СУНТААРБЫТ СВАЛКАТА БЭРЭЭДЭКТЭНЭН ИҺИЭ

Күнүн ахсын, сыыйа – баайа бөх-сах боппоппуруостара быһаарыллан иһэллэр. Соторутааҕыта свалкаттан бөх барыта “ЭМИЭ” таһыгар таҕыста диэн һуу-һаа буолбуппут. Биллэн турар, быйыл уу-хаар элбэх буолан свалка суола туох да сатаан сылдьыбат буолуор дылы алдьаммыта. Бу түгэн эрдэ региональнай оператордаабыт тэрилтэ сөптөөх үлэ ыыппатаҕын түмүгэр буолбут. 

“Билигин свалка иһинээҕи суолун оҥоро сылдьабыт, суол икки хайысхалаах буолуоҕа. Ол аата бөҕү тиэйэр массыына туспа суолланыа, сүрүн суола алдьамматын курдук” – диэн Сунтаар улууһун Баһылыгын бастакы солбуйааччыта Александров Николай Павлович эттэ.

Ол да буоллар, сотору кэминэн бэйэбит олохтоох тэрилтэбит региональнай оператор буоларын Улуус Дьаһалтата ситиһэ сылдьар, сарсын 07.06.2023г. ити боппуруос тула МинЖКХ-ны кытта ВКС нөҥүө мунньах буолуохтаах. Соторутааҕыта, номнуо урукку региональнай оператортан бу үлэттэн баҕа өттунэн аккаастанарын курдук сурук тупуппут. Салҕыы туох баар хамсаныылары сроктаан туран сокуоҥҥа эппиэттиир курдук бэйэбит олохтоох тэрилтэ региональнай оператор быһыытынан үлэлээн барыа. Ол туһунан телеграм каналбытыгар информация таһаарыахпыт. 

Ону таһынан, сөпсөһүүтүн аастаҕына Сунтаар улууһун Дьаһалтата, Сунтаар  олохтоох Дьаһалтата, уонна ООО “ЖКС” үс өрүттэх сөбүлэҥ түһэрсиэхтэрэ, онно туох баар эппиэтнэс бары ыйыллыаҕа – олоххо киллэрэргэ ситиһии барыа.

***

Источник: @suntaar_ulus