Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

НЬУРБА УЛУУҺУГАР БЫЛААННАММЫТ ТАҺАҔАС ТИЭЛЛЭН КЭЛЭРИГЭР ЭРЭЛЛЭЭХТЭР

09.06.2020 08:54 0
НЬУРБА УЛУУҺУГАР БЫЛААННАММЫТ ТАҺАҔАС ТИЭЛЛЭН КЭЛЭРИГЭР ЭРЭЛЛЭЭХТЭР

Бүлүү өрүс мууһа бараатын кытары, ыам ыйын 19 күнүттэн навигация саҕаламмыта. Ньурбаҕа сайыҥҥы уу суолунан 25.500 туонна уматык тиэллэн кэлиэхтээх. «Бүлүү» өрүс уутун суолун кылаабынай инженерэ Виктор Иванович Кириллин быйылгы сайыҥҥы навигация туһунан билиһиннэрдэ:


– Ыам ыйын 26 күнүгэр «Ленанефть-2053» танкер уматык тиэйиилээх маҥнайгынан тиксибитэ, сыыйа танкердар кэлэннэр сүөкэнэллэр. Сунтаарга барыахтаах тиэммит таһаҕастаах танкердар уу кэлэрин кэтэһэн Ньурба анныгар тураллар.
Бу күннэргэ Дьабарыкы Хайа шахтатыттан 10 тыһ. туонна курдук чох Ньурбатааҕы ГУП ОДьКХ ыскылаатыгар тиэйилиннэ, Маалыкайга – 2100 туонна чох сүөкэннэ. Дьаархаҥҥа 1000 туонна цемент кэлэн турар. «Дороги Саха» сабыылаах АУо суоллары аспааллааһыҥҥа 4000 кэриҥэ таһаҕас аҕалыллыахтаах.
«РИК Автодор» АУо 16000 туонна курдук таһаҕаһы ылыахтаахтар. Мин билэрбинэн, 13000 курдуга уу суолунан тиэллэн иһэр. Маны таһынан, «Татыйыына» атыы-эргиэн киинигэр 200 туонна курдук бородуукта тиэллэн кэлбитэ.
Бэс ыйын 4 күнүттэн Бүлүүтээҕи ГЭС барыллаан 2,5 куб.км ууну ыытыахтаах. Бэс ыйын 23-25 күннэригэр диэри ГЭС уутун ыытар. Онон улахан таһаҕастаах суудуналар бу ыйы харгыһа суох үлэлиэхтэрэ диэн эрэл баар. ГЭС уута кэлэн бүттэҕинэ кыра суудуналар коммерческэй таһаҕаһы тиэйиилэрин салҕыахтара.

 

***

Ааптар: Антонина СЕМЁНОВА

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»