Курс валют
$
88.69
1.02
96.3
0.79
Курс валют
Курс валют
$
88.69
1.02
96.3
0.79
Меню
Поиск по сайту

Сунтаар улууһугар историяҕа киирэр улахан суолтаталаах саҥа хардыы

16.03.2020 10:54 2
Сунтаар улууһугар историяҕа киирэр улахан суолтаталаах саҥа хардыы
Кулун тутар 13 күнүгэр, бизон биһиги дойдубутугар төрөөн, үөскээн, тэнэһийэ сылдьыбыт диэн историческай суолтатын хаҥатар сыалтан, Сунтаар улууһугар бизон кыылы аҕалан Кэмпэндээйиттэн 50 км тэйиччи сиргэ 10 харамайы ыыттылар.

Бу экологическай бырайыак улууска экотуризм хайысхата сайдарыгар кэскиллээх хардыы буолар. Историяҕа киирэр үөрүүлээх тэрээһиҥҥэ Сунтаар улууһун Аҕа баһылыга Анатолий Григорьев, Кэмпэндээйи нэһилиэгин баһылыга Александр Игнатьев, улуустааҕы экология салаатын салайааччыта Сергей Николаев, ДБР биологическай ресурсаларын салаатын исписсэлииһэ Андрей Попов уонна олохтоох нэһилиэнньэ кыттыыны ыллылар.

Улууспут дьоно-сэргэтэ уонна туус собуотун дириэктэрэ, «Сооруос» сылгы базатын иилээн-саҕалаан төрүттээбит Алексей Игнатьев, өр сылларга ыра санаа оҥостубут баҕата туолар чинчилээҕиттэн Ил Дархан Айсен Николаевка, СӨ Бырабыыталыстыбатыгар уонна айылҕа харыстабылын миниистиригэр Сахамин Афанасьевка махтала муҥура суох.

***
“Сунтаар улууhа (оройуона)” муниципальнай оройуон дьаһалтатын пресс – сулууспата.

Обсуждение • 2

Добавить комментарий
  1. пенсионер

    экологическай бырайыак улууска экотуризм хайысхата сайдарыгар кэскиллээх хардыы дьон кэлэн кереругэр эрэ дуо онтон керуутэ-истиитэ улахан ороскуота суогунан эт аьылык буолан сандалы остуолга ууруллан аьаныллыбат дуо

    Источник: Aartyk.ru

  2. Доброжелатель

    Сэрэниэххэ.Билиццитэ опыт оцоьуута.Кецул ыытар учуонайдар анал быьаарыылара суох табыллыбат.Канадецтар этэллэринэн кыарагас сиргэ кецу ыытар ночооттоох дэьэллэр.Онон анал экзотикага эрэ туьаналлар уьу.Биричиинэтэ талагы,оту силиьин алдьатар эбит.Онон баар сиригэр уунээйи араас керуцэ сутуен сеп.Суулэ киирдэгинэ,ыарыйдагына ыркый ойууру,маьы-оту алдьатар идэлээх уьу.Онон биьиги ойуурдарбыт кыылларын,кетердерун кытары дьуерэлэьиэ суогун сеп курдук.Онон чуолкайданыар диэр мэнээк ыыппакка кэтээн керер наада курдук.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»