Курс валют
$
73.74
0.32
83.24
0.57
Курс валют
Курс валют
$
73.74
0.32
83.24
0.57
Меню
Поиск по сайту

Кириэстээх нэhилиэгэр бастакы Саха сирин алмааһа көстүбүтэ 70 сылыгар «Бастакы алмааһы көрдөөччүлэргэ» аналлаах сквер арылынна

15.09.2019 11:35 0
Кириэстээх нэhилиэгэр бастакы Саха сирин алмааһа көстүбүтэ 70 сылыгар «Бастакы алмааһы көрдөөччүлэргэ» аналлаах сквер арылынна

Сквер арыллыытыгар Сунтаар улууһун Аҕа баһылыга Анатолий Григорьев, Российскай Федерация мунньаҕын Сэбиэтин чилиэнэ Александр Акимов, Мииринэй оройуонун Аҕа баһылыга Ришат Юзмухаметов, Кириэстээх нэһилиэгин баһылыга Александр Григорьев, бырамыысылынай хампаанньалар геологтара, олохтоох нэhилиэнньэ кыттыыны ыллылар. Эҕэрдэ тыллар кэннилэриттэн алмаас көрдөөһүнүгэр үлэлээбит рабочайдары, каюрдары, ахтан-санаан, сүгүрүйэн, махтанан аастылар. Улууспут баһылыга алмаас тааһы көрдүүр экспедииссийэҕэ төһүү күүс-көмө буолбут дьоҥҥо анал наҕараадалары туттарда. Сквер тула кэлбит ыалдьыттар мас олордуутун саҕалаатылар.

Сквер тутуута «Фонд содействия социально-экономическому развитию Муниципального района «Сунтарский улус (район)» Прокопий Иванов дириэктэрдээх, бастакы эбийиэгинэн буолар. Тутууга Альберт Игнатьев биригэдьиирдээх ХЭ«ФОРС» тэрилтэ, ону сэргэ Кириэстээх нэһилиэгин дьоно-сэргэтэ кылгас кэм иhигэр тупсаҕай аныгылыы оҥоһуулаах Бүлүү Эбэ биэрэгэр, нэһилиэк килбэйэр киинин киэргэтэр сквери туттулар.

Ону сэргэ алмаасчыттарга аналлаах музей тиэргэнигэр «Чтобы помнили» Марфа Конобулова көҕүлээһининэн тэриллибит сквер арылынна.

Саҥа арыллыбыт сквер олохтоохторго история умнуллубат кэрэhитэ буолан, ааспыты санатан ыччаты үтүөҕэ-кэрэҕэ угуйа, аҕа көлүөнэҕэ махталы иҥэрэ туруо.

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий