Бу күн саастарынан арахсан илии хотуурунан от охсуутугар күрэхтэһиэхтэрэ. Ону таһынан хонуу аһын күрэҕэ, аһаҕас халлаан анныгар уруһуйдааһын буолуоҕа. Николай Атласов отуу аһынан ыалдьыттары күндүлүөҕэ, Василий Окороков хотуур таптайыытыгар дьоҕурун үллэстиэҕэ, Римма Егорова, Нарыйа Иванова чэй оҥоруутугар уһуйуохтара. Ыччат дьоҥҥо аналлаах тэрээһиннэр ыытыллыахтара. Итиэннэ Александр Эверстовтыын сэргэх кэпсэтиилэр, «Доруобуйаҕын бэрэбиэркэлэн» чэбдигирдэр аахсыйа, эҕэрдэ кэнсиэр, хапсаҕайга, мас тардыһыытыгар, сүүрүүгэ күрэхтэһиилэр буолуохтара.
Бүгүн сарсыарда 10:00 ч. Майа сэлиэнньэтин «Кыайыы аартыга» болуоссаттан Тураахтаах эбэтигэр диэри дьону оптуобус таһыаҕа диэн Мэҥэ Хаҥалас улууһун дьаһалтатын пресс-сулууспата иһитиннэрдэ.
Оставить комментарий