Курс валют
$
58.84
0.4
69.3
0.5
Курс валют
Курс валют
$
58.84
0.4
69.3
0.5
Меню
Поиск по сайту

Сахалыы Итэҕэллээх киһи арыгыга ылларбат

30.05.2017 00:59 20

Арыгыга ылларыы саха дьонугар, кырдьык, улахан моһуок буолла.

Сахалыы Итэҕэллээх киһи арыгыга ылларбат

Хайа да сэриитээҕэр элбэх киһи суорума суолланна, ыал бөҕө олоҕо айгыраата, төрүөхтээх оҕо төрөөбөтө, холбоһуохтаах дьон холбоспото, элбэх оҕо ийэтэ дуу, аҕата дуу суох улаатта, араас үчүгэй эр дьон дьахтар олохторо арыгыга, туолбат дьолу кэтэһиигэ баранна.

Кэлин, бу дьаллык, арыый аччаабыт курдук буолан баран сүтэр төрдүттэн түөрүллэн ылан быраҕыллар гына быһаарылла илик. Элбэх дьон кэлин бэйэлэрэ арыгыттан туттунар буоллулар, арыгыны олох испэт ыччат эмиэ элбээтэ. Ол да буоллар арыгыттан оһол, дэҥ, буруйу оңоруу тахса турар. Дьиэҕэ айдаан, дьон майгыта алдьаныыта; олоххо, кэскилгэ эрэл сүтүүтэ — бу эмиэ арыгылааһынтан сылтаан буола турар быһыы. Манна , чөл олоҕу тутуһуу хамсааһына үчүгэй суолталаах буолан баран,  чөл олоҕу тутуһааччылар ахсааннара баҕарбыт курдук наһаа тэнийбэт, дьон барыта арыгыны испэт буолан хаалбат. Ити мусульманскай дойдулар курдук арыгыны олох испэт буолан хааларбыт буоллар, үчүгэй буолуо этэ да, ити дойдуларга наркотиктаналлара арыгытааҕар өссө ордук охсуулаах.

Биһиги, этиллэрин курдук, чөл өйбүтүнэн арыгыга ылларартан аккаастаныахтаахпыт. Урууга, киһини тиһэх суолга атаарыыга арыгыны сөбүгэр иһэр үгэс даҕаны уонна сөп да курдук. Холобур: аһыылаах киһиэхэ аһыытын аралдьытар курдук, үөрүүлээх киһиэхэ үөрүүтүн үксэтэр курдук. Онон ирдэбил дьоңңо арыгыны олох испэт буолбакка сөбүгэр, ол аата өйгүн сүтэрбэт гына иһиэххин диэн туһаайыах тустаахпыт. Киһи син биир үөрүүгэ үөрэр, хомойууга хомойор буоллаҕа дии. Моһуогу моһуок курдук төрдүттэн араарыахха наада.

Былыргы итэҕэли тутуһа сырыттахтарына сахалар да, нууччалар да арыгыга ылларбаттар эбит. Былыр Аан Дойду бары Күңңэ сүгүрүйэр эрдэҕинэ арыгыһыт буолуу — дьон олоҕор моһуок буолбат эбит.

Былыргы Саха Итэҕэлинэн: «Куккун араарыма» диэн өйдөбүл баар. “Кут” диэн аңардастыы этиллэр буоллаҕына, Саха Итэҕэлинэн — Ийэ Кут. Кини мэйиигэ олорор,  киһи өйүн үлэтин салайар киин. Киһи этигэр Күн оруолун толорор уонна Күнү кытта ситимнээх дэнэр.

Бу этии толору өйдөбүлэ: «Куккун Сүргүттэн араарыма» диэн ис хоһоонноох. “Сүр” диэн Айыы Үөрэҕинэн — Буор Куту уонна Салгын Куту холбуу көрүү диэн этиллэр. Ол аата үһүс куту кытта диэн. Итэҕэли Күн Тиһигэр сыһыаран көрүүгэ Үһүс Кут Ыйы кытта ситимнээх Ууһуур дьоҕуру салайар киин буолан тахсар.

Баҕар, былыргыта, Салгыыр Кут эңин диэн буолуо. Ону Салгын Кукка маарыңныыр буолан хаһан эрэ умнуллан буккуллан хаалбыт буолуон сөбө.

Итэҕэлбит өйдөбүллэрэ умнуллубуттара ырааппытын убайбыт Өксөкүлээх билинэн турар. Онон Тэрис этэринии — кинилиин мөккүһүҥ. Тоҕо диэтэргит, Салгын Кут диэн бу информационное поле — эгрегор бэйэтэ туспа баар уонна былыргыларга, оччолооҕу билэр дьоңңо, ону да билии баар бөҕө буоллаҕа эбээт.

Киһиэхэ Сири уонна Күнү кытта ситимнээх икки Кут баар буоллаҕына, Үһүс — киһиэхэ чугас космическай обьегы кытта Ыйы кытта ситимнээх Кут хайаан да баар буолуохтааҕын Кэрэ аңардарбыт барахсаттар Ыйы кытта ситимнээх Кут ханна баарын уонна туох суолталааҕын ый аайы бэлиэтээн ыйан биэрэллэр. Онон “Сүр” диэн Буор Куту уонна Үһүс Куту, баҕар, Салгыыр Кут буоллун холобура, холбуу көрүүлэрэ буолар.

