Александр Гаврилович Габышев 125 сыллаах үбүлүөйүнэн Ньурба куоратын скверыгар сибэкки уурулунна

Ньурба улууһуттан, Куочай сириттэн төрүттээх улахан государственнай, политическай деятель Александр Гаврилович Габышев аатыгар сүгүрүйэн, бүгүҥҥү 125 сыллаах үбүлүөйүнэн Ньурба к. скверыгар сибэкки уурулунна.

Улуус, куорат, Октябрьскай нэһилиэк салалтата, тэрилтэлэр салайааччылара, общественность, ыччат дьон, сквер таһыгар баар М.С. Егоров аатынан 2 № оскуола 10 кылаастарын үөрэнээччилэрэ кыттыыны ыллылар. Киэн туттар биир дойдулаахпыт олоҕун биографията кэпсэнэ, истиҥ тыллар этилиннилэр.

Баһылык Семен Александрович Корякин республика сайдыытыгар сүдү суолталаах киһибитин үйэтитиигэ үлэлээбит Семен Иванович Самсоновы аҕынна, Алексей Михайлович Иннокентьев мэрдыы олорон сир биэрэн сквер оҥоһуллубутун эттэ.

Александр Габышев аата үйэлэргэ умнуллубатын!

***
Октябрьскай нэһилиэк пресс-киинэ