Курс валют
$
73.28
0.1
86.63
0.12
Курс валют
Курс валют
$
73.28
0.1
86.63
0.12
Меню
Поиск по сайту

Иван КУЛЬБЕРТИНОВ аҕатыгар анаммыт памятник эскиһин сөбүлээбэтэх

26.05.2020 15:43 22
Иван КУЛЬБЕРТИНОВ  аҕатыгар анаммыт памятник эскиһин сөбүлээбэтэх

Ыам ыйын 25 күнүгэр Аҕа дойду сэриитигэр кыраҕы харахтаах бэргэн байыас быһыытынан суон сураҕырбыт Иван Кульбертиновка аналлаах памятник эскиһин күрэхтэһиитэ түмүктэннэ. Адаар муостаах табаны мииммит снайпер Кульбертинов уобараһа ордук буолсу диэн дьүүллүүр сүбэ быһаарбыт.

Куоҥкуруһу Саха Республикатын баһылыгын иһинэн тэриллибит архитектура уонна куораты тутуу салаата тэрийбит. Хотуннара Ирина Алексеева, уруккуттан куораты тупсарар аналлаах кылаабынай архитектор.

Дьүүллүүр сүбэ сыанабылыгар сэттэ хамаандаттан 15 үлэ киирбит. Онтон саамай тупсаҕайдара «табалаах буойун» эскиһэ диэн быһаарбыттар. Ааптардара — Николай Чоччасов уонна Марина Рожина. Иккиэн ааттаах-суоллаах худуоһунньуктар. Чоччасов аата киһи кулгааҕар баар аат.

Дьүүллүүр сүбэ быһаарыытынан, бу памятник Кыайыы пааркатыгар (Өктөөп 50 сыла автострадаҕа) туруоруллуохтаах, паарка бу күһүн аһыллыахтаах. Памятник буоллаҕына, «Формирование современной городской среды на территории РС» диэн судаарыстыбаннай программа быһыытынан үбүлэнэн тутуллуохтаах.

Ол гынан баран аатырбыт снайпер уола — Иван Кульбертинов памятнига дуостал сирэр эбит. Дьүүллүүр сүбэҕэ инньэ диэн сирэйдэригэр эппит. Ону анарааҥҥылара туох да диэн хардарбатахтар.

Иван Иванович этэр:

«Аан дойду сэриитигэр үтүмэн араас омук кыттыбыта. Аҕа дойду көмүскэлигэр сэбиэскэй норуот бүттүүн кыттыбыта. Дон хаһааҕыттан, узбегар, татаарыгар, нууччатыгар, эбэҥкитигэр, сахатыгар тиийэ. Тоҕо эрэ ол дьону барыларын төрүт көлөлөрүгэр кими да олордубатахтара эбээт. Дьоруой Поповы оҕуска олордубатахтара буолбат дуо?  Бу «табалаах» эскизтэригэр амырыын уот сэриини ааһан, өлүүнү-сүтүүнү эҥэринэн тэлэн, кырыктаах өстөөҕү кыайан-хотон кэлбит киһи уобараһа суох. Табаһыттар слеттарыттан кыайан-хотон кэлбит дэлэгэй налыччы киһи курдук ойууламмыт. Кини уос номоҕор снайпер быһыытынан киирбитэ, оттон ити эскизкэ сатахха бэнтиэпкэтэ да суох. Эмиэ да национальнай таҥастаах, эмиэ да пилоткалаах… Олох атыҥыраатым, хайдах эрэ күлүү гыммыт курдук. Аҕыйах ахсааннаах норуот бэрэстэбиитэлэ диэн ала-чуо бэлиэтээри гыммыт буоллахтарына, ону ситиһэр атын да ньыма баар буоллаҕа. Үөрэхтээх дьон ону миигиннээҕэр үчүгэйдик билэллэрэ буолуо эбээт. Постаменыгар дьэ барельеф курдук табатын, булдун-алдын, айылҕатын киллэрдиннэр эбээт. Памятник — сэрии диэн иэдээн, өстөөх диэн адьырҕа, ол ону биһиги дьоммут олох тиһэх хааннарыгар диэри туруулаһан,  туох баар кыахтарын тоҕо сүөкээн, санааларын түмэн кыайбыттара, ол ону ааспыт дьон бу тураллар диэн ыччакка көрдөрүөхтээҕэ», — диир.

