Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Мэҥэ Хаҥалас спортсменнарын Манчаары алааһыттан атаардылар

03.07.2019 13:13 0
Мэҥэ Хаҥалас спортсменнарын Манчаары алааһыттан атаардылар

Аммаҕа буолар Саха сирин норуоттарын 7-ис спортивнай оонньууларыгар Мэҥэ Хаҥалас сүүмэрдэммит хамаандата от ыйын 1 күнүгэр Манчаары алааһыттан алгыстанан айаҥҥа турунна. Састаабка 170 спортсмен киирсэн 15 көрүҥҥэ күрэхтэһиэхтэрэ

 

Алгысчыт Александр Артемьев-Кулан сахалыы сиэринэн спортсменнары дойдуларыгар ситиһии көтөллөнөн кэлэллэригэр алҕаата.

Улуус баһылыга Николай Старостин, баһылыгы солбуйааччы Николай Цыпандин, улуус спортка управлениетын начальнига Константин Захаров, спорт бэтэрээннэрэ Афанасий Илларионов, Анатолий Захаров хамаандаҕа ситиһиилэри баҕаран үтүө тыллары эттилэр.

Оонньуу иккис бөлөҕө биир күүстээх састаабынан биллэр. Ааспыт Намҥа ыытыллыбыт 6-ыс оонньууга Мэҥэ Хаҥалас Чурапчы уонна Нам хамаандатын кэнниттэн үһүс бириистээх миэстэҕэ тиксибитэ. Онон быйылгы 7-ис оонньуу хайдах буолара хас биирдии спортсмен үрдүк эппиэтинэһиттэн тутулуктаах.

***

Ааптар: Зоя Герасимова

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»