Курс валют
$
74.14
0.47
83.71
0.6
Курс валют
Курс валют
$
74.14
0.47
83.71
0.6
Меню
Поиск по сайту

Сунтаарга “Умнуллубат, умуллубат уот” кэриэстэбил төлөнө сандаарда

09.05.2020 10:38 0
Сунтаарга “Умнуллубат, умуллубат уот” кэриэстэбил төлөнө сандаарда
Ыам ыйын 8 күнүгэр, үтүө үгэскэ кубулуйбут Улуу Кыайыы 75 Өрөгөйдөөх сылын көрсө Ленин болуоссатыгар, дойдубут көҥүл уонна тутулуга суох буолуутун туруулаһан көмүскээбит, ил-эйэ туһугар кыргыһыы хонуутугар охтубут буойуттарбытыгар  “Умнуллубат, умуллубат уот” кэриэстэбил төлөнүн маттылар. 

Бэйэлэрин холобурдарынан улууспут эдэр көлүөнэ ыччатын уонна олохтоохторун патриотизм тыыныгар иитиигэ сүдү кылааттарын иһин улуус бэтэрээннэрин Сэбиэтин бэрэссэдээтэллэригэр Люция Ивановаҕа уонна Афанасий Васильевка махтанан туран эҕэрдэ суруктары уонна үбүлүөйүнэн өйдөбүнньүк бэлэхтэри туттардылар.

Албан Аат болуоссатыгар бүгүҥҥү ыраас халлааммыт, нус-хас эйэлээх олохпут иһин махтанан, Улуу Кыайыы 75 Өрөгөйдөөх сылынан  умуллубат кутаа уоту уматан кыһыл гвоздика дьөрбөтүн уурдулар. Долгутуулаах тэрээһиҥҥэ Сунтаар улууһун Аҕа баһылыга Анатолий Григорьев, улуус депутаттарын Сэбиэтин бэрэссэдээтэлэ Ульяна Попова, баһылыгы социальнай уонна имиджевай политикаҕа солбуйааччы Гаврил Еремеев уонна Сунтаар нэһилиэгин баһылыга Эдуар Филиппов кыттыыны ыллылар.
***
«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий