Элгээйигэ эт-үүт комбината 25 сыллаах үбүлүөйүн бэлиэтээтэ

Өрөспүүбүлүкэҕэ аан маҥнайгыннан тыа хаһаайыстыбатын ас-үөл бородууксуйатын оҥорон таһаарыыга «Кыайыы 40 сыла», Ленин уордьаннаах Элгээйи совхоһа уонна «Күндээдэ» курдук түөрт улахан сопхуостар тэриллэн үлэлээбиттэрэ, билигин улууска киэҥ ассортименнаах маҕаһыыннар ситиһиилээхтик үлэлии тураллар. Бүтүн улуус, ону таһынан Мииринэй, Удачнай уонна Ньурба куораттарын олохтоохторун үрдүк хаачыстыбалаах аһынан хааччыйан дьон-сэргэ сүдү улахан ытыктабылын ыллылар.

Элгээйитээҕи эт-үүт комбината төрүттэммитэ 25 сылын бэлиэтиир үөрүүлээх күнүгэр «Сунтаар улууһа (оройуона)» муниципальнай оройуон саламтатын аатыттан Сунтаар улууһун Аҕа баһылыга Анатолий Григорьев күн аайы ахсаабат кыһамньылаахтык дьон-норуот баай-талым, уйгулаах олоҕун кэрэһиттэрэ буолан, үтүө суобастаахтык үлэлии-хамсыы сылдьар коллективка ситиспит кирбиилэри ыһыктыбакка, күнтэн күн хаҥатан, өссө үрдүк таһымнаах көрдөрүүлэри, үрдүк хаачыстыбалаах, элбэх көрүҥнээх табаарынан нэһилиэнньэни хааччыйалларыгар баҕа санаа бастыҥын тиэртэ.

***

“Сунтаар улууhа (оройуона)” муниципальнай оройуон дьаһалтатын пресс – сулууспата