“Бичик” кинигэлэрэ “Сыл бастыҥ кинигэтэ: Сибирь-Евразия-2019” норуоттар икки ардыларынааҕы региональнай куонкуруска лауреат буоллулар!

Өрөспүүбүлүкэбит олохтоохторугар, кинигэни сөбүлээччилэргэ үөрүүлээх сонуммутун тиэрдээри тиэтэйэбит. Ааспыт нэдиэлэҕэ, балаҕан ыйын 12-14 күннэригэр Новосибирскай куоракка “Сылкинигэтэ: СИБИРЬ-ЕВРАЗИЯ-2019” норуоттар икки ардыларынааҕы куонкурус ыытылынна. Бу күрэххэ Арассыыйа араас регионнарыттан уопсайа 130 бырайыак кыттыыны ылла. Аан дойду муннуктарыттан суруйааччылар, поэттар, кириитиктэр Сибиирдээҕи кииҥҥэ мустан ааҕааччыларга араас маастар-кылаастары, кинигэ“сүрэхтэниилэрин” ыыттылар, экскурсияларга сырыттылар. Үс күн устата кинигэ дьаарбаҥкалара, култуурунай бырагыраамалар, форумнар, литературнай семинардар ыытылыннылар.

Быйыл “Бичик” кинигэ кыһата хас да кинигэнэн тоҕус номинацияҕа кыттыбыт эбит буоллаҕына, үс бырайыага дипломант, биир кинигэ ЛАУРЕАТ, онтон биир кинигэ интэриниэт-куоластааһыҥҥа уопсай түмүгүнэн  КЫАЙЫЫЛААХ үрдүк аатын сүктэ! Ол курдук, “Оҕолорго уонна оскуола үөрэнээччилэригэр  аналлаах бастыҥ кинигэ” номинацияҕа Ааҕааччы киэҥ араҥатыгар туһуламмыт таһаарыылар эрэдээксийэлэрэ таһаарбыт «Мамонт и другие древние животные Сибири: энциклопедия» кинигэ ЛАУРЕАТ буолла. Бу энциклопедия матырыйаалларын хомуйааччыларынан үлэлээтилэр А.В. Протопопов, Е.Н. Мащенко, Г.Г. Боескоров о.д.а.) Онтонсуруйааччы Виталий Егоров “По следам якутского Хейга” кинигэтэ интэриниэт-куоластааһыҥҥа КЫАЙЫЫЛААҔЫНАН ааттанна.  

Салҕыы ПРИЗЕРДАРЫНАН ааттаннылар: “Бастыҥ кыраайы үөрэтэр кинигэ” номинацияҕа «Шаманы – избранники Небес и  духов» (ааптар Р.И. Бравина), “Нон-фикшн бастыҥ таһаарыыта” номинацияҕа ДИПЛОМАНЫНАН ааттанна альбом-кинигэ «Республика Саха. Год 2017» ( хомуйаноҥорооччулар  А. И. Лукинов, Э. Т. Мярикянов), итиэннэ «Готовим счастье по рецепту» диэн биллэрфуд-фотограф  Наталья Оконешникова  “Нон-фикшн бастыҥ таһаарыыта” диэн номинацияҕа ДИПЛОМАНЫНАН ааттанна.  

Онтон «Лучшее издание, вносящее вклад в развитие евразийского межкультурного сотрудничества» диэн номинацияҕа кыайыылааҕынан ааттанна Сергей Прачев“Вернуть любовь: пьесы” кинигэтэ.

“Сибирь-Евразия-2019” күрэх үтүө түмүктэрин истэн бары да олус үөрдүбүт, долгуйдубут.

“Бичик” Национальнай кинигэ кыһатын аатыттан салайааччы Август Егоров бары ааҕааччылары, кинигэ ааптардарын уонна кэллиэгэлэрин маннык үрдүк таһымнаах кинигэ куонкуруһугар кыайыылаах аатын ылбыккытынан ис сүрэҕиттэн эҕэрдэлиир уонна айар үлэҕитигэр өссө да үрдүк ситиһиилэри, үтүө түмүктээх үлэни баҕарар.

***

Наталья Протопопова,

“Бичик” кинигэ кыһатын пресс-сулууспата