Ол аата “Сүр” диэн Киһи Сүрэҕин баҕатынаан уонна Ууһуур дьоҕурунаан, ууһуур баҕатынаан диэххэ эмиэ сөп. Бу куттар Сир уонна Ый холбуу систематын кытта ситимнээхтэр. Ол аата Куккун араарыма диэн “Сир Ыйдыын Күнтэн тутулуктарын быһыма” диэн, оннук табыллыбат оччоҕуна өлөҕүн диэн ис хоһоонноох өйдөбүл.

Ол иһин сахалыы итэҕэллээх киһи арыгы испэт диэн буолбатах иһиэн сөп курдук буолан тахсар, сүрүн өйдөбүлэ — өйүн сүтэриэ суохтаах диэн. Өйгүн сүтэрэр, ол турукка киирэр буоллун да, ол эн тыыннаах сылдьар оңоһуугуттан ол атын диэн.

Таарыйа эттэхэ “куттанар”,” куттас” диэн тыллар ис хоһооноро эмиэ Кут Сүртэн арахсыытын туһунан этэллэр.  Арай бу сырыыга киһи элиэр өйүнэн сылдьан куттаннаҕына — Кута Сүрүттэн арахсарын туһунан этиллэр. Бу арыгыга, итириигэ, кутурууга сыһыана суох эрээри, син биир Кут Сүртэн арахсыыта буолар диэн быһаарар.  Бу түбэлтэлэр түмүктэрэ биир эрээрилэр, атыннара диэн итириигэ киһи кута арахсыбытын бэйэтэ өйдөөбөт, онтон куттанныга киһи кута арахсарын өйдүүр. Ол иһин итирик киһи куттаммат курдук көстүөн сөп, кута арахсарын өйдөөбөт буолан.

Онтон куттаҕас киһи арыгыга ылларыан сөп, кута арахсарын өйдөөбөт буолаары. Онон бу арыгыга ылларыы төрдө-төбөтө,  силиһэ-мутуга киһи чөл туруга ыһыллыытыгар сылдьар.

Чөл олоҕу туруорсааччылар соруктарын маннык быһаараллара буоллар, кинилэри батыһааччылар лаппа элбиэ этилэр дии саныыбын. “Чөл” диэн киһи үс кута үһүөн бу Күн, Сир уонна Ый курдук биир чөл турукка тутуһан сылдьыылара буолар. Чөллөөх киһи майгыта холку уонна инникигэ эрэллээх. Чөллөөх киһи куттанар уонна итирэр — кини тыыннаах туругар туһата суоҕун билэр.

Былыргы Итэҕэл уонна арыгыга ылларыы биир сөпсөһөр түгэннээхтэр. Ол сөпсөһөр түгэннэрэ киһи киһилии буолуохтааҕа. Итэҕэлбит хааммытыгар былыргы өбүгэлэрбит хас эмэ тыһыынчанан сыл сүрү кутунан салайан олорбут сиэрдэрэ сүрбүтүгэр сурулла сырыттаҕа дии.

Аны, ол үксэ, үгэс быһыытынан умнуллубутун кэннэ, аныгы олох көрдөбүллэрэ киһи чөлүн ыһаллар. Алҕас арыгы иһэн кэбистэҕинэ, сүрүгэр сурулла сылдьар кутун чөлө киһиэхэ оннун булбутун курдук буолар. Киһи ол оннун булбатах туругуттан дьэ уоскуйбут чөллөөх курдук буолар. Ол иһин сорох дьон итирдэхтэринэ дьэ арыллаллар, кэпсэтинньэң иңин аҕай буолаллар.

Былыргы итэҕэллээх киһи итиннэ маарыңныырдыы аһаҕас, элэккэй, баары баарынан көнө уонна  судургу буолар. Онтон билиңңи олоххо боруобалаан оннук буолан көр эрэ: араас дьон албынныы сатыаҕа.

Сэбиэскэй кэмңэ арыгынан дьон олоҕун сутуйбуттара аҕай, ол содулун билигин көрөбүт. Ол да буоллар, дьон бэйэ бэйэтигэр сыһыана арыый киһилии этэ. Бэйэтэ туспа атын моһуоктардаах кэм этэ, ааспыта хата үчүгэй.

***

Сахалыы Итэҕэли ылыы бэлиэтэ диэн киһиэхэ бэйэтигэр сахалыы, айыылыы ааттаах буолуута буолар.

Билигин сахалар төһө да сахаларбыт диэн бэйэбитин билиннэрбит,  ааппытынан үксүбүт христианиннарбыт. Киһиэхэ ААТ диэн бу киһи атын дьонтон уратытын тылынан уонна суругунан бэлиэтэ.

Киһи бэйэтэ бэйэтин аата да суох билэр. Оттон кинини атын дьон аатынан эрэ билэр. Ол курдук “сахабын” диэн саха бэйэтин эрэ сананар, онтон атын омуктар саханы билиңңи аатынан — нууччаттан араарбаттар.  Эбиитин христианинскай итэҕэллээх дии саныыллар.

Арыгылатыы, итирдэн баран киһини наар буруйдаах турукка тута сылдьыы — бу христианскай, православнай государство орто үйэлэргэ дьонун тутар политиката буолан хаалбыт эбит.

