“Ковид диэн информационнай вирус”

Пандемия саҕана ковид-19 утары вакцинаны ылар-ылбат туһунан мөккүөр бөҕө буолбута.

Андрей КРИВОШАПКИН-Айыҥа бу ыарыыны хайдах быһаарар эбитий?

-Ковид – информационнай вирус. Судургутук эттэххэ, Үөһээ дойду абааһыларын оҥоруута. Компьютернай программаҕа вирус киирэн программатын ыһарын курдук, ковид вируһа киһиэхэ салгын кутунан киирэн киһи буор кутун – этин-сиинин алдьатар. Олохсуйан хааллаҕына атын уоргаҥҥын кэбирэтэр. Ол аата тугуй? Ол аата бу киһи Орто дойдуга кэлбит аналын толорбокко эбэтэр, сыыһа суолунан баран эрэрин ыарыынан көрдөрөллөр.  Киниттэн тугу эрэ ирдииллэрин толорбокко, ылыммакка сылдьар.

Вакцина – киһи этин-сиинин Үөһэ дойдуну кытары ситимин арааран кэбиһэр. Арҕаһыттан тэһииннээх, көхсүттэн көнтөстөөх дэнэбит дии, ол утаҕы быһар. Ону чөлүгэр түһэриэххэ сөп. Паратироцит уонна хромофильнай аденоциты ыраастаныллыахтаах.

45 сааскыттан өбүгэлэриҥ бэйэлэрин баҕаларын соҥноон бараллар. Ылымматаххына ыарыынан киирэллэр: оҥор, ылын, өйдөн диэн.

Орто дойду киһитэ Үөһээ дойдуну сэргэ Аллараа дойдуну кытары тэҥҥэ эйэ-дэмнээхтик олоруохтаах. Абааһыларга (Үөһээ да, Аллараа да дойдулар) икки атахтаах сыыһа-халты тутуннаҕына, күһэйэн көнө суолга таһаарар күүстэр эмиэ бааллар. Онон барыта куһаҕан диэн буолбатах.

Орто дойду – материальнай эйгэ, онон Аллараа дойду дьайыыта күүстээх. Ону эмиэ аахсыахха наада.

Омугуттан тутулуга суох ойууттар, удаҕаттар бааллар. Ол гынан баран сахалар ордук күүстээхтэр уонна көмүскэллээхтэр. Сахаларга үксүлэригэр төрдүлэригэр улахан киһилээхтэр. Ол ону уһугуннара сатаан ковид ыарыыта да сахаларга күүскэ киирдэҕэ.

Киһи-киһиэхэ харыстабыллаахтык сыһыаннаһыахтаах. Сорох-сороҕор билбэт дьоҥҥун сэниир, үөҕэр ордук кутталлаах курдук. Баҕар, күтүр арыалдьыттаах сылдьара буолуо. Мээнэ тыллаһан онтуларын өһүргэтэн сэккэ киирбиттэр бааллар, мин оннук түбэлтэни билэбин.

***

Aartyk.Ru