Курс валют
$
53.32
0.03
55.96
0.02
Курс валют
Курс валют
$
53.32
0.03
55.96
0.02
Меню
Поиск по сайту

Биһиги нэһилиэстибэбит

07.06.2022 (3 недели назад) 08:48 0
Биһиги нэһилиэстибэбит

 

Арассыыйа норуоттарын култуурнай нэһилиэстибэтин сылынан, Саха АССР төрүттэммитэ 100 сылынан, Саха сиригэр Ийэ сылынан «Биһиги нэһилиэстибэбит» өрөспүүбүлүкэтээҕи көрүү-фестиваль 1 түһүмэҕэ улуус иһигэр нэһилиэктэринэн ыам ыйыгар түмүктэнэн, анал хамыыһыйа бастыҥнары 2-с түһүмэххэ  сүүмэрдээбитэ. Ол курдук бэс ыйын 5 күнүгэр Д.Ходулов аатынан норуот айымньытын дьиэтигэр Амма, Уус-Майа, “Жатай” куораттааҕы уокурук уонна Мэҥэ-Хаҥалас улууһун уус-уран самодеятельностарын көрүү 2-с түһүмэҕэ буолан ааста. 

Дьокуускай куораттан Олоҥхо тыйаатырын артыыһа, СР култууратын үтүөлээх үлэһитэ Валентин Исаков бэрэссэдээтэллээх дьүүллүүр сүбэ үлэлээтэ.

Дьүүллүүр сүбэ бастаан “Кыталык” общественнай киинигэр уус-уран быыстапканы сиһилии көрдө. Эбиэттэн киэһээ ыраахтан-чугастан кэлбит уус-уран самодеятельность кыттыылаахтара бэлэмнээбит нүөмэрдэрин көрдүлэр-иһиттилэр. 

Ол курдук, балаһыанньаҕа ирдэнэринэн театральнай искусствоҕа 3 ст. дипломунан Д.Ходулов аатынан народнай театр Н.Нестроев “Ини бии” драматытан быһа тардыы, режиссер Данил Осипов, 2 ст. дипломунан Христофор Максимов  «Хаппытыан» ырыатыгар инсценировканы Амма Алтаныттан режиссер Валерий Лобанов туруоран, 1-кы ст. дипломунан Аркадий Новиков “Көөчөөн көрө” мини народнай театр “Хоноһо” – Аркадий Новиков репертуарыттан режиссер СР култууратын үтүөлээх үлэһитэ Анна Охлопкова наҕараадаланнылар. 

Хореографияҕа 3 ст. диплому Жатайтан “Эделвейс” народнай ансаамбыл «Цветы России» үҥкүүтүнэн, салайааччы  Лена Иванова,  2 ст. диплому Амма улууһун Бөтүҥүттэн «Махтал» народнай үҥкүү коллектива “Дьөһөгөй” үҥкүүтүнэн, салайааччы Константин Попов, 1-кы степеннээх диплому “Кыталык” народнай ансаамбыл “Сүр көтөҕүү” (үҥкүүнү туруорда РФ, СР култууратын үтүөлээх үлэһитэ, “Душа России” бириэмийэ лауреата Василий Винокуров), салайааччы Алена Давыдова  туттулар.

Вокалга – 3 ст. дипломунан Уус-Майаттан, солист Павел Андреев авторскай ырыатын толорон, 2 ст. дипломунан,  Амматтан «Песня амгинских пашенных» норуот ырыатын «Родные просторы»   нуучча вокальный ансамбыл, салайааччы Татьяна Яковлева, уус-уран салайааччы Дарья Иванова уонна 1-кы степеннээх дипломунан Табаҕаттан “Төлөн” народнай ансаамбыл, салайааччы СР култууратын үтүөлээх үлэһитэ Павел Егоров наҕараадаланнылар. 

Фольклорга – 3 ст. дипломунан Амматтан “Кыл кылыһах” фольклорнай бөлөх, «Саха быьаҕа»,  салайааччы Василий Неустроев, 2 ст.дипломунан Д.Ходулов аатынан НАДь иһинэн үлэлиир “Дьиэрэй” фольклорнпай бөлөх, салайааччы Ульяна Ефремова, 1-кы ст.дипломунан Бүтэйдээхтэн “Дьүөгэлиилэр” бөлөх, салайааччы СР култууратын туйгуна Анастасия Матвеева наҕараадаланнылар. 

Декоративно-прикладной искусствоҕа Мэҥэ-Хаҥаластан 2 ст. диплому муоһунан оҥоһуктарга Төхтүртэн Татьяна Неустроева, 1-кы ст. дипломнары кыл-сиэл оҥоһуктарга Балыктаахтан  Валентина Березкина, үгэс буолбут таҥаска Төхтүртэн Александра Артемьева,  тимиртэн оҥоһуктарга Төҥүлүттэн Леонид Говоров туттулар. 

Бүтүн Өрөспүүбүлүкэтээҕи көрүү-фестивальга 1-кы степеннээх дипломнары туппут кыайыылаахтар, аны кыһын Дьокуускай куоракка 3-с түмүктүүр түһүмэххэ кыттыыны ыла барыахтара. Санатан эттэххэ бу фестиваль уопсай бирииһин фондата 3 мөл. солк. буолар. Онон эппиэтинэстээх улахан тэрээһиҥҥэ, Мэҥэ-Хаҥаластар ситиһиилээхтик кытынныбыт диэн үөрэн туран бэлиэтиибит. Инникитин өссө үчүгэйдик бэлэмнэнэн, түмсэн, дьоммут-сэргэбит  чиэстээхтик кытталларыгар баҕа санаабытын тириэрдиэҕиҥ! 

***

Эмма ПАВЛОВА

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32