Бу — былыргы ыраахтааҕылаах православнай Россия дьону арыгынан хааччахха тутар тэрээһинэ. Ону кэлин,  эмиэ ыксаан буолуо,  сэбиэскэй былааска туһаммыттар. Билигин даҕаны арыгыны атыылааһыны государство хонтуруоллуур буолан баран, харчы оңоруутугар эрэ туһулунара буолуо. Улахана ол содулугар билигин биһиэхэ, бу моһуок баар диэххэ сөп. Арыгыга ылларбыт киһи уһуну-киэңи толкуйдаабат ырыппат, тылынан ырытыа аҕай буолан баран, тугу тойотторо эппиттэрин эрэ толорор.

Биллэн турар сахалыы ааттаммыты сууйууттан саҕалаан арыгылыы сылдьыахха сөп буолан баран, бу ААТ диэн киһиэхэ компьтернай программа курдук такайыы, реклама механизмын курдук киһи син биир хайдах эрэ толорор.

Толорулларын билбэттэрэ буоллар, рекламаҕаэлбэх харчы төлүө суоҕа этилэр. Такайыы- диэн биир тылы элбэхтэ хатылыыр буоллаххына ол үксүгэр толоруллар. Бу былыргы сахаларга оҕону иитии уонна дьон санаатыгар дьайыы ньымата.

Бэйэн сахалыы ааккын элбэхтэ наар истэр, бэйэҕэр этинэр, пааспаргар, суруктарга көрдөххүнэ, түмүгэр сахалыы итэҕэл чөллөрүн тутуһар буолаҕын. Куттаныма, кыыһырыма, ыксаама, итиримэ, кутурума чөл туруктаах буол диэн. Онон бу арыгыга ылларбыт биир эмэ чугас киһигитигэр сахалыы итэҕэли, сахалыы ааты ылынар гына кэпсэтэн көрүн.

Ылларбыт киһи бэйэтэ ордук босхолонуон баҕарар да кыайбат буолар. Чугас дьоно сэмэлииллэрэ, туораталлара эбии онно киллэрэр. Кэлин уһугар олох туоратан хаһан эрэ ким эрэ таптыыр оҕото туохха да наадыйбат уулусса киһитэ буолуон сөп.

Сахалыы итэҕэллээх киһи итирэр гына арыгы иһэриттэн туттунуохтаах. Оччотугар арыгыны эккирэтэн иһэр суолтата эмиэ суох буолар.

Итирээри, өйдөрүн сүтэрэн,  баар олох проблемаларын умнаары, онтон сынньанаары диэбит курдук дьон арыгыны иһэр. Кэлин онтулара дьаллык (привычка) буолан хаалар.

Аны суон оһоҕоскор бу арыгынан эрэ аһылыктанар бактериялар үөскүүллэр эбит. Эмчиттэр ону этэллэр.

Ол бактериялар арыгы кинилэргэ тиийбэтэҕинэ киһини бэйэтин сүгүн сырытыннарбаттар, хайа эрэ суолунан арыгыны киһиэхэ хантан эрэ булларан иһэрдэн баран эрэ уоскуйаллар үһү. Ол иһин бу арыгыга ылларбыт дьон арыгыны сүгүн быраҕан биэрбэттэр. Ол бактериялары киһи этиттэн-сииниттэн таһаарарга араас оттор, эмтэр бааллар. Холобур «Копытень – Кулун атаҕа» арыгыны быраҕарга аналлаах оттор булкаастара аптекаларга атыыланаллар.

Сорохтор системанан хааннарын ыраастаналлар даҕаны, барытын ыраастаан таһаарара суох быһыылаах. Ыраастана-ыраастана иһэ турар дьон эмиэ бааллар. Наар ыраастаныы кутталлааҕынан, киһи бэйэтин этэ ыраастанарын солбуйан кэбиһии быһыылаах. Маннык түбэлтэлэр бааллар, наар системанан хааннарын ыраастата сылдьыбыт дьон хайдах эрэ ыраастамматахтарына, көннөрү арыгыттан өлөттөрүүнү кыайбакка хаалаллара баар.

Арыгы биир өрүтүнэн киһи этэ-хаана бэйэтэ оңорор сүмэһинэ. Бу этиловай спирт дьиңинэн — дьаат, киһи этин клетката үүнэрин тохтотор аналлаах.

Оскуолаҕа үөрэнэ сылдьан көрбүккүт буолуо дии, араас харамайдары этиловай спиртка таас иһиккэ угуллан хас эмэ сыл уларыйбакка сылдьалларын. Бу харамайдар да, киһи да, үүнээйи да бары клеткалартан турабыт.Киһи этэ хас эмэ миллиард клеткалартан турар олорго тохтоло суох үүнүү-үрэллии бара турар. Ханна эрэ түргэнник, ханна эрэ бытааннык. Ону дьэ бу Сүр киинэ сүрэххэр олорон салайан биэрэр.

Сороҕун Сүр бэйэтэ дьаалытынан дьаһайар, сороҕун Кут эппитин толорор. Онтон Кут дьаһала быстыбыт буоллаҕына,  киһи Сүр дьаалытынан эрэ сылдьар.

“Сүр” диэн киһиэхэ билиңңи наука билинэринэн, бу — эмоциональный толкуй (ум). Сүр, Өйгө тэңнээтэххэ, акаары курдук буолан баран, киһи тыыннаах хааларын быһа өйдөөҕөр түргэнник сөпкө быһаарар.

Ол сөпкө быһаарыылара киһи сиэригэр сөп түбэспэт да буолуохтарын сөп. «Аата сүрүн, Сүрүн баҕаһын, Сүрдээх да быһыы» диэбит курдук. Кини “үрүң-хара”, “баар-суох”, “баҕарабын-баҕарбаппын” эрэ диэн кээмэйдэринэн толкуйдуур.  Дьэ ол иһин итирик киһи сүрдээх майгыланар.

Сүр эккэр ханна ордук наадатыгар элбэх сүмэһини быраҕар ханна наадата суох дии санаабытыгар тохтотор. Ол тохтоторугар, бу этин бэйэтэ оңорбут этиловай спиртын онно быраҕан бытаардар. Ол иһин бу арыгыга киһи ылларар биир төрүөтүнэн маннык сүмэһини киһи этэ бэйэтэ оңороро буолар.

Ханнык эрэ ити атын дьааттар киһини өр сырытыннарбаттар. Оннукка ылларбыт киһи арыгыга ылларбыт киһитээҕэр эрдэлиир. Арыгыга ылларбыт дьон үгүстэрэ кырдьалларыгар тиийбэттэр, сорохтор син өр олороллор. Ону сорохтор арыгыны иһэ-иһэ сылдьыахха сөп дии саныыллар уонна оннук түбэлтэ олоххо аҕыйах баар.

Онон арыгыга ылларары-ылларбаты киһи Сүрэ быһаарар. Онтон Сүрү — Кут эрэ дьаһайар кыахтаах. Онтон Кут, Сүрү дьаһайар буоларын иитии уонна ону билэр итэҕэллээх буолуу көмөлөһөр. Түмүктээн эттэххэ, сахалыы итэҕэллээх киһи. Күңңэ, Күн систематын оңоһуутун, мин этим оңоһуута үтүктэр диэни билэр, ылынар киһи, арыгыга ылларыан сатаммат.

Биллэн турар, оннооҕор маны билэ-билэ киһи олоҕун хайдах баҕарар олоруон сөп. Арай, киһи бэйэтин эт өйүнэн мин бу Күн Тиһигин Сирин киһитэ төрүт оңоһуум ону тутуһар дэнэр буоллаҕына, ол аата бу киһи — итэҕэллээх. Сахалыы Итэҕэл диэн бу билиигэ итэҕэйии. Төрүт Билиигэ итэҕэйии  быдан бэйэҕэ туһалаах.

***

Утуман Таман.

Ыам ыйын 27 күнэ 2017 сыл, Дьокуускай к.

Обсуждение • 20

Добавить комментарий
  1. Ордоска

    Мин саныахпар, билинни кэм киhитин итэ5элэ борустуой — улэ, карьера, байарга тардыhыы, дьиэ кэргэнин иитии, кредитин телееhунэ — ол оло5ун сыала. Ол иhин кини сыаллаах буолан — аргыны бата испэт, испэт да буолуохтаах. Улэтин сутэрдэ да буттэ, америка5а курдук бэйэтигэр эрэ тиийинэригэр тиийэр. Оннук жесткай рамка наада. Сэбиэскэй кэм курдук ЖКХ-ны телеебекке биичтии сылдьыбаккын, дьиэтэ суох хаала5ын. Киhи, ордук эдэр ыччат, робот, програмированнай со5ус буолуохтаах. Эн арийдарын, былыргы сахаларын общество олох атын кэмигэр, борустуой уструойустуба5а, киhи анаммыт кругуттан (родтан, племяттан, сообществаттан) ханна да туора ойбот кэмигэр аргы испэттэрэ буолуо. Билинни эдэр киhи итэ5элэ — улэ буолуохтаах. Онтон бокуойданыа суохтаах. Оччо5ун испэт бата. Эн философиян, итэ5элин пенсионердарга, душекопателларга эрэ сеп.

    • Ордос

      Бу кулут, хамначчыт психологията. Киһи барыта кулут, хамначчыт буолбат.

  2. Саха итэгэлин

    Тустээччилэрэ диир дьоммут наhаа абстрактнай хайысханы тутуhаллар.Холобура мусульманнар кораны тутуhаллар,христианнар библианы,священнай писанияны.Мусульманнарга бобуу элбэх,христианнарга эмиэ бобуу бегете.Биhиэнэ буоллагына космическай дуу,куйаар дуу,эбэтэр киhи ус кутун ырытан тахсабыт.Ону дьон ейдеебет,онтон мусульманнарга,христианнарга конкретно бобуулар бааллар.кинилэргэ киhи уйэтин тухары мелтех еруттэрин кытта охсуhар.Сахаларга конкретика суох.улахан итэгэллэр молитволаахтар,дьэ саха итэгэлигэр молитвага майгынныыр хара баhаам.Ол гынан баран улахан итэгэллэргэ молитва приложение эрэ курдук.Дьиннээгэ заповедьтары тутуhарга сытар,ол аата куhаган еруккун кытта охсуhагын теруеххуттэн барыаххар дылы.биhиэхэ ону кетутэн кэбиспиттэр,ол оннугар наhаа элбэх термин,мистика,абстракция.

    • Ордос

      Күн, Сир, Ый. Өй, сүрэх, сэб. Мантан ордук конкретика ким эрэ хаһан эрэ суруйбутугар көндөй итэ5эйии буолбатах көстөн турар кырдъыгы билии онно итэ5эйии. Бу мин көрүүм атыттар биллэн турар ханнык эрэ халлааннарага хас эрэ айыылар бэргэһэлээх о5онньоттор олороллор дииллэрэ абстарктнай бө5ө буолла5а дии.

  3. Семь смертных грехов

    диэни истибиккит буолуо,10 заповедей диэн эмиэ баар.Итиннэ саха итэгэлэ сиэр-майгы,сиэрдээх буолуу диэни утары туруорар.Ол гынан баран сиэр диэннэ суруллубутунан отой кып кыра,хайдах эрэ сиэр туhунан сырдаппатах эрэ киhи диэбит курдук.Онтон улахан итэгэллэр бобуулара ынырык элбэх кинигэлэргэ суруллубуттар.ити саха итэгэлигэр сугуруйуу,туомнар,терминнэр наадалаахтар беге гынан баран ити итэгэл уерэгэр киирии эрэ.биhиги киириини эрэ уерэтэбит,нууччалыыта заглавие,приложение,разминка.Онтон дьиннээх итэгэл сиэр-майгы диэннэ улахан болгомто ууруллуохтаах.Олох улахан улэлэр тахсыахтаахтар.биhиги разминкаланан баран бутэн хаалбыт.Онон сиэр туhунан кинигэтэ суруй,Ордуос.ити бастакы кинигэн киирии ( заглавие) буоллун.Надо брать быка за рога диэбит курдук.Холобура еврейдэр итэгэллэригэр саамай сурунэ ус бобууну тутуhуохтаах: 1-Еврей итэгэлиттэн атын итэгэли итэгэйиэ суохтаах- елерееру да гыннахтарына.,2-Киhини елеруе суохтаах- ( бу киhини елер эбэтэр бэйэгин елеребут диэтэхтэринэ- елерун диэхтээх),итиннэ аборт эмиэ киирэр.,3- кэргэнниттэн ураты киhини кытта хоонньоhуо суохтаах (эр киhини кыраhыабай да кыраhыабай чуечэни кытта хоонньос,эбэтэр хоонньоспотоххуна елеребут диэтэхтэринэ- хоонньоспоппун,елерун диэхтээх).Бу уhус бобуу бэлэмэ суох киhиэхэ ейдеммет даганы.Онтон еврейдэр уерэхтэрэ 613 заповедьтаахтар барыта,Онтон 365 бобуу,атына маннык гынагын диэн.Ол гынан баран елерееру гыннахтарына ити 3 заповедьтартан уратыны кэhиэхтэрин сеп.

    • Ордос

      Махтал көрсүө бэлиэ тылларгар. Еврейдар итэ5эллэрэ Иудаизм кини Христианство 1000 сыл иннинэ үөскээбитэ са5алааччылара Моисей. Онтон Саха Күңңэ Сүгүрүйүү Итэ5элэ Сиргэ кэлбитэ 26000 сыл анараа өттүгэр 12000 сыллаа5ыттан мамоннар тыыннаах эрдэхтэриттэн дъоңңо умнуллуута са5аламмыт эрэ. Бу улахан былыргы да инники да Космоһы киһи оңоһуутун билии. Онон бу Иудаизм да манна оло5урар. оло5урарын быһааран ити этэр 3 заповедь бу билиинэн хайдах быһаарыллалларын көрдөрүүм: 1. … Киһи оңоһуута Күн Тиһигин оңоһуутун ұтұктэр мантан атын оңоһуута суох. Күн, Ый. Сир хайдах тураллар да киһи үс кута оннук туруулаах. Мантан атын туруу айыл5а5а суох. Бу абсолютнай билии. Мантан атыннык эн дъаһанар буоллаххына син биир туһата суох диэн. 2. … Кут өлбөт киһи өллө5үнэ Кут киһиттэн тахсан эрэ барар. Аны ол Кут Салгын Кукка сылдъар уонна хаһан ба5арар өлөрбүт киһитин дуу кини сыдъааннарын дуу булар уонна ситиһэр. Ол иһин киһи да тыыныгар турар бэйэн да тыыңңар турар эбии кэскилгинээн биир диэн. 3 … Бу били ар5аһыттан тэһииннээх Ый диэнинэн быһаарыллар. Дъахтар эр киһи холбоһуулара Сиргэ олох үөскээһинин үтүктэр. Олоңхо5о этиллэринэн Улуу Тойон уола Үрүң Аар Тойон кыыһын ойох ыларын көңүллээбит дъоңңо Сүрү, ойууттары биэрбит диэн. Ол аата Сир хаһан эрэ бу Венера (Эдъээн Иэиэхсит, Афродита) курдук кэрэ эдэр кыыс эбит онно Улуу Тойон — Юпитер биир спутнигын биэрбит. Библия5а Ева вырвала яблоко из Эдемского сада и зародила жизнь на Земле диэн. Ол аата ханнык эрэ түгэңңэ бу Юпитер уонна Венера холобур чугасаһыыларыгар бу буолуохтаах буола илик событие маннык хаһан эрэ Сир Ыйы тардан ылбыт. Көрдүгүт дуо айыл5а күүһүн дъахталлар эмиэ ба5ардылар да кими ба5арар хантан ба5арар тардан ылар кыахтаахтарын маарыңнаабат дуо. Аны ол тардыллан ылыллан баран кэлтэй наар биир эрэ өттүбүтүнэн Ый Сирин эрэ көрө сылдъар. Онон бу холбоспут дъахтар эр киһи сыһыаныгар дъахтар диэн Сир эр киһи диэн Ый. Бу эмиэ абсолютнай билии мантан атын буолбатах холбоспут дъахтар эр киһи сыһыаннара. Ол иһин бу кэһиллэрэ табыллыбат диэн. Олоххо да оннук олорбут дъон дъоллоох буолаллар. Эргичийэ сылдъыбыт ыйдаахтар, сиртэн сиргэ көтө сылдъыы эмиэ туһата суох сырыылар буолан тахсаллар эбит диэн буолан тахсар.
      Ити атын заповедьтар бары итинник быһаарыллар буолуохтаахтар. Биһиги кинигэбит Үрдүк Мэңэ Халлаан онно барыта сурулла быһаарылла сылдъар курдук хайа ба5арар түгэңңэ көрүөххэ сөб. Бу Иудаизм наука быдан үөскүөн иннинэ үөскээбитэ онон былыргы билиилэри Моисей Египет жрецтарыгар о5о сылдъан дъиэлэригэр олорон иитиллэн билбитэ ону ити кэлин эмиэ эбэн хостоон Катехезис оңостубуттара. Ол барыта биһиги итэ5элбит быһаарыыларынан быһаарыллаллар оннук күүстээх дириң билиини бу бэргэһэлээх о5онньотторунан Айыы Итэ5элэ ороон таһааран билигин билэн эрэбит. Кинигэ да суруйуохпут онно бириэмэ наада.

