьаһалтатын физическэй култуураҕа уонна успуорка управлениетын начаалынньыга Константин Захаров эҕэрдэлээтилэр.

***

Ааптар: Алена Докторова

Виталий Пестряков хаартыскаҕа түһэриилэрэ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»