Курс валют
Курс валют
Меню
Поиск по сайту

Саха төрүт итэҕэлин ким харыстыыр?

15.01.2017 10:47 5

Соторутааҕыта билэр киһим: “Хоту улуустан биир дьикти баабыска кэлэ сылдьар, кэпсээнин кэлэн истиэҥ этэ дуу?”, - диэн төлөппүөннээбитигэр бара сылдьыбытым.

Саха төрүт итэҕэлин ким харыстыыр?
Үйэтин сааһын тухары сүөһү көрбүт тыа эмээхсинэ ыалдьыттыы олорор эбит. Төһө да сааһа ырааттар сэһэнэ-сэппэнэ, сирэйэ-хараҕа сэргэх, чэбэр. “Үөрэммитиҥ, дойдугуттан тэйэ сылдьыбытыҥ дуу?” – ыйытабын. “Хантыан, үөрэх диэҥҥэ үөрэммэтэҕим, балтым эрдэ күн сириттэн күрэнэн тулаайах хаалларбыт оҕолорун киһи-хара гынар түбүккэ сылдьан бэйэм ыал олоҕун тэриммэтэҕим. Онтуларым билигин улаатаннар, хата, бу Дьокуускай куоракка хаста да кэлэн бардым. Билигин оройуон киинигэр толору хааччыллыылаах дьиэ ылан биэрбиттэригэр онно көһөн олоробун. Сиэннэрим кэлэ-бара көстө-билсэ сылдьаллар”, — диир.

Баабыска кыра эрдэҕиттэн “ону-маны” билэр, кыыллары, маһы-оту, уопсайынан тулалыыр эйгэтин – айылҕаны тыыннааҕымсытан көрөр эбит. Кинилэр кэпсэтэллэрин, дьүһүннэрин-бодолорун илэ харахтыыр эбит.  Онтун барытын бэрт ылбаҕай, ыпсарыылаах тылынан хоһуйан кэрчик-кэрчик кэпсээннэри суруйбут. “Тыыннаахпар кинигэ гынан таһаарарбар көмө-тирэх буолларгыт”, — диэн көрдөһүүлээх кэлбит.

Эмээхсин: “Айылҕа тыыннаах, Айылҕаны харыстыахха, Таҥара биир, Православнай храмҥа сылдьабын, Библияны ааҕабын”, — диэн  сүрүн санаалаах эбит. Кини кэпсээниттэн сылыктаатахха, саха итэҕэлэ да, православнай да итэҕэл барыта буккуллан – тэҥинэн сылдьар, кини оннук ИТЭҔЭЛИ ылынар эбит.  “Бааһынайдыы” итэҕэллээх.

Бу баабысканы кытары  кэпсэтии кэнниттэн, бэйэ икки ардыгар  санаа үллэстиитэ курдук буолла.

Онно:

—       Үөрэҕэ суох, түҥкэтэх нэһилиэккэ олорор баабыскалар кытары саха итэҕэлин уонна атын религия каноннарын буккуйан “бааһынайдыҥы” итэҕэли “төрөтө” сырыттахтарына — саха төрүт итэҕэлэ сүтэн эрэрин туоһута буолбатах дуо? Аан дойду улахан религиятын бастааҥҥы көрүҥэ – саха итэҕэлэ иҥэринэ сытар диэн билинэр буоллахпытына, бу маннык куһуок-куһуок ким баҕарар бары ылан эргитэн-урбатан билигин баһыйан олорор религияларга сыһыаран, чөл сыппыт тыытыллыбатах итэҕэлбитин суурайан кэбиһиэхтэрэ суоҕа дуо? Атын омуктар итэҕэллэрин ханнык да атын итэҕэли кытары буккуйбакка харыстаан, бүөбэйдээн илдьэ сылдьар буоллахтарына, биһиги тоҕо дьэллэмсийэн итэҕэлбитин барыларыгар тырыта тыыттаран, аһан биэрэ сылдьабытый? Харыстаабаппытый? Харыстыыр киһи билигин баар дуу, суох дуу?

—       Урут итэҕэл конференциялара буолаллар этэ. Билигин ол суох. Куттаналлар – бары аҥыы-аҥыы туойа сылдьар дьон кэлэн мунньахха этиһиэхтэрэ-охсуһуохтара диэн. Этиһэн-мөккүһэн биир санааҕа кэлиэхпит эбитэ буолуо. Ону муоһулуур олитик көстөрөр дуу… Туох даҕаны, буолаары буолан, итэҕэл боппуруоһа олус ыарахан, дириҥ, дэбигис киһи ылбычча биир быһаарыыга тиийбэт улахан боппуруоһа. Төгүрүк остуол  тула олорон кэпсэтии салҕаныахтаах этэ.

