Курс валют
$
64.92
0.62
70.46
1.04
Курс валют
Курс валют
$
64.92
0.62
70.46
1.04
Меню
Поиск по сайту

МЭҤЭ ХАҤАЛАС СПОРТСМЕННАРА АРАССЫЫЙАТААҔЫ ТИЭРГЭН ФУТБОЛУГАР

06.11.2019 10:02 0
МЭҤЭ ХАҤАЛАС СПОРТСМЕННАРА АРАССЫЫЙАТААҔЫ ТИЭРГЭН ФУТБОЛУГАР

Мэҥэ Хаҥалас «Манчаары» хамаандата  алтынньы 30 ‒ сэтинньи 3 күннэригэр Москва куоракка ыытыллыбыт 2005-2006 сыллааҕы төрүөх оҕолор ортолоругар 6х6 тиэргэн футбуолун бэстибээлигэр үчүгэйдик кыттан кэллэ. Уолаттар бу иннинэ өрөспүүбүлүкэтээҕи түһүмэххэ кыайаннар, Бүтүн Арассыыйатааҕы тэрээһиҥҥэ кыттар чиэстэннилэр.


Күрэхтэһии тэрийээччилэринэн «Биир ньыгыл Арассыыйа» Бүтүн Арассыыйатааҕы политическай баартыйа, РФ Үөрэҕириигэ министиэристибэтэ уонна сүрүн тэрийээччинэн «Оскуола успуордун Бүтүн Арассыыйатааҕы федерациятын» бэрэсидьиэнэ Ирина Роднина буоллулар. Оҕолору Москваҕа айанныылларыгар Ил Түмэн ыччат, физическэй култуура уонна успуорт дьыалаларыгар сис кэмитиэтин бэрэссэдээтэлэ Михаил Гуляев алгыс тылын анаан атаарда.

Арассыыйа финалыгар дойду араас муннугуттан 61 хамаанда кытынна. Күрэхтэһиигэ хамаандалар 16 бөлөххө араҕыстылар. Биһиги бөлөхпүтүгэр түөрт хамаанда кииристэ. Бастакы оонньуу Ивановскай уобалас оҕолорун кытта буолла итиэннэ 1:1 ахсааҥҥа тэҥнэстэ. Голу Алексей Захаров киллэрдэ. Иккис оонньууга Адыгея өрөспүүбүлүкэтин кытта кииристилэр. Ахсааннара 0:0 буолан, хайаларыгар да тиксибэтэ. Үһүскэ Кировскай уобалас оҕолорун кытта оонньуу элбэҕи быһаарда. Биһиги оҕолорбутугар 1/16 финалы аһаралларыгар кыайыы эрэ наада этэ. Тыҥааһыннаах киирсии кэнниттэн Николай Винокуров гол киллэрэн, 1:0 ахсааны ситистибит. Онон бөлөхпүтүгэр иккис миэстэ буоллубут.

Төрдүс оонньууга «Манчаары»  уонна Ингушетия өрөспүүбүлүкэтэ 0:3, бэһискэ Москва уобалаһын кытта 0:0 пенальтинан 3:2 ахсааны ситистибит. Голу Тимофей Попов, Николай Винокуров уонна Василий Новгородов киллэрдилэр. Алтыска Липецкэй уобалаһы кытта 2:1 ахсаан буолла. Голу Павел Степанов уонна Алексей Захаров киллэрдилэр. Сэттис оонньууга Алексей Ларионов голлаан Пермскэй уобалаһы 1:0 ахсаанынан кыайдылар. Ахсыс оонньууга Псков уобалаһын кытта ахсаан 0:1-гэ тэҥнэстэ.

Онон күрэхтэһии уопсай түмүгэр биһиги уолаттарбыт Арассыыйа 61 хамаандатыттан 18-с миэстэни ыллылар. Тириэньэрдэр састааптара күрэхтэһии түмүгүн астыннылар. Дойду таһымнаах күрэхтэһиигэ Ленинград уобалаһа бастакы, Ростовскай уобалас иккис уонна Ингушетия өрөспүүбүлүкэтэ үһүс буоллулар.

«Манчаары» хамаандаҕа Табаҕаттан Алеша Захаров, Павловскайтан Вася Новгородов, Тима Попов, В.П.Ларионов аатынан Майа оскуолатыттан Алеша Ларионов, Саша Нестеров, Тыыллыма оскуолатыттан Коля Винокуров (хапытаан), Петя Алексеев, Павлик Степанов, Максим Заровняев уонна Денис Петров кытыннылар. Тириэньэр Андрей Слепцов арыаллаата.

— Оҕолор, төрөппүттэр уонна тириэньэр Бүтүн Арассыйатааҕы бэстибээлгэ кыта барарга көмөлөрүн иһин үөрэх управлениетын начаалынньыгар Ирина Черкашинаҕа, физкултуура уонна успуорт управлениетын салайааччытыгар Константин Захаровка, Оҕо-ыччат спортивнай оскуолатын дириэктэригэр Петр Илларионовка махтанабыт, — диир тириэньэр Андрей Слепцов.

***

«Эркээйи» хаһыат

Оставить комментарий    

!