  4. Байарга тардыhыы

    байыыга тиэрдэр.эн байдаххына атын киhи дьадайар.байыы хайаан да ким эрэ суотугар буолар.Еллеххунэ баайгын анараа дойдуга ылбаккын.Елбутун кэннэ баайгын уллэстии айдаана буолуо,оголорун эйигиттэн уерэнэн баайга тардыhыыны ере тутуохтара.Агабыт хаhан елер,баайын ылыа этибит диэхтэрэ.Ол иhин сиэр хайаан да наада.Киhи сиэрдээх буоларга тардыhыахтаах.Олох дьаданы да киhи дууhата баай буолуон сеп.

  5. Ордоска

    Мелуйуенунэн икки иэгэйэр атахтаах баар сиригэр куустээх да мелтех да, ейдеех да акаары да, баай да дьаданы да бааллар, баар да буолуохтаахтар. Кулуттар, крепостнойдар, наемнай рабочайдар, паспорда суох колхозтаахтар, билинни серэй маасса уонна биир еттугэр хозяева жизни ( патрицийдар, дворяннар, капиталистар, советско-партийнай номенклатура, билинни новай якуттар). История человечества барыта оннук. Дьаданы Киhи куустээх (а не сиэрдээх) буолуохтаах, оччо5уна бэйэтин убаастатар, оччо5уна паритет баар буолар. Россия кууhун кердерен арыый аан дойдуга убаастатта.

    • Ордос

      Дъоңңо күүстээх, мөлтөх, өйдөөх, акаары диэн крайностар бааллар. Олор холбоһуулара:
      1. Мөлтөх, өйдөөх — бу ойууннар, учуонайдар диэбит курдук
      2. Күүстээх, өйдөөх — бу тойоттор
      3. Күүстээх, акаары — бу баайдар
      4. Мөлтөх, акаары — бу норуот
      Тойоттор ойууннарын учуонайдарын сүбэлэринэн баайдарын дъаһайаннар норуоту үлэлэтэн бары дъоңңо сөбүнэн үллэрэн государство оннук олоруохтаах былыргы итэ5элинэн.
      Россия5а билигин баайдар былаастары, былыргы итэ5элинэн бу дъону былааска олох чугаһаппаттар эбит да кинилэр норуоту үлэлэтэргэ туһалаах эбиттэр. Ойууннарын сүбэтэ суох тойоттор эрэ былаастара тоталитаризмңа тиэрдэр эбит. РОссия5а ити билигин барыта олох хааһыланан турар. Ким эрэ убаастаата диир ити олох сымыа бэйэни эрэ албыннаныы. УАЗигы Лэнд Крузердаа5ар ордук диэбит курдук. Бу биһиги ТЭЦпыт курдук двигателлээх хара буруонан уһаарар биир со5отох авианосецпытынан сыалай быдан улахан флотилия утары тугу гынаары кынабыт. Ядернай сэриини са5алаан кэбиһиэхпит эрэ диэн куттаан олоробут. Уорбакка хоро таспакка сайдыахха баар этэ буолла5а дии. Онноо5ор ракетнай двигателлэр контактарыттан көмүһү уорар ьуоллахтарына бу тугуй, хайдах оннук дойдуну ким убаастыай. Металлургическай заводтар барылара уже омуктар киэннэрэ, оңорор металлара урукку буолбатах хаачыстыбата тиийбэт ствол а5ыйах ытыынан силлиир эрэ буолан хаалар онон кими куттаары гынабыт киһилии уорбакка үлэлиэххэ эрэ наада онон бүтэр омуктарга тыын тэрилтэлэрбитин туран биэрбэккэ о5о оонньуута буолбатах.