—       Билигин сити былааска тахсыбыт дьон, бэйэлэрин кэмигэр Саха итэҕэлэ диэн былаах тутан ааттаммыт-суолламмыт дьон. Бэйэлэрин карьераларыгар саха итэҕэлиттэн томту тутан ылан аат-суол оҥоһуннулар уонна билигин ол дьон итэҕэлгэ эргийэн да көрбөттөр. Тоҕо?!

—       Саха анал үҥэр дьиэтэ суох. Ханна баҕарар Айыыларга үҥэр кыахтаах этэ диибит. Билигин кэм уларыйда. Ким да ылбычча уот оттон сиэр-туом оҥорор кыаҕа, билиитэ да суох. Өскөтүн куорат олохтооҕо буоллаҕына, букатын да кыаллыбат суол. Ити биир Арчы дьиэтэ баара – кулууп, государствоттан үбүлэнэр. Сокуон  буоллаҕына, религиознай тэриллиилэри 1917 сыллаахха государствоттан үбүлэниитин тэйиппитэ. Ити тэллэй курдук үүнэр атын итэҕэллэр дьиэлэрэ бэйэлэрэ бэйэлэрин үбүлэнэр тэрилтэлэр дэнэллэр. Омуктары баайдара бэрт. Сахаларга Айыы дьиэтин үбүлээн туттарар, үлэһиттэрин хамнастаан, уотун-күөһүн төлөөн тутар дьон бааллар дуо?

—       Татаардар да, башкирдар да, нууччалар да итэҕэллэрин сүрдээҕин өрө тутан олороллор. Государствоттан өйөбүлэ суох ити итэҕэл тэриллиилэрэ хайдах да сайдар кыахтара суох. Биһиги былаастаах дьоммут “сокуон оннук” диэн баран тиэрэ хайыспакка, үбүлүүр суолу-ииһи тобуларга үлэлэһиэхтээхтэр этэ. Сатаммат өттүн дириҥэтэ сатаабакка.

—       Итэҕэлэ суох омук эстэр үйэтэ кэллэр. Саха төрүт итэҕэлин буккуйан-тэккийэн, кэлбиккэ-барбыкка барытыгар утары ууна сылдьан сүтэрдэ да – норуот аатыттан ааһар. Бэлиэр оннук суолга киирдибит.

Ситинник санаалар этилиннилэр.

***

Саха итэҕэлин туһунан кэпсэтии сөргүйэр кэмэ кэллэ быһыылаах.

Аҕыйах хонуктааҕыта Афанасий МАКСИМОВ Арчы дьиэтигэр ыытыллар Таҥха күннэрин утаран “Фейсбукка” тыл бырахта. Кэпсээнтэн кэпсээн диэбиккэ дылы, тоҕо, туох санаалаах тыл бырахпытын “Аартыкка” тэнитэн таһаарарыгар этии киллэрдибит.

Онуоха Афанасий Николаевич МАКСИМОВ маннык хардарар:

—  Мин, дьиҥэр, Дьокуускай куораттааҕы Арчы Дьиэтин сабыахха диэбэппин. Ханнык баҕар ИТЭҔЭЛ, религия бэйэтэ күрүөлээх, хааччахтаах. Арчы Дьиэтигэр араас элбэх туһалаах тэрийии элбэх. Холобур Олоҥхо, Оһуокай күннэрэ. Ол эрэн Сүллүкүүн киэһэтэ, бүлүүһэ сүүрдүүтэ диэн кэнники наһаа дэлэйдэ, аһара барда.

Сүллүкүүн диэн биһиэхэ бастакы казактар аҕалбыт “шиликун” диэннэрэ сахатыйан “сүллүкүүн” дэнэ сылдьар. Бу – соруйан оҥоһуллубут, түгэхтээх дьай дии саныыбын.

Холобур, кинилэр биһиги Ааппытын-Суолбутун былдьаабыттара, төрүт Итэҕэлбитин 1698 с. бойобуода Арсеньев укааһынан боппутун туһунан докумуон архыыпка харалла сытар. История кэрэһэлииринэн, ханнык баҕарар сэрииһит сэриилээн ылар сиригэр бэйэтин итэҕэлин соҥнуур. Бу өйдөнөр суол. Төһө да билигин итэҕэл өттүгэр көҥүллүк бардарбыт, историяҕа буолбут быһылааннары, чахчылары умнуо суохтаахпыт.

