Сиэйэ нэһилиэгэр Үтүө Дьыала хамсааһын чэрчэтинэн култуурнай-спортивнай киин дьиэтэ тутуута бара турар

Бэс ыйын 14 күнүгэр Сунтаар улууһун баһылыга Анатолий Григорьев, Сунтаар улууһун тутуу салалтатын салайааччыта Дмитрий Саввинов Сиэйэ, Кутана нэһилиэктэригэр тутуулара хайдах бара турарын билистилэр. Сиэйэ баһылыгын солбуйааччыта Арсен Семенов уонна Кутана нэһилиэгин баһылыга Николай Давыдов, улуус депутата Михаил Евсеев тутуу үлэтэ хайдах бара турарын билиһиннэрдилэр.

 Сиэйэ нэһилиэгэр Үтүө Дьыала хамсааһын чэрчэтинэн култуурнай-спортивнай киин дьиэтэ тутуута бара турар. Уота, ититиитэ, тас  үлэтэ хаалан турар. Быйыл балаҕан ыйыгар киирэрэ күүтүллэр.

Кутана нэһилиэгэр оскуолалары тупсарыы Федеральнай Программатынан  А.А.Иванов-Кундэ аатынан Кутана орто оскуолата капитальнай ремонт үлэтэ бара турар. Билигин вентиляция турбатын тардыыта, краската уонна дизайн үлэтэ хаалан турар. Атырдьах ыйыгар ремонт үлэтэ бүтэрэ күүтүллэр.

***
Улуус дьаһалтатын пресс-сулууспата