Курс валют
$
65.6
0.02
72.62
0.21
Курс валют
Курс валют
$
65.6
0.02
72.62
0.21
Меню
Поиск по сайту

Куорат олохтооҕун каартата: биһириибит эбэтэр утарабыт?

21.08.2018 09:03 0
Куорат олохтооҕун каартата: биһириибит эбэтэр утарабыт?

Дьокуускай куорат Дуумата бэрэссэдээтэл Александр Саввинов салайыытынан  норуот куоластааһына ыытыллар.  Мантан антах, куорат олохтоохторо чэпчэтиилээх каартанан туһанар, үптэрин-харчыларын хонтуруолланар кыахтаныахтарын сөп.

Норуот каартата диэн тугуй?

2005 сыллаахха Москубаҕа  «Социальная карточка москвича» диэн бырайыак үлэлээбитэ.Тус  ааттара-суоллара сурулла сылдьар пластик каартатынан  нэһилиэнньэ дьоно нолуок уонна ДьУоКХ  өҥөтүн, мэдэссиинэҕэ страховай полис быһыытынан уонна уопсастыбаннай оптуобуска, барыыга-кэлиигэ чэпчэтиинэн туһанар буолбуттара. Саамай суолталааҕа бу каарта чэпчэтиитэ аптекаҕа көрүллэрэ.

От ыйын 28 күнүгэр «Якутск вечерний» хаһыат ааҕааччыларын «Итии лииньийэтигэр»  Александр Саввинов бу курдук табыгастаах каарта куорат олохтоохторугар төрүттэниэн сөптөөҕүн туһунан кэпсээбитэ. Маныаха, Дьокуускай куорат каартатыгар  ити үөһээ этиллибит чэпчэтиилэртэн ураты, өссө дьыссааты, оскуоланы талыы курдук суолалаах кыһалҕаны быһаарыы киириэн сөп.  Маны таһынан, үлэтэ суохтары үлэнэн хааччыйыыга аналлаах анал бырагыраама киирэрэ былааннанар эбит.

Дьэ, бу каарта куорат олохтоохторугар уонна ыалдьыттарыгар төһө көдьүүстээх буолуоҕай? Дьон санаатын билиэҕиҥ.

51,5% — биһириибит,  48,5% — утарабыт

Билиҥҥи туругунан, бу бырайыагы өйөөччүлэр уонна утарааччылар тэбис тэҥник айаннаан иһэллэр. Ол курдук, бастакы нэдиэлэ түмүгүнэн, утарааччылар – 52, өйөөччүлэр – 54 киһи. Бэлиэтээтэххэ, бу ыйытыкка бырабыыскалаах куорат олохтооторо кытталлар.  Кинилэр ордук оптуобус сыанатын бырайыаһыгар чэпчэтиини уонна дьыссаакка, оскуолаҕа киирии уочаратын туруорсаллар.

Светлана С..:

— Мин бу каарта олоххо киириитин өйүүбүн. Тоҕо диэтэххэ, мин төлүүр  нолуогум куорат сайдыытыгар көмөлөөх. Сүрүн ирдэбил – бырабыыска уонна үлэ ыстааһа буолуон наада. Маны таһынан, эмҥэ-томҥо чэпчэтии уонна мэдэссиинэ өҥөтүн табыгастаахтык туһаныы баар буолара сүрдээх суолталаах.

Ольга Х..:

— Мин эмиэ өйүүбүн. Куорат олохтооҕун интэриэһэ көмүскэллээх буолуохтаах. Аны туран, ирдэбил быһыытынан, каартанан төрүт олохтоохтор ол эбэтэр бырабыыскалаах эрэ дьон туһаналлара табыгастаах. Чэпчэтиигэ оптуобус бырайыаһыттан саҕалаан, аска-үөлгэ тиийэ баар буолара буоллар. £ссө култуурнай миэстэлэргэ, холобур, пааркаҕа, киинэ тыйаатырыгар о.д.а. тэрилтэлэргэ баар буоллаҕына наһаа үчүгэй буолуо этэ.

Тамара Д..:

— Суох, утарабын. Бүддьүөт үбүн ороскуоттааһын.

Эля А..:

— Сөп бөҕө буоллаҕа дии. Билигин куоракка кэлии дьон элбээтэ. Онон олохтоохторго ураты өйөбньл наада.

Саргылаана К..:

— Утарабын, оннук айылаах суолталааҕынан көрбөппүн. Тоҕо олохтоохтор уонна дэриэбинэттэн кэлиилэр диэн арахсыахтаахпытый?

Алексей Е..:

— Мин чэпчэтии каартатын бырайыагын өйүүбүн.  Маннык социальнай көмө куорат олохтоохторугар наадалаах уонна көмөлөөх. Сүрүн ирдэбил: дьиэ-уот, куоракка олорон үлэлэбит ыстааһа. Холобур, мин Дьокуускайга 1968 сыллаахха олохсуйбутум. Чэпчэтии өссө комунаалынай хаһаайыстыба өҥөтүгэр киириэн наада.

Константин П..:

— Утарабын. Ол биһиги, куораттар, тыа дьонуттан ордукпут дуо? Мин санаабар, бу каарта куорат бүдьдьүөтүгэр охсуулаах буолуо.

Надежда С..:

— Куорат олохтооҕо буоларбытын туоһулуур бырабыыска сүрүн ирдэбилгэ киирэрэ суолталаах. Оптуобус бырайыаһыгар,  уу-хаар, уот-күөс өҥөтүгэр чэпчэтии баар буолара ордук.

 

Бу курдук, олохтоохтор санаалара араас. Оттон, эн куорат олохтооҕо, чэпчэтии каартатын өйүүгүн дуо? Эбэтэр утараҕын дуу? Бу туһунан санааҕын этэн, «Якутск Вечерний» эрэдээксийэтэ уонна Александр Саввинов бэрэссэдээтэллээх куорат Дууматын тэрийиитинэн ыытыллар норуот куоластааһыныгар көхтөөх кыттыыны ыл.

Эһиги этиилэргитин, санааларгытын балаҕан ыйын 1 күнүгэр диэри 8924-170-82-81 бассаап нүөмэригэр ыытыаххытын сөп. Даҕатан эттэххэ, хаһыат кэлиҥҥи нүөмэригэр анал ыйытыктардаах былааҥка баар. Бу былааҥканы толорон, хаартыскаҕа түһэрэн, бассаапка ыытаргыт ирдэнэр.

***

Пресс-служба Якутской городской Думы

Оставить комментарий    

!