Православнай христианство, Ислам тоҕо эрэ бэйэлэрин үҥэр-сүктэр сирдэригэр хараҥа эйгэҕэ киирэн бүлүүһэ дуу, өлбүт дьон сибиэнигэр дуу кыттыһан инникилэрин ыйдаҥардыбаттар эбээт.  Эн церковька киирэн спиритизм дуу, коляда дуу ыыт эрэ! Хас буолаҕын?! Бэрт түргэнник оннугун булларыахтара, хаайыыга да симиэхтэрэ этэ.

Икки атахтааҕы бобуулаах, кистэлэҥ наар тардар. Киһи эрэйдээх айылгыта оннук. Ол эрээри хааччах, күрүө-хаһаа бу өттүгэр эмиэ баар буолуохтаах.

Биһиги Итэҕэлбит бобуллубута түөрт үйэ ааһан эрэр, ол иһин мунуу-тэнии, буккуллуу элбэх.

Мин В.А.Кондаковы кытта Итэҕэл өттүгэр элбэхтик алтыспыт, кини суруйбут Аар Айыы үөрэҕин элбэхтик аахпыт буоламмын киниэхэ махталым муҥура суох.  Итэҕэллээх, испэр эрэллээх буоламмын туругум бигэ, чөл, ханнык да ыарахаттары ааһарбар миэхэ Итэҕэл өйөбүл буолар.

2012 сыллаахха Аар Айыы Итэҕэлэ, Владимир Кондаков үйэтитэн хаалларбыт үлэтигэр олоҕуран, аан бастаан РФ юстициятын министиэристибэтигэр регистрацияламмыта. Бу саха норуотугар улахан суолталаах дьыала буолбута. Регистрацияны ааһарга өр кэмнээх үлэ барбыта, мөккүөр, утарылаһааччы да элбэх этэ.

Ити кэмтэн ыла Аар Айыы Итэҕэлэ син христианство, ислам, буддизм, иудаизм тэҥэ официальнай итэҕэллэр ахсааннарыгар киирбитэ. Өскөтүн официальнай итэҕэл курдук Минюст РФ билиммит буоллаҕына, биһиги бу үөрэҕи оскуолаҕа кытары үөрэтэр бырааптаахпыт. Ол ону тойотторбут-хотуттарбыт, былаастарбыт тоҕо үөрэх программатыгар киллэрбэтин сатаан өйдөөбөппүн. Эмиэ буоларын курдук, сахалар бэйэбит испитигэр утарылаһааччы, кураанах куолуну ыытааччы элбэх.
Дьиҥэр маны иилэ хабан ылан киэҥник тарҕатыахтаах этибит. Владимир Алексеевич даҕаны бэйэтэ “сыыһаларым баар буолуохтарын сөп, ол кэнники сыыйа көнүөх этэ” диэн миэхэ этэн турардаах. Уонна Итэҕэли ыллыҥ да түргэнник оннун булларар кыах суох, элбэх буккуур-таккыыр, мөккүөр кэннэ иннин солонон, булан сайдыа диэбиттээх.

Биһиги Аар Айыы Итэҕэлбит дириҥ силистээх мутуктаах Итэҕэл. Аан Дойдуга саамай кырдьаҕас Итэҕэл, Тэнгрианство биир салаата буолар.

Итэҕэлбит умнууга, батталга барбыта өрө бэрдиттэн элбэх мунуу-тэнии элбэх. Холобур, Итэҕэлбитин ойууннааһыны кытта тэҥнээһин, бутуйуу баар. Ол иһин сорох дьоммут Соҕуруу, Арҕаа халлааҥҥа, Улуу Тойоҥҥо, Улуу Суоруҥҥа үҥэллэр. Бу төрдүттэн сыыһа. Саха хаһан да Соҕуруу, Арҕаа халлааҥҥа үҥпэтэҕэ. Оннооҕор дьиэтин аанын ол диэки аньыырҕаан оҥостубат этэ.

…Таҥха туһунан этэр буоллахха, эмиэ бутуйуу баар. Дьиҥэр “Таҥха”, “таҥхалыыбын” диэн тыл “ыраастыыбын”, “арчылыыбын” диэҥҥэ тэҥнээх дии саныыбын. Тоҕо? Өксөкүлээх  “Хомус” диэн хоһоонугар “таҥхалыыбын” диэн тыл суолтата сурулла сылдьар:

«Ол кэннэ таҥхалаатаҕым үһү
Ол курдук диэн:
Бэрт тимиринэн бэйэлээтим
Сүдү тимиринэн сүрүннээтим
Сыыйыы тимиринэн сыҥаахтаатым
Дьикти тимиринэн тиэрбэстээтим
Тыйыс тимиринэн тыллаатым!»

Мантан ордук быһаарыы ирдэммэтэ буолуо дии саныыбын,

Дьиҥэр, саха түҥ былыргыттан Үрдүк Айыыларга үҥэригэр, сүгүрүйэригэр туох да храм да, Арчы Дьиэтэ да наадата суох этэ. Хас биирдии саха Улуу Куйаар сорҕото, Айылҕа оҕото ханна баҕар, хаһан баҕар Айылҕаҕа да, оллоонун да  иннигэр Аал Уотун иччитин нөҥүө үҥэр-сүктэр кыахтааҕа. Ол эрэн олох иннин диэки күрдьэн баран иһэр. Ол иһин биһиэхэ эмиэ түмсэр, кэпсэтэр, Итэҕэлбит биир суолу, сүнньүн буларыгар көмө буолар дьиэлэр ирдэнэр кэмнэрэ кэллэ дии саныыбын. Айыы Дьиэтэ, Итэҕэл Дьиэтэ диирбит ордук курдук.

…Саха киһитэ улаханнык куһаҕан быһыылары, майгыны кэпсии, тарҕата сылдьарыттан туттунар. Биһиги Айылҕаттан көнө, истиҥ, аһыныгас майгылаах норуот этибит. “Этибит” диирбэр тиийэбин. Бу аҕыйах хонуктааҕыта мин дойдубар дьиикэй быһыы буолбута миигин сүрэхпин сытыы кылыһынан таарыйан ааста. Маннык быһылааннар күн-түүн элбээн иһэллэр. Сахалар бэйэ-бэйэбитигэр сидьиҥник сыһыаннаһыыбыт өрө баһа элбии турар. Ким, маны хаһан тохтотор?

Итэҕэлгэ сыыһа сыһыаммыт, аһары барыыбыт, хараҥа эйгэни сиэрэ-туома суох хамсатыыбыт манна эмиэ быһа сыһыаннаах. Оннооҕор сыыһа Алгыс ыытар сэттээх-сэлээннээх, иэһэ-төлөбүрэ ыар буолар. Маны билэр дьон, хомойуох иһин, аҕыйахтар.

Ол иһин Итэҕэлбитин аһаҕастык кэпсэтэн, биир тылы була сатыыр, сүнньүн тутар Кэм кэллэ.

Эһиги, сахам дьоно, туох дии саныыгыт?

****

Туйаара НУТЧИНА,

Aartyk.Ru”.

КОММЕНТАРИИ 

#1

Отк16.01.2017 00:49
Ол 400 сыллагыны билбэтим, киьи киьи араастык суруйар, бары ученай степеньнээх аатыраллар сахалар хантан туох торуттээхтэрин араастык суруйан эмиэ степеньнэммит аатыраллар, Онон сылыктаатахха бэйэбит сахалар хантан топуттээхпин биэс тарбах курдук атын атыттар, уонна хантан туох дьиннээх итэгэллэхпиьин билиэхпитин собуй??? Эмиэ билээгимсийбит суурбэ Аракс араас суруйан степеньнээнэн ученайдарбыт туойбуттарынан дуоооо?
#2

Отк16.01.2017 00:57
Онтон 400 сыл ол Россия иьигэр киирбиппит буоллага дии, ол иннинэ сахалар бу сирбитигэр тоьо да уйэ олордубут ини, дьэ ол россияга киирбит сылбытыттан эрэ эмискэ котон кэлбэтибит ини, ол инниттэн олордозаутуна нууччалар кэлэн кырган, стэмэхтээн нопуоппут иннэ, кэскилбит суох буолсу, диэн улахан кэпсэтиинэн, билигин дипломатической дыры, переговордаьан киирдэхпит буолуо, сидинньик кыргыбыттарын туьунан архмвка ити этэргит курдук история суруллута баар, бекетов атаманна уонна сугуруйун!!
#3

валерия16.01.2017 00:59
по крайней мере призадуматься можно и нужно
#4

Отк16.01.2017 01:07
Итэгэл туьунан буоллагына ого эрдэхпиттэн истэрим, сэрибиэйдэнэллэ рин, сэрибиэй зас биирдии киьи бэйэтмн итэгэйэр итэгэйбэт бэлиэтэ буоларын быьыытынан упуккаттан бэцэлэри ду кытиыьан дуу кочо сэрибиэйдэнэллэ рэ, Онон кырдтык ити арчы дьиэтигэр уопсай кургуом сэрибиэй онороллоро сыыьы дии саныыбын! Буолар буолбат корбуонньуктэр шоу бизнес оностор сирдэрин курдук, туох да урдуку айыыларбытын убаастабыл суох! Иннэ онтон моптоох дьон улэлииллэр диэн дуоьунас биэрэн улэлэтэллэр дии хайдах да компетентнайа суох быьыы, хайаан дуоьунастаах сыстыганнаах улэьит ойдооботр буолуой?!
#5

оннук16.01.2017 03:17
Ол эрэ буолуо дуо? Иккис этээскэ тахсан арыгылыахха да сеп этэ, кецуллууллэр этэ. Биир бэйэм тэрилтэбин кытта баран биирдэ корпоративтаан турардаахпын. Ас, арыгы, дискотека махрэ этэ. Харчы телеебуппут да киирбиппит, арыгылаабыппыт. Онон Арчы диэн аатын уларытыахтарын наада, дьону буккуйбакка. Айдаан буолтун кэннэ дьэ кэлэн кулууп аатырбыт ду?
#6

Киьи16.01.2017 19:25
Дьицнээх саха суох олох а5ыйах хаалла.Билигин бары эбээн-эбэцки буолан сахалыыны утаран туьэрэн абааьы корон барытын тацнары оцороллор.Ол иьин маннык быьыы тахсар.Эппикэ диэри аташканнар сахаттан олон-хаалан ону иэстэьэллэр.Сах аттан ураты ким да кинилэри киьи диэбэт ини.
#7

Киьи16.01.2017 19:31
Ол курдук тоьолоох сахалыы сопко сацар-суруй дииллэрин (Дапсы)утарар оссо оьургэнэллэрий. Соруйан туьэрэллэр.Син биир нуучча диэн омук суо5ун курдук бары укроп-дьэбир буолан баран дойдуну аьааьы корон дьонун туьэрэллэрин уоран-сиэн кураанах халларалларын курдук.Саха буппутэ Ойуунускайдаа5ы ннан.
#8

Саха саарына16.01.2017 22:07
бу сордоохтор эмиэ туhэринэн эрэллэр. Биир бэйэм сахабын, ит5эллээхпин уонна ийъ дойдулаахпын. Оннук сахалар элбэхпит.
#9

Сахабын16.01.2017 22:16
Ити отк сопко суруйар, 400 сыл анараа ооттугэр сахалар эстимээри итиччэ кыргыллан баран росмияга киирэн олороохтуубут, сахалар баарбыт, эстэн эрэбит дииргит сыыьа, бэйэгит эстэн эрэбит диэн эстэ сатыыгыт ойгут убаан дуо, эбээннэри да санарыман эмиэ омук быьыытынан олордуннар, мин сахабын диэн дрстойнайдык туттан олорон, улэлээн тосхойо туруогун ээ
#10

стрелок17.01.2017 09:06
биhиги сахалар бачча киэн дойдуга олорон бачча баай дойдуга олорон корунуоххэ туохтаахпытын.Б у баччанна дылы тугу ситистибит.100 иhигэр киирэр биир эмит олигарх баар дуо.Суох..Биир эмит улахан политик баар дуо кремльга киирэр.Суох..Ит и барыта итэгэл суогуттан.Кэм кэллэ Итэгэл дьиэтин бары тутан Государственно- частное партнерство диэн бастаан киириэххэ наада.Харчыбыт хантан кэлиэй.Бары бюджет диэн баран олоробут.Улууст арга дэриэбинэлэргэ эмиэ тутуохтаахпыт.И тэгэлбит Ил Дархан былааhын сага тэн былаастаах буолуохтаах.Нор уоту тумэн сомоголоhуохтаа хпыт.Бэйэбит сирбитин сорогун бас билэн сир баайын бэйэбит хостуохтаахпыт. Итэгэли уорэтэр буолуохтаахпыт Хас биирдиибит кыра итэгэл кинигэтин укта сылдьыахтаахпыт .Итэгэл дьиэтигэр улэлиир дьоммутун бэйэбит хамнастыахтаахп ыт.Ол дьон тылын энкилэ суох истиэхтээхпит.О л итэгэл дьонун соп соп Ойууттар кэлэн уорэтэн ааhыахтаахтар.И тэгэли тутар дьон кинилэр буоллага.Итэгэл киhи морально -нравственнай устойун киллэрэр.Сахала р туох дии саныыгыт
#11

Ньукуус17.01.2017 09:56
Сахалар урукку олохпутугар тыhыынчаннан сыл олорбут устуойун соргутиэххэ наада т.е а5а улууhунан аймахтарынан алааhынан сомо5олоhухха наада оччо5о преступность аччыа кырдьа5астарга убаастабыл баар буолуо.
#12