Онон, улууканнаах сэрииһит төрөппүт уола санаата итинник. Кырдьык да диэҕи баҕарыллар.

Иван Иванович, өлүөхүмэлэр дьокутааттарыгар, биир хааннааҕар — Арсений Николаевка Aartyk нөҥүө накаас ыытар — памятник ис хоһоонун, суолтатын арыйарыгар бука турууластын диэн илдьиттиир.

***

Aartyk.Ru

Обсуждение • 22

Добавить комментарий
  1. 09

    В положении конкурса п.4.5. написано: «В композиции также необходимо отразить образ Ивана Кульбертинова – как сына-героя эвенкийского народа, с сопутствующими скульптурными элементами (н-р олень, собака и т. д)»

    Почему перед объявлением конкурса родственники НЕ ИЗУЧИЛИ положение?

    • Ивановна

      Почему не изучили? Изучили…. мы все своё желание передали. Дальше ОНИ сами все решили… вопрос: раз знали заранее, почему они наше мнение спрашивали. Видимо для вида

      • Алексей

        Биир бэйэм себулээбэтим
        Слетка айаннаан иьэр табаьыт курдук
        Кульбертинов курдук сэрии былаьын тухары быьах биитинэн хаама сырыттага Снайпер «улэтэ» оннук
        Ону кердерер туох да суох ити эскизкэ

  2. Саха

    Сыбыс сымыйаннан тойоттор барытын холбоон, биир сиргэ тумэ сатаан онордохторой!! Уола сопко этэр. Чиновниктар бэрди докумуону суруйа уорэммиттэр, докумуонуна сырай-харах анньаллар. Онтон оччогуна того киьилии сиэринэн уолунан кытта кэпсэппэттэр, ханна наадата суохха конкурс тэрийбитэ буолан.

  3. Туйара

    Тупсагай дии санаабатым, кулуу гыммыт курдук.

  4. Иван

    Саатар аатырбыт снайперы винтовката да суох ойуулаабыттар

  5. тукулутта

    саллаат, саллаат быьыытынан кердеруехтээхтэр, хайдах тугу да кыайбат, тугу да сатаабат хамаанда диэтэ5ин, киьи сонньуйар дьоно, улуу снайпер уола сепке этээр.

  6. Байбал

    Уйбаан сепке эппит. Хайдах эрэ элэктээбит курдук буолбут.

  7. Патриот

    Кырдьык элбэх киhи, элбэх этим, оол гынан баран Уйбаан а5атын этинэн хаанынан билэн, ылынан, бу онорбут оноhуулара кырдьык да, табаарыс Кульбертинов буойун буоларын арыйбатахтар дьиирэ оруннаах, холобура соптоох, табаhыттар слеттарыттан айаннанаан иhэр табаhыт курдук буолбут. Туораттан кэлбит туристам оннук санаа5а кэлиэхтэрэ. Аны турар сирэ суол айа5ар.

  8. Саха киһиьэ

    В этом проекте напрочь отсутствует образ великого снайпера — грозы немецких фашистов. Сын Иван Иванович полностью прав, поэтому полностью поддерживаю его . В эскизе нет того тяжелого дыхания прошедшей страшной войны, откуда вышел победителем Иван Николаевич. Все как-то легкомысленно, весело и умиротворенно. Причем здесь олень? Он На олене воевал? Действительно, как будто едет оленевод со слета победителей соцсоревнования. Великий снайпер Кульбертинов — гордость всей Якутии, а не только эвенкийского народа. То есть Образ Ивана Кульбертинова должен олицетворять всех воинов Якутии, погибших в этом аду и тех фронтовиков, израненных, но вернувшихся домой! Проект не годится! Состав комиссии срочно поменять, ибо показали свою полную некомпетентность.

  9. Кугдаров

    Олох сепке дьон эппит. Ити Алексеева диэн туох мааны дьахтарын Айсыан, инньэ мэрияттэн соьо сылдьарый? Куруук атыны туойа сылдьар хотунуй, сэрии уораана памятникка кестуехтээх, саха саллаата элбэх снайпердаах этэ, ону Кульбертинов обраьынан кердеруллуехтээх диибин.

  10. Семен

    Иваны кытта себулэhэбин.Кулуу элэк курдук эскиз.Тебете да суох архитектор,скульптордар баар буолаллар эбит.Лично миэхэ Чоччасов авторитета ниже плинтуса тустэ.

  11. Гавриил

    Иван Николаевич дьиҥэр хайа үрдүгэр буолуохтаах, бинтиэпкэтин туппутунан, оччоҕо эрэ, биһиги аатырбыт снайпербыт аата ааттаныахтаах.
    Кини аан дойду 10 чулуу снайпердарын ахсааныгар баар.

  12. Киритик

    Дьин олорон ааспыт дьоруойбутун , киэн туттар киьибитин кэмпитентная суох хамыьыйа улаханнык киттиппит! . Хомолтолоох. Айсен Сергеевич хамыьыйа быьарыытын кэтурэн, дьоруой ис туругун, уобараьын сэпкэ дьонно тириэрдэр кыахтаах сана хамыьыйа тэрийэргэ ураахтыырын куутэбит.

  13. прохожая

    Тот случай, когда в искусство вмешиваются непрофессионалы. Они не имеют права лезть в работу комиссии, ибо он сын всей Якутии, а не только чей-то родственник отдельно взятой семьи

  14. Елена

    Итиннэ барытыгар Голомарева Елена Христофоровна салайан тэрийбитэ. Ханна баарый кини эппиэтэ, ханна сасан сытарый? Того дьэ Кульбертиновпытын таба урдугэр олорто?

  15. Да

    Иван Кульбертинов — гордость не только эвенкийского народа , но и Якутии , победоносной Красной Армии .Один из выдающихся бойцов 2 мировой войны , вообще один лучших воинов всех ввремен и народов — по числу лично уничтоженных врагов. Этот эскиз действительно не передает образ героя такого масштаба.

  16. Куорат олохтоого

    Иван Иванович олус сепке этэр. Аата тебелеругэр батаран, экспердэр диэн «компетенция» дуомнаах дьон себулэьэ турбуттара, бу дьон компетенцияларын керуеххэ сеп курдук эбит. Норуоту норуокка утары туруорар маргинал эрэ маннык памятникам себулэьиэн сеп. Ити экпердэри туоратыахха, памятник усулуобуйатын уларытыахха. Ама да наьаа «лобовой» утарынан мэлтэччи уобарас буолбат буоллага. Талаан, кыах тиийбэт буоллагына того ылсаллара буолла? Мин сахабын да, олох себулээбэтим. Айдаан тахса илигинэ тохтотуохха.

  17. Якутянин

    Верх цинизма! Или не знание 3-х главных идей памятника: кровопролитная Война, якутяне ковали Победу, герой-Снайпер.

  18. Буетур норуот уола

    Наоборот норуоту сэнээьин курдук кестер,адьас улаханнык толкуйдуу сатаабат архитектордар ,комиссиялар эбит,кыбыьынным,ессе кыбыстыы кэлин буолуо.

  19. София

    Маныаха майгынныыр памятник таба урдугэр олорор хамсалаах табаhыт Мииринэйгэ баар, алмаас арыллыытыгар сирдьит буолан кемелеспут каюрдарга анаммыт, 2005 сыллаахха Мииринэй 50 сылыгар туруоруллубута, автора скульптор Эдуард Пахомов этэ. Бу улуу снайпер Кульбертиновка аналлаах памятник ол памятниктан атына диэн табаhыт хамсата эрэ суох, Э.Пахомов скульптуратын туhэрэн ылааhын курдук эбит. Уола сепке себулээбэтэх, буойун, сэрииhит уобараhа арыллыбатах, сатаатар бойобуой винтовката суох, сатаатар винтовкатынан сыалын кынаан турар буойун буолуохтаах этэ. Мииринэйдээги каюру хамсатын ылан сордууллар этэ, билигин отой да мэлиппиттэр быhыылаах.

  20. Житель

    Кульбертинов хорсун быһыытын, улуу снайперын обраһа, бу эскизкэ ханан да суох. Туохха олоҕуран бу композицияны таллылар? Көннөрү табаһыт киһини оҥорбуттар, бу Кульбертинов үһү дуо? Дьэ саат — суут диэтэҕиҥ. Күлүү гынан оҥорбуттар, олох киэр гыныҥ ити эскиһи, сүрэ бэрт, улуу снайперы итинник көрдөрүү, кини дьоруой олоҕун тугунан да сырдаппат.

Оставить комментарий