  6. Ордоска

    Хас биирдии саха киhитэ борустуой учугэй улэhит, учугэй практичнай хаhаайын, семьянин, а5а, ийэ, ПРИМЕРНЭЙ ХРИСТИАНИН буолла5ына саха обществота, республиката выигрывает. Государствоны, БЕА-ны, Путины кууппэккэ бэйэтин материальнай оло5ун оностор. Учугэй Саха примернэй немец курдук прагматик. Ордос! Хата бэйэн айбыт философскай лабириннар Кулут буолбуккун, тугу айбыккын бэйэн да учугэйдик билбэккин быhыылаах. Саха эйгэтэ билигин олох атын. Экстрасенс, эмчит буол- дьон дьэ ере тутуо

    • Ордос

      Инникитэ кэскилэ суох итэ5эллэри Гундяевкынаан тар5атын. Бу мин айбыт итэ5элим буолбатах былыр былыргыттан баар ону 90- с сылларга Тэрис таһаарбытын мин ис туругун арыйдым эрэ онтон ким да ханна да хайдах да санаммытын иһин син биир онтон тахсан барбат. Мин кырдъык бу Күн Тиһигин кулутабын ону билинэбин. Онтон эн билигин Гундяев кулута5ын хаһааңңа дылы дъон санаатын бутуйан бүтэ5ит билигин атын кэм кэллэ ким да эһиэхэ итэ5эйбэт. Христос этэн турар я пришел спасать овец израилевых уонна ханаанка дъахтар кыыһын эмтээбэтэх эйиэхэ да наадыйар санаата суох этэ. Ол иһин 1400 с арабтар арахсыбыттара Ислам буолбуттара 1000 с нууччалар православнай буолбуттара. Правь, Явь, Навь — Ұөһээ, Орто, Аллараа дойдулар. Дъиңинэн прагматик буоллаххына былыргылыы итэ5эллээх буолла5ын дии ол ара прагматиктар бу билиини олох опытынан ситэллэр онтон былыргылар Халлаан оңоһуутугар ситимнииллэр ол барыта биир этэбин дии ким да ханна да тахсан барбат онтон. Киһи син биир биир клетка эрэ курдук ону киһи баар диэн хас биирдии клетка билэрэ буолуо дуо. Биллин билбэтин кини син биир киһи биир клетката эрэ.

  7. Ордоска

    Не надо примитизировать народ Саха, опустить их культурный, духовный и образовательный уровень до уровня племени Думбо-думбо в Африке и американских индейцев.
    Якуты умны и изобретательны, но вы, Тэрис и Ордос и другие ряженые всячески пытаетесь направить ум, энергию и предприимчивость Саха не в полезные области творчества, а примитивный мир доисторического философствующего дикаря, в мир ушедших в небытие астрологов и шаманистов . Поэтому и строятся вместо физмат школ, лабораторий и высокотехнологических центров, вместо высшей математики и физики всякие «культурные» и «духовные» заведения, и идут дети из-за отсутствия выбора учится народным пляскам и песням. Не показывают свои технологические и научные достижения.

  8. Ордоска

    Фадеевтаах (Утуман Таман) Афанасьев (Тэрис) дьон санаатын буккуйан бутун! Воинствующай эбэтэр научнай атеизм, диалектическай материализм кэмнэрэ кэллилэр. Кашпировскайдар, Аланнар, араас убайдар, эдьиийдэр кэмнэрэ ааста. Араастаан эмтээбитэ буолан дьон харчытын суймуурдаабыттара тохтоотун. Хайатын мунун араас айыыларынан киирэн бутун! Ити барыта тыл оонньуута. Олох сайдар.

    • Ордос

      Киьи оло5ор былыргы итэ5элинэн 3 суоллаах: киьилии, кыыллыы уонна дъиэ кыылыныы (суеьулюю). Киьи киьи буолбутун быьыытынан хаьан ба5арар киьилии суолга киириэн соб. Суеьулюю суолунан баран иьэр дъону хайдах да тохтоппоккун бэйэтэ киьи буола илигинэ. Биьиги баара суо5а киьилии буолуо5ун эрэ диибит онтон наьаа ёьургэнимиэххэ да соб этэ. Кашпировскайдаах Алан эмчиттэр биьиэхэ туох да сыьыана суохтар. Биьиги билиибит быдан инники бу билинни наукатаа5ар сайдыылаах цивилизация билиитэ.

  9. Ордос экстрасенс

    буолбатах буолуон сеп.оччогуна син.

  10. Ордоска

    Тэристэр, Сырдыктар, Айыналар, Сайыыналар, Утуман Таманнар, Тайыыналар уо. д. а. ойуумсуйанныт, уда5амсыйанныт кыылга, кетерге, суеhугэ (атыыр о5уска, сылгыга, таба5а) уо. д. акубулуйа5ыт. Онон уехсэр кыылгыт, суеhу суолун бэйэ5ит тутуhа5ыт. Онон бара турун, эргийбэккэ. Сиик буолан симэлийин! Биhиги бэйэбит суолбутунан барыахпыт.

    • Ордос

      Биьиги диэннин эн бэйэн эрэ хата биьиги элбэх ба5айыбытын бэйэн аа5ан сиппэтэххин. Итэ5эллээх учугэйэ манна сытар, билэ5ин туга сёбюн туга ал5аьын. Бу киьи киьилии эбитэ буоллар туохха еьюргэниэхтээх этэй. Ити киьи 3 суолун туьунан киьи аймахха Сфинкс этэ турар, ону билигин эрэ ёйдёётюбют: «Биьиги эьиги цивилизация5ыт сайдыытын быдан ааспыт дъон олорор планетабытыгар олохпут эстэригэр эьиэхэ Сиргэ бэйэбит хааммытын бары хамсыыр харамайдарга киллэрдибит. Олортон хаьан эрэ биьиги курдук дъоннор уескуеххют уонна бу юс суолу араарар буолуоххут. Ким эрэ кыыл бэйэтин суолун, ким эрэ биьиги укпут киьилии суолу ким эрэ икки ардыбытынан уескээбит дъиэ кыылын суеью суолун талыа. Ол хас биирдии киьи бэйэтин кенюлэ». Суеью ахсаана наьаа элбээтэ бэйэ5ит суолгутунан барбыккыт курдук барын. Бачча элбэх киьи киьилии суолга тардыьыыта мээнэ5э буолбат. «Хайа ба5арар киьи, хаьан ба5арар, хайдах да буолбутун иьин, кини киьи буолан тереебютюн иьин киьилии суолга киириэн сёб». Сфинкс са5а памятнигы билигин онорор техника да технология да суох, эгэ геннай инженерия5а киьи ДНКтын араас харамайдарга киллэрэргэ тиийэ иликпит. Онон былыргылар сайдыыта суохтарын туьунан тохтуу тюс. Бастаан пирамидалары Египетка, Мексика5а, Марска быьаарыахха наада.

  11. Ордоска

    Все ясно, эн инопланетяниннар отпрыскалара (сам такую дурость вбил в голову), эбиккин, сирэйгэр туох эрэ львинай баар. Сфинкс эбит кылаабынай танара5ыт. Собраттарын кэлэрин куутэ5ин. Дьону барытын суеhулэр, кыыллар диигин. Киhи диэн эн сфинкскын танара оностубуту эрэ диигин. Онон эн сектант эбиккин. Конец связи, аадка дуу, ырайга дуу керсуехпут, скорей всего ААДКА, я тоже не святой, но человек

  12. Кердеех меккуЬуу эбит

    Бу ОрдоЬы утары санарар уол, тылыттан-еЬуттэн, санаатын таЬымыттан сылыктаатахха, Туола Ньукулаайап быЬыылаах (Саха театр буотах, урукку банкир).
    Фадеевы (Утуман Таманы) олох самнары этэн кэбистэ дии.

    Туола урут бэйэтэ сахараал ааттаа5а этэ, Айыналары, Сырдыктары убулээн а5ай биэрбитэ.
    Ол онно харчытын тэбээн кэбистэ5э дии.
    Кэлин ейдеммут быЬыылаах?

    • Ордос

      Покровскай (Покров Күн 14 октября 1681 с. Дъэнник салайыылаах Эргис ойуун алгыстаах сахалар хаңаластар тиһэх утары турууларын самнарбыт күннэрин уруйдаан ааттаммыт сир) тракка («Эргис аартыгар») олоробун уоппутун араара сырыттылар бэрэсэдээтэлбитин прокуратураламмыппытыгар төлөөбүт харчыбытын Энергосбытка булан илдъэн төлөөн уоттанныбыт. оннук сүөһүлэр салайан олороллор хайдах оннук дъону сүөһү диэ суоххунуй. Көрдөххө киһи киһи курдуктар эрээри көрбөккөр эн сиэпкэр киирэр буоллахтарына бу дъону аан аһа5а5ар олбуорга киирэр сүөһүлэртэн атыннара суох быһыыланаллар диибин. Онноо5ор ол үрдүнэн бу киһи хаһан ба5арар бээ дъон сүөлүргүө киһилии буолууһубун киһилии ордук да сынньалаң да эбит диэн сөб диибин. Аатын кистэнэр киһи ким да буоллун тугунан да миигин самнары эппэтэх мин кырдъык Египет уонна Марс Сфинкстарын дъоннор оңорбуттар диибин уонна суолталарын арыйабын ол онноо5ор сорох дъону өһүргэтэр. Өһүргэнии диэн эмоциональный ум этиигэ Сүр реакцията манна бу Кут холбонон киһи толкуйдаата5ына Сүрү саба тутар өһүргэнэр наадата суох буолар. Бу кэпсэтэр киһи үчүгэй ба5айытык киһи Кутун Сүрүн үлэтин көрдөрөр. Кут Сүр тэңнэбилин киһи тутуохтаах диэн ис хоһооно.
      Сфинкс диэн таңара буолбатах Таңара диэн Күн, биһиги бу Күн Тиһигин Сир , Марс дъонун таңарата. Өссө Ытык Таңара диэн баар бу Күнү айбыт бүтүн Аал Ук Мас (Млечный Путь) галактика (Ытык) таңарата. Атын сулустар эмиэ бэйэлэрин тиһиктэригэр туспа Ыал Таңаралар. Мин туох да сектам суох уонна буолар да кыа5а суох хас биирдии киһи бэйэтэ туспа личность оннук эрэ буолуоххайын кимиэхэ эрэ сүөһү, кыыл курдук буолан бүтүн эрэ диибин. Хас биирдии киһи бэйэтэ киһилии суоллаах. Онтон уорар, албынныыр, өлөрөр буоллун да ол сүөһү уонна кыыл суоллара диэн. Ырай диэн Күн уонна Добун Халлаан, Ад диэн Сир ядрота уонна Аллараа Халлааннар. Бу олоңхолор тылларыттан сылыктаатахха. Бу көрүү тар5анарын үбүлээбит киһи урукку «не святойа» барыта сотуллан точно ырайга көрбүтүнэн тиийэр буолуохтаах.

Оставить комментарий    

!