миисэ17.01.2017 14:33
саха итэгэлэ диэн айылгага сугуруйуу оннук маннык арчы диэтэ диэн сана суурээн тенгрмиансво диэн кэлин ойтон арыллыбыт сажалар суруктара суога ити барыта научнай гипотеза диэн факт диэн суох онноогор тыгын дарханы казактар донесениеларытт ан билэбит эмискэ сэбиэскэй бириэмэгэ сайдыбыт дьоммут корун эрэ сахалар жристианствога адвентистарга баптистарга ким сурэгэ собулуурунэн итэгэйэр ойуун купельга сотуолээсин буолар уксэ биси дьоммут сотуолуо онон христианство сурун итэгэл бисиэнэ ону утуктуу мин лично айылгага сугуруйэбин
#13

Тунгус17.01.2017 17:02
Бу киьи диэн халлаан киьитэ топтан топка, форумтан-форумц а кэьэ сылдьан тоцустары кытта сэриилэьэн аххан биэрээхтиир, онтон уьун сонноноору, улуу омук буолан сириэдийээри. Сордоох эрэ дииргэ тиийэбит, наар ыраас сахатынан эцнээхтуур да саарба5ым салыбырыыр, эрус уцуоргу буолла5ына бэьиэччик, самодиец буккаастаах буолуохтаах, Булуу умнаьа буолла5ына бэьиэччик уонна тоцус хааннаах буолуохтаах, Дьокуускай тулатыттан буолла5ына олох да маргинал, манкурт буо.
#14

Бу эн кимниний?17.01.2017 20:20
Оттон Тунгус дэммит бу эн кимниний доо?
Калитиннын доо?
#15

Сахабын17.01.2017 21:03
Хайдах тонустаьан, маргиналланан бардыгыт, сахабыт диэбэккэ?! Бу баар дии саха торуппут итэгэллэрэ дуо, булуу да, опус унуор да сахаларбыт диэн олоробут дии, куоракка да саха элбээтэ бары тыаттан, хайа оттуттэн кэлбиттэрин билбэппин да онтон тумустэхтэринэ сахаларбыт дэьэллэр дии
#16

Батаап17.01.2017 21:22
Глобализация, атын улахан омуктар религияоара етен киирэ турар кэмигэр Саха киситэ онно о5устаран симэлийбэтин тусугар ИТЭ5ЭЛБИТ эрэ биир сомо5о норуот гына тумэн тыыннаах ордоруо, Ону ейдеен!
#17

Батаап17.01.2017 21:24
Тойотторбут ейеебеттер саха норуотун терут ИТЭ5ЭЛИН, ол баар — алдьатывлаа5а
#18

Сахабын17.01.2017 21:55
Тойотторбут хата купельга баран умсуохтара кириэс сыллыы сыллыы, киьи да кулэр!!! Арчыланар дьиэгэ саха туомунан ыраастаныы барыахтаах ууга чомпойдоммокко эрэ дии саныыбын
#19

Бутуур17.01.2017 23:45
Ити нуучалар урут » шиликуун» диэннэрэ христианнар ууга кириэс уктахтарына онтон куотан тахсаллар эбит.биhиги ону бырааhыннык оносторбут суергу.кэм биhиэнэ наар кусаган еттун утуктуу.былыргы саха итэгэлигэр танха суога.
#20

батаап18.01.2017 10:07
элбэх ахсааннаах улахан омуктары итэ5эл эрэ күүһүнэн биир сомоҕо тутан олороллорун көрөбүт, оттон бисиги сахалар эрэйдээхтэр саатар итэҕэлбитин да баардылаан бу диэн билэр суох, эгэ, оҕолор билиэхтэрэ дуо
#21

Марина18.01.2017 12:33
мудрость Конфуция: Когда Вы осуждаете других, Вы даете определение не ИМ, а СЕБЕ
#22

батаап19.01.2017 10:11
Россия былааһа православнай итэҕэли өйүүр, Саха сирин былааһа ону эмиэ өйүүр, оттон саха итэҕэлин ким өйүүр, бэйэбит эрэ туруорсан өрө таһаарар кыахтаахпыт — Саха итэҕэлин — Аар Айыы дьиэлэрин туттараы куускэ туруорсуоҕун!!! САХАЛАР ЭРЭ БУОЛЛАРГЫТ ТУРУНУН, ӨЙӨӨН терүт ИТЭҔЭЛГИТИН.
#23

Ъ20.01.2017 15:15
Уопсайынан сахалар менталитеппыт дьикти дьоммут,генетик абыт мелтех буолла5а.Сонумс ахпыт,кетумэхпи т,керу-нары батыhарбыт,култ уураны сайыннара дии дии солуута суох ол бу саарбах со5ус тэрээhиннэри кээмэйэ суох ыытарбытынан,ту ргэнник куhа5ан дьаллыкка ылларарбытынан, волевой быhаарыныыны сатаан хаhан да ылыммаппытынан, сэмэй чуумпу норуот аатыраммыт бэйэбит куттас,суhуе5э сурэ5э суох,мелтех,ака ары омук хаачыстыбатын кистии саба сатыыбыт.Онорбу ппут суох,ситиспиппи т мэлигир да буоллар бэйэни арбаныы,сиэрэ суох хайганыы тохтообот улугурэ,бэйэ киhитэ мулчу уктээтэ5инэ дьэ абытай халахайданыы,су ергулээhин сиилээhин бастына,сиргэ буорга унту тэпсээhин онно сайдар, эрчиммит онно ба5ас тиллэр . Уларыйыахпыт дуо аны?
#24

батаап23.01.2017 16:01
УЛАРЫЙЫАХПЫТ — сахалары араас куһаҕан дьаллыктартан, мөкү быһыылартан араҥаччылыыр ТӨРҮТ ИТЭҔЭЛБИТ тилиннэҕинэ!!!
Итэҕэлбит Аал-Луук маһа барыбытын сүнньүбүтүн көннөрүө!!! Оччоҕуна тойон-кулут биир сиргэ тобуктаан, Үрдүк Үрүҥ Аар Айыыга бииргэ сүгүрүйүө…
#25

бээди125.01.2017 23:16
а.максимов прав
#26

Прокопий27.01.2017 09:50
мин биир бэйэм христиаммын. оол да буоллар иьин саха омукка бэйэтэ итэ5эллээх буолуо5ун наада дии саныыбын. оннук онорорго атын сюрюн итэ5эли чинчийэн билиэххэ наада дии саныыбын. уопсай структура наада. Бэйэ саха христианнары сиилиир сатаммат, хата наадалаах дьону кинилэри кытта спец.ёрэхтээх дьону булан кэпсэтэн-ипсэтэ н билии наада. христианство куьа5анна ёрэппэт ээ. бэйэ бэйэни, ийэни-а5аны убаастыырга ёрэтэр.дьону сиилээбэккэ, куьа5аны тар5аппакка ёрэтэр, кими да5аны ёхпэккэ ёрэтэр.
#27

батаап27.01.2017 09:57
Прокопий сепке этэ5ин эрээри, саха бэйэтин итэ5элэ хайаан да сайдыахтаах, оччо5о дьону-сэргэни ордук куускэ сомо5олуон с6п
#28

Прокопий29.01.2017 07:05
Онтон бэйэ итэ5эл наада бе5е буо!!! ООл итэ5эли онорорго сибээс тосхойдун:атын итэ5эли ёйдёён — бэйэ итэ5эл онорорго. Хас танара ёрэ5эр структура баар, ис турук. Надо это понять…Ону мин ёйдююбюн бэркэ диэн христианин буоламмын. мас куба олорон ис-иhиттэн билэбин.
#29

батаап30.01.2017 12:45
омук бэйэтэ төрүт итэҕэллээх эрээри, атын улахан омуктар итэҕэллэрин үтүктээйи итэҕэл оносторбут аҕыйах ахсааннаах норуоту соччо сомоҕолообот дии саныыбын, улахан омук киһитин урдук сананар саха атын ини
#30

батаап01.02.2017 14:01
УЛАРЫЙЫАХПЫТ — сахалары араас куһаҕан дьаллыктартан, мөкү быһыылартан араҥаччылыыр ТӨРҮТ ИТЭҔЭЛБИТ тилиннэҕинэ!!!
Итэҕэлбит Аал-Луук маһа барыбытын сүнньүбүтүн көннөрүө!!! Оччоҕуна тойон-кулут биир сиргэ тобуктаан, Үрдүк Үрүҥ Аар Айыыга бииргэ сүгүрүйүө…

Ол туһугар сахалар хаһан турунабыт????

#31

Утуман Таман12.02.2017 23:31
Турунар кэммит кэллэ. Былыргы Итэ5элбит тилиннэ. 90-с с. уһуктубут Итэ5элбит үөрэтии бө5өтө үөрэтилиннэ. Биһиги Итэ5элбит Аан Дойду былыргы бұттүүнүн Итэ5элэ Сиргэ дъону сахпыт сайдыылаах өлөн эрэр Айыы Хаан — Марс планетаттан бэриллибит билии. Киһи аймах биллэр общечеловеческа й моральнай ценностарын Сир Халлаан тутулларыгар ситимниир. Научно обоснованнай уонна көстөн турар дъоңңо барытыгар биллэр билии. Бу билиибит Аан Дойду былыргы умнуллубут Итэ5элэ биһиэхэ эрэ ордон хаалбытынан со5отох буоллубут. Биһиги Итэ5элбит Буддизмнаа5ар, Христианствотаа 5ар, Исламнаа5ар быдан былыргы. Бу саңа Итэ5эллэр бары былыргы Итэ5элгэ оло5ураллар. Ол биһиги Итэ5элбит Аан Дойду дъоно бары итэ5эйэр итэ5эллэрин Ытык Аал Ук Маһа биһиги Итэ5элбит. Сирия5а Исламнар буолуохтаах Апокалипсис хайдах буолара Кораннарыгар сурулла сылдъарын толороллор кэтэһэллэр таайаллар дъэ сор диэтэ5ин. Онно баар өссө сахабтар диэн дъоннор көстүөхтэрэ кинилэргэ ураты геройдарга курдук сыһыан эрэйиллэр диэн баар. Дъэ дъикти.

Источник: old.aartyk.ru

Обсуждение • 5

Добавить комментарий
  1. Киhи

    Бииргэ тумэр итэгэл суох Сахалары.
    Ити суруйбуттарын ситэри аахпатым. Ким да киhи сурэгэр тиийэр гына интириэс тардар гына эппэт.
    Иили мин эрэ оннук убагас ойдоохпун дуо?

  2. Ордос

    Сахалары бииргэ түмэр Итэ5эл баар ол былыргыттан баччааңңа диэри кэлбит, а5албыт Төрүт Итэ5элбит. Айыы Итэ5элэ, Аар Айыы Итэ5элэ, Үрүң Аар Айыы Итэ5элэ, хайдах ба5арар кылгатыахха сөб. Бу Итэ5эл былыргы Аан Дойду барытын биир Итэ5элэ бары атын саңа Итэ5эллэртэн атына диэн кини ким эрэ эппитэ буолбатах көстөн турар кырдъык. Кини сүрүн ис хоһооно киһи солнечнай система сор5ото уонна кини оло5о, туруга, оңоһуута онноо5ор онтон тутулуктаахтара быһаарыллаллар. Айыылар диэн планеталар, иэйиэхситтэр диэн спутниктар. Билигин биһиги сахалар буккулла сылдъабыт. Ол буккулуубут төрдө бэйэбитин быһаарына иликпит, бары сахабыт дэнэбит эрээри докуменынан нууччаларбыт. Ол иһин ити онно манна нуучча буола сатааһын баар, сымыйанан бэйэ бэйэбитин кытта нууччалыы кэпсэтэбит, кыыһырдахпытына нууччалыы үөхсэн барабыт. Сахабыт дэниэхпитин наада ол эрэ кэннэ түмүллүөхпүтүн сөб буолла5а дии. Сымыйанан саха буолууну аатпыт билиммэт. Аатпыт олохпут суолун тосхоло. Саха буолуоххайын бастаан онтон түмсүөхпүт. Онно быһаарыныы наада хас биирдии киһиэхэ кытаанах сахабын диэн сымыйанан саха буола сылдъарбытын өйдүүр наада кырдъыктыы саха буолабын диэн быһаарынар наада. Холобур армяннар билигин Манчаары дуу Эллэй дуу диэн ааттаналлара буоллар төһө онно итэ5эйиэ этигитий син биир ол курдук төттөрүтэ эрэ буолла5а дии.

  3. хоту

    дойду сирин «улуу ойдоохторо» бэйэ-бэйэгитин кытта бэрт былдьасан улту куолуласан , мин этэрим эрэ соп диэн айыы итэгэлин тула дьону улту бутуйан баран бэйэгит бутуйбут «баабыскагытыттан» сосуйагыт дуо ? бутуйааччылар саатар туймаада хочотун исигэр биир тылы булбаккыт уонна кэлэн хотуттан кэлбит баабысканы туох эрэ дьиктин корбут курдук муодаргыыгыт дуу ?

  4. Хоро

    Кырдьык,итинник бэрт былдьаһа-былдьаһа ,куолулуу-куолулуу,тугу да ситиспэккэ,кыайбакка,биир санааҕа кэлбэккэ олордохппут эбээт

Оставить комментарий    

!