Курс валют
$
76.82
0.36
89.66
0.32
Курс валют
Курс валют
$
76.82
0.36
89.66
0.32
Меню
Поиск по сайту

Сунтаарга «Албан аат» болуоссата арыллынна

03.09.2020 16:07 0
Сунтаарга  «Албан аат» болуоссата арыллынна
Балаҕан ыйын 3 күнүгэр, улууспут киинигэр «Албан аат» болуоссата арыллынна.

Кыайыыны уһансыбыт буойуттар сырдык кэриэстэригэр “Кутурҕан томторугар” ытык бэлиэни уонна умуллубат кутаа уокка сибэкки дьөрбөтүн уурдулар. Мустубут дьон биир мүнүүтэ сэрии кыттыылаахтарын кэриэстээтилэр, ол кэнниттэн геройдар сырдык ааттарыгар саанан ытыы буолла. Улуу кыайыы 75 сылын көрсө бэйэтин кылаатын киллэрэн, кыайыыны уһансыбыт Сунтаарбыт улууһун ытык дьонун ааттарын үйэтитэр  сүрдээх улахан суолталаах кинигэ таһаарбыт — тыыл бэтэрээнэ, СӨ Култууратын үтүөлээх үлэһитэ, РФ уонна СӨ Үтүөлээх бэтэрээнэ, Сунтаар улууһун, Сунтаар нэһилиэгин итиэннэ Бүлүчээн нэһилиэгин Бочуоттаах олохтооҕо Николай Спиридонов саҥа тутуллубут болуоссат история умнуллубат кэрэhитэ буолан, ааспыты санатан ыччаты үтүөҕэ-кэрэҕэ угуйа, аҕа көлүөнэҕэ махталы иҥэрэ туруо диэн алгыс тылын анаата.

Үөрүүлээх церемонияҕа улуус баһылыгар кандидат Анатолий Григорьев, Ил Түмэн депутата  Андрей  Николаев, Сунтаар улууһун депутатарын мунньаҕын бэрэсэдээтэлэ Ульяна Попова, Сунтаар нэһилиэгин баһылыга Эдуард Филиппов, улуус ветераннарын Сэбиэтин бэрэсэдээтэлэ Афанасий Васильев, улуус баһылыгын социальнай уонна имиджевай политикаҕа солбуйааччы Гаврил Еремеев, улуустааҕы ыччат бэлиитикэтин салаатын салайааччыта Евгений Данилов, тутууну ыыппыт подрядчик ООО “Главстрой” хампаанньа дириэктэрэ Федор Попов уонна улууспут дьоно-сэргэтэ кыттыыны ыллылар. Түмүккэ улууспут салайааччылара уонна ыҥырыылаах ыалдьыттар үйэлэргэ өйдөбүл буоллун диэн кэнэҕэски кэмнэргэ кэпсии турар күөх чэчир мастары олортулар.
Кыайыы туһугар күн кэриэтэ олохторун толук уурбут биир дойдулаахтарбыт албан ааттара үйэлэртэн үйэлэргэ хаһан даҕаны умнуллуо, өлбөөдуйүө суоҕа. Ким да умнуллубат, туох да умнуллубат!
***
«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий