Улуу кыайыы 75 сылыгар анаан Сунтаарга кинигэ тахсыа

Улуу кыайыы 75 сылын көрсө, кыайыыны уһансыбыт уонна улахан наҕараадаҕа тиксибит Сунтаарбыт улууһун ытык дьонун ааттарын үйэтитэр кинигэ таһаарыытыгар анал улуус Аҕа баһылыгын социальнай уонна имиджевэй бэлиитикэҕэ солбуйааччы Г.М. Еремеев бэрэсэдээтэллээх анал хамыыһыйа тэриллэн үлэлээтэ.

Кинигэ матырыйаалын ааптар СӨ Култууратын үтүөлээх үлэһитэ, РФ уонна СӨ Үтүөлээх бэтэрээнэ, Сунтаар улууһун, Сунтаар нэһилиэгин итиэннэ Бүлүчээн нэһилиэгин Бочуоттаах олохтооҕо Николай Спиридонов 10 тахса сыл хомуйан, уопсайа 952 киһи аата-суола киирдэ.

Бүгүн Сунтаар улууһун Аҕа баһылыгын Анатолий Григорьевы кытары кинигэ тахсыытыгар отчуоттуур сүбэ мунньах ыытылынна. Кинигэ таҥыллан быйыл бэчээттэнэн тахсара күүтүллэр.

***

«Сунтаар улууhа (оройуона)» муниципальнай оройуон дьаһалтатын пресс